တောင်ကုတ်တွင် စက်လှေတစ်စင်း နစ်မြုပ်ခဲ့သဖြင့် အမျိုးသမီး ခြောက်ဦး သေဆုံး


တောင်ကုတ် စက်တင်ဘာ ၇

ရခိုင်ပြည်နယ် တောင်ကုတ်မြို့နယ် တွင် ယနေ့နံနက်ပိုင်းက စက်လှေ နစ်မြုပ်မှုတစ်ခု ဖြစ်ပွားခဲ့သဖြင့် လှေပေါ်တွင် ပါလာသူများ အနက် အမျိုးသမီးခြောက်ဦး သေဆုံး ခဲ့ကြောင်း သိရသည်။

အဆိုပါ စက်လှေသည် တောင်ကုတ်မြို့မှ ရမ်းဗြဲမြို့နယ် စကု ကျေးရွာသို့ထွက်ခွာစဉ် နစ်မြုပ်ခဲ့ခြင်း ဖြစ်ပြီး တောင်ကုတ်မြို့မှ ထွက်ခွာ ချိန်တွင် စက်လှေပေါ်၌ လိုက်ပါ စီးနင်းသူနှင့် ကုန်စည်အရေအတွက် များပြားနေသည့်အတွက် ပင်လယ်ဝ အရောက်တွင် လှိုင်းဒဏ်ကြောင့် နစ်မြုပ်သွားခြင်းဖြစ်ကြောင်း အခင်း ဖြစ်ပွားရာသို့ သွားရောက်ကူညီခဲ့သည့် တောင်ကုတ်မြို့ခံ ဦးစန်းငွေက ပြောသည်။

''နစ်မြုပ်မှု ဖြစ်ပွားတဲ့ စက်လှေက သေးသေးလေးပါ။ စက်လှေပေါ်မှာ ကုန်တွေလည်းအများကြီးတင်သွားတဲ့ အတွက် အိုဗာဝိတ် ဖြစ်နေပါတယ်။ အဲဒါကြောင့်ပင်လယ်ပြင်ကို ထွက်တဲ့ အချိန်မှာ လှိုင်းဒဏ်မခံနိုင်တဲ့အတွက် နစ်မြုပ်သွားတာ ဖြစ်ပါတယ်။ လှေနစ် တဲ့အချိန်မှာ အမျိုးသားတစ်ဦးက အနီးဆုံးကမ်းကို ကူးနိုင်ခဲ့ပြီး အနား မှာ ရှိတဲ့ ရွာကိုအကူအညီတောင်းနိုင် ခဲ့တဲ့အတွက် ရွာက စက်လှေတွေက ထွက်ပြီးကူညီခဲ့တာကြောင့် တော်တော်များများ အသက်ရှင်ခဲ့ပါတယ်''ဟု ၄င်းက ပြောသည်။

နစ်မြုပ်မှု ဖြစ်ပွားခဲ့သည့် စက်လှေ ပေါ်တွင် အမျိုးသားကိုးဦး၊ အမျိုးသမီး ၁ဝ ဦး လိုက်ပါသွားခြင်းဖြစ်ပြီး အမျိုး သမီး ခြောက်ဦးသေဆုံးခဲ့ကာ ကျန် လူများမှာ အသက်ရှင်ကြောင်း တောင်ကုတ်မြို့မ ရဲတပ်ဖွဲ့စခန်းမှ သိရသည်။

စက်လှေနစ်မြုပ်မှု ဖြစ်ပွားပြီး နောက်တွင် ရှာဖွေကယ်ဆယ်ရေး လုပ်ငန်းများကို ဆောင်ရွက်ခဲ့ရာ အမျိုးသမီး သုံးဦး၏ ရုပ်အလောင်းကိုရှာဖွေတွေ့ရှိခဲ့သော်လည်း ကျန် အမျိုးသမီး သုံးဦး၏ ရုပ်အလောင်း များကိုမူ ရှာဖွေနေဆဲဖြစ်ကြောင်း သိရသည်။

(သုတ)
The Mirror Daily
https://www.facebook.com/TheMirrorDaily

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ