NCA လက်မှတ်ထိုးမယ့်သတင်း ပြည့်စုံတိကျမှုမရှိကြောင်း UNFC ဒုဥက္ကဌ ပြော

UNFCအဖွဲ့ဝင်(၅)ဖွဲ့ဖြစ်တဲ့ မွန်ပြည်သစ်ပါတီ ကရင်နီအမျိုးသားတိုးတက်ရေးပါတီKNPP ၀အမျိုးသားအဖွဲ့WNO ရခိုင်အမျိုးသား ကောင်စီ ANC လားဟူဒီမိုကရက်တစ်ပါတီတို့ကနေ NCAလက်မှတ်ရေးထိုးတော့မယ်လို့ အစိုးရပိုင်မီဒီယာထဲပြောဆိုချက်အပေါ် မဟုတ်မှန်ဘူးလို့ UNFCခေါ်ါ် ညီညွတ်သောတိုင်းရင်းသားလူမျိုးများဖက်ဒရယ်ကောင်စီအဖွဲ့တာဝန်ရှိသူတွေကငြင်းဆိုခဲ့ပါတယ်။ UNFCအနေနဲ့ အစိုးရနဲ့ည်ိနှိုင်းထားတဲ့ အချက်(၉)ချက်ကို ပြေလည်အောင်ညှိ နှိုင်းပြီးမှ NCAလက်မှတ်ရေးထိုးမဲ့အနေ အထားရှိ တယ်လို့ဆိုပါတယ်။ VOAထိုင်း အခြေစိုက် သတင်းထောက် နိုင်ကွန်းအိန် ကနေသတင်းပေးပို့ထားပါတယ်။

UNFCခေါ် ညီညွတ်သောတိုင်းရင်းသားလူမျိုးများဖက်ဒရယ်ကောင်စီအဖွဲ့(၅)ဖွဲ့ကနေ NCAအပစ်ရပ်လက်မှတ်ရေးထိုးတော့မယ်လို့ အစိုးရပိုင်မီဒီယာထဲမှာကျေညာသွားတဲ့အပေါ်မဟုတ်မှန်ကြောင်းUNFCဒုတိယဥက္ကဌနိုင်ဟံသာကနေပြောပါတယ်။

UNFCအဖွဲ့ဝင်(၅)ဖွဲ့ဖြစ်တဲ့ မွန်ပြည်သစ်ပါတီ ကရင်နီအမျိုးသားတိုးတက်ရေးပါတီKNPP ၀အမျိုးသားအဖွဲ့WNO ရခိုင်အမျိုးသား ကောင်စီ ANC လားဟူဒီမိုကရက်တစ်ပါတီတို့ကနေ NCAလက်မှတ်ရေးထိုးတော့မယ်လို့ အစိုးရပိုင်မီဒီယာထဲမှာကျေညာခဲ့တာပါ။

UNFCအဖွဲ့ဝင်တွေအနေနဲ့ အစိုးရနဲ့ည်ိနှိုင်းထားတဲ့ အချက်(၉)ချက်ကို ပြေလည်အောင်ညှိ နှိုင်းပြီးမှ NCAလက်မှတ်ရေးထိုးမဲ့အနေ အထားရှိတယ်လို့ သူကပြောပါတယ်။

UNFC ကနေတင်ပြထားတဲ့ အချက်(၉)ချက်ကိုအစိုးရငြိမ်းချမ်းရေးကော်မရှင်ဘက်က မူအရလက်ခံပြီး ဖြစ်ပေမဲ့ အကြေအလည်တွေ့ဆုံဆွေးနွေးမှု မပြုရသေးဘူးလို့လဲသူကဆိုပါတယ်။

တကယ်လို့ UNFCကတင်ပြထားတဲ့အချက်အလက်တွေဆွေးနွေးလိုပြေလည်မယ်ဆိုရင် NCAလက်မှတ်ရေးထိုးသွားဖွယ် ရှိတယ်လို့လဲသူကဆိုပါတယ်။

လက်ရှိUNFCအပါအ၀င်တိုင်းရင်းသားလက်နက်ကိုင်အဖွဲ့ထဲမှာ NCAလက်မှတ်ရေးထိုးရေးကိစ္စနဲ့ပက်သက်လို့ အမြင်ကွဲခွှဲမှု တွေရှိနေပါတယ်။

‘၀’ပြည်သွေးစည်းညီညွတ်ရေးအဖွဲ့ (UWSA) ဦးဆောင်ပြီး ဖေဖော်ဝါရီ နောက်ဆုံး ပတ်က ကျင်းပခဲ့တဲ့ပန်ခမ်းညီလာခံရဲ့ အစည်းအဝေးအပြီး UWSA ၀ပြည်သွေးစည်း ညီညွတ်ရေးအဖွဲ့ KIO ကချင်လွတ်လပ်ရေး အဖွဲ့ SSPPမြောက်ပိုင်း ရှမ်းပြည်တပ်မတော် TNLAတအာန်းပလောင်တပ်ဖွဲ့ မိုင်းလားတပ်ဖွဲ့ (NDAA)၊ ရခိုင်တပ်မတော်(AA)၊ ကိုးကန့်အဖွဲ့ (MNDAA)တို့ဟာ NCA ကိုလက်မခံဘဲ ငြိမ်းချမ်းရေးလမ်းကြောင်းသစ်တခုကိုဖေါ်ဆောင်သွားမယ်လို့ ကြေညာချက် ထုတ်ပြန်ထားပါတယ်။

ကျန်ရှိတဲ့UNFCအဖွဲ့(၅)ဖွဲ့အနေနဲ့ NCAလမ်းကြောင်းအတိုင်းဆက်လက်လုပ်ဆောင်သွားမဲ့သဘောရှိနေပါတယ်။

မွန်ပြည်သစ်အနေနဲ့ကတော့ NCAလက်မှတ်ရေးထိုးဖို့သဘောတူတဲ့အကြောင်း မတ်လ(၂၁)ရက်နေ့မှာကျင်းပတဲ့ ဗဟိုအလုပ်မှုဆောင်ကော်မီတီအစည်းအဝေးမှာဆုံးဖြတ်ခဲ့ကြသလို သင်္ကြန်အလွန်မှာဗဟိုကော်မိတီအစည်းအဝေးမှာ ထပ်မံဆွေးနွေးဆုံးဖြတ်သွားမှာဖြစ်ပါတယ်။

UNFCအဖွဲ့အနေနဲ့ကတော့ တင်ပြထားတဲ့အချက် ၉ ချက်ကိုခိုင်မာအောင်ထပ်မံဆွေးနွေးပြီးတဲ့နောက် NCA ကို လက် မှတ်ရေးထိုးမယ်ဆုိုပြီး မတ်လ ၁၄ ရက်နေ့မှာကျင်းပပြီးစီးခဲ့တဲ့ UNFC ဗဟိုအလုပ်အမှုဆောင်ကော်မတီ အရေးပေါ် အစည်းအဝေးမှာ ဆုံးဖြတ်ထားပါတယ်။

ကိုနိုင်ကွန်းအိန်   / ဗွီအိုအေ (မြန်မာပိုင်း)
http://burmese.voanews.com