မကွေးတိုင်းက မြို့နယ်တွေထဲ ဧရာဝတီ မြစ်ရေဝင်လို့ လူသောင်းချီ ရွှေ့ပြောင်းရ


မြန်မာနိုင်ငံ အလယ်ပိုင်း ဒေသဖြစ်တဲ့ မကွေးတိုင်းထဲမှာ ဧရာဝတီ မြစ်ရေ ဆက်တိုးနေပြီး ပခုက္ကူ၊ ရေစကြိုနဲ့ ဆိပ်ဖြူ မြို့နယ် တွေထဲမှာ လူဦးရေ ၅ သောင်း ကျော်နဲ့ တိရိစ္ဆာန် ကောင်ရေ ၂ သောင်း ကျော် ဘေးလွတ်ရာ ရွှေ့ပြောင်း ခဲ့ရတယ်လို့ အစိုးရက သတင်း ထုတ်ပြန် ပါတယ်။

သရက်ခရိုင်၊ မင်းလှ မြို့နယ်ထဲမှာ ဆိုရင်လည်း မြစ်ကမ်းဘေး ကျေးရွာတွေထဲ ရေဝင် နေပြီး၊ လူ နေထိုင်လို့ မရ နိုင်တော့တဲ့ အိမ်ခြေပေါင်း ၂ဝ၀ ကျော်က အိမ်ထောင်စုတွေ ဟာ ရေလွတ်ရာ ဆွေမျိုးတွေ အိမ်၊ ဘုန်းကြီးကျောင်း၊ တာလမ်းဘေး နဲ့ ယာတဲ တွေထဲ အဆင်ပြေ သလို ပြောင်းရွှေ့ နေနေရတယ် ဆိုပြီး အဲဒီ့က လာတဲ့ သတင်းတွေက ဆိုပါတယ်။

ဧရာဝတီ၊ ချင်းတွင်းနဲ့ ငဝန် မြစ်တွေမှာ စိုးရိမ် ရေမှတ် ကျော်နေဆဲ ဖြစ်ပြီး မန္တလေး၊ စစ်ကိုင်း၊ မကွေး၊ ပဲခူး၊ ဧရာဝတီ တိုင်းဒေသကြီးတွေမှာ ရေဘေး ဒုက္ခ ရင်ဆိုင် နေရသူ တစ်သိန်း ကျော် ရှိလာ နေပြီ ဖြစ်ပါတယ်။

အခုလို ရေဘေးနဲ့ ကြုံတွေ့ နေရချိန်မှာ ဒုက္ခသည်တွေကို သောက်ရေသန့်၊ သန့်ရှင်းတဲ့ အစားအစာ၊ ကျန်းမာရေး စောင့်ရှောက်မှု နဲ့ အိမ်သာ အပါအဝင် တစ်ကိုယ်ရေ သန့်ရှင်းရေး အတွက် လိုအပ်တဲ့ အရာတွေ လုံလောက် အောင် ပံ့ပိုး ရမယ် လို့ ပြည်သူကျန်းမာရေးဦးစီးဌာန ရောဂါနှိမ်နင်းရေးဌာနက ဒု တိယညွန်ကြား ရေးမှူးချုပ် ဦးသန်းဝင်း က ဘီဘီစီ ကို ပြောပါတယ်။

မကွေးတိုင်းထဲက ချောက်၊ မင်းဘူး၊ မကွေး နဲ့ အောင်လံ မြို့နယ် တွေမှာ အခု အခြေအနေ ကနေ ၂ ပေလာက် အထိ ထပ်တက် နေမယ်လို့ မိုးလေဝသနဲ့ ဇလဗေဒ ညွန်ကြားမှု ဦးစီး ဌာန က သတိပေး ထားပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ