Rio အိုလံပစ် အမေရိကန်ဆုတံဆိပ် အများဆုံးနဲ့ ဦးဆောင်နေ

အမေရိကန် ရေကူးချန်ပီယံ ရွှေတံဆိပ်ဆုရှင် Michael Phelps
ဘရာဇီးနိုင်ငံ၊ Rio de Janeiro မြို့မှာ ကျင်းပနေတဲ့ ၂၀၁၆ အိုလံပစ် အားကစား ပြိုင်ပွဲတွေရဲ့ နံမည်ကြီး လူကြိုက်များတဲ့ ရေကူးပြိုင်ပွဲ နောက်ဆုံး ပွဲစဉ်တွေကို ဒေသ စံတော်ချိန် စနေနေ့မှာ နောက်ဆုံး ကျင်းပကြမှာဖြစ်ပြီး အမေရိကန်နိုင်ငံက ရေကူး ချန်ပီယံ Michael Phelps ဟာ မီတာ ၁၀၀ ၊ ၄ ယောက်တွဲ လက်ဆင့်ကမ်း အလွတ် ကူးပြိုင်ပွဲမှာ ပါဝင်မှာ ဖြစ်ပါတယ်။

ရေကူးပြိုင်ပွဲတွေကနေ အနားယူထားရာက Rio ၂၀၁၆ အိုလံပစ် အားကစား ပြိုင်ပွဲမှာ ပြန်လည် ပါဝင်လာတဲ့ Phelps ဟာ အခုသီတင်းပတ်အတွင်း ကျင်းပ ခဲ့တဲ့ ရေကူးပြိုင်ပွဲတွေမှာ ရွှေတံဆိပ် ၄ နဲ့ ငွေတံဆိပ် ၁ ခု ရရှိထားပြီး ဖြစ်ပါတယ်။ စနေနေ့ည နှောင်းပိုင်းမှာ ကျင်းပမယ့် နောက်ဆုံးပြိုင်ပွဲမှာ Phelps အနေနဲ့ နောက် ထပ် ရွှေတံဆိပ် ၁ ခု ထပ်ရနိုင်ဖို့ အလားအလာများတဲ့အတွက် အမေရိကန် အသင်း အတွက်လည်း ရွှေတံဆိပ် ၁ ခု ထပ်တိုးမယ့် သဘောရှိနေပါတယ်။

သောကြာနေ့တုန်းကတော့ အမေရိကန်နိုင်ငံက ရေကူးချန်ပီယံ Katie Ledecky က မီတာ ၈၀၀ အလွတ်ကူးပြိုင်ပွဲမှာ ကမ္ဘာ့စံချိန်သစ်တင်ပြီး ရွှေတံဆိပ်ဆုကို ဆွတ်ခူး သွားခဲ့ပါတယ်။ အခု အသံလွှင့်ချိန်အထိ ရရှိထားတဲ့ ဆုတံဆိပ်စာရင်းအရကတော့ အမေရိကန်က ရွှေတံဆိပ် ၂၁ ခု၊ ငွေတံဆိပ် ၁၅ ခု၊ ကြေးတံဆိပ် ၁၈ ခု၊ စုစုပေါင်း ဆုတံဆိပ် ၅၄ ခုနဲ့ ထိပ်ကနေ ဦးဆောင်နေပါတယ်။

တရုတ်နိုင်ငံကတော့ ရွှေ ၁၃ ခု၊ ငွေ ၁၁ ခု၊ ကြေး ၁၇ ခု၊ စုစုပေါင်း ဆုတံဆိပ် ၄၁ ခုနဲ့ ဒုတိယ လိုက်နေပြီး ဗြိတိန်နိုင်ငံက ရွှေ ၉ ခု၊ ငွေ ၁၁ ခု၊ ကြေး ၆ ခု၊ စုစုပေါင်း ဆုတံဆိပ် ၂၆ ခုနဲ့ တတိယ နေရာမှာ ရှိနေပါတယ်။ အရှေ့တောင် အာရှနိုင်ငံတွေ ထဲမှာတော့ မြန်မာ့ အိမ်နီးချင်း ထိုင်းနိုင်ငံက ရွှေတံဆိပ် ၂ ခု၊ ငွေ ၁ ခု၊ ကြေး ၁ ခု၊ စုစုပေါင်း ဆုတံဆိပ် ၄ ခုနဲ့ နံပတ် ၁၇ နေရာမှာ ရှိနေပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ