မိုင်းတုံမြို့မဈေးရှေ့ ဆိုင်ခန်း(၅)ခန်း မီးလောင်ကျွမ်းမှုဖြစ်

မိုင်းတုံ ဧပြီ ၁၀

ရှမ်းပြည်နယ်(အရှေ့ပိုင်း) မိုင်းတုံမြို့မဈေးရှေ့ ဈေးဆိုင်တန်း၌ ဧပြီ ၉ ရက် ည ၈ နာရီ ၄၀ မိနစ်က ဆိုင်ခန်း အမှတ်(၂၄၊၂၅၊၂၆) ဆိုင်ခန်းပိုင်ရှင် ဦးစိုင်းစံထွန်း၏ အ၀တ်အထည်ဆိုင်မှ ဆိုလာအင်ဗာတာမီး ၀ါယာရှော့ဖြစ်ပြီး မီးလောင်မှုဖြစ် ပွား၍ ဘေးဆိုင်ခန်း(၂၃)နှင့်(၂၇)သို့ မီးကူးစက်လောင် ကျွမ်းခဲ့သည်။

အဆိုပါ မီးလောင်မှုကို မြို့နယ်အုပ်ချုပ်ရေးမှူး ဦးထွန်းဆန်းဝင်းနှင့် အဖွဲ့ဝင် များ၊ ဒေသခံပြည်သူများ၊ နယ် မြေခံတပ်မတော်သားများနှင့် ဦးကျော်သူလွင် ဦးဆောင်သော မီးသတ်တပ်ဖွဲ့ဝင်(၁၀)ဦး၊ အရန်မီးသတ်တပ်ဖွဲ့ဝင် (၃၀)ဦးတို့က အုပ်ချုပ်မှုယာဉ်(၁) စီး၊ မီးသတ်ယာဉ်(၂)စီးဖြင့် ၀ိုင်းဝန်းမီးငြိမ်းသတ်ရာ ည ၉ နာရီ ၄၅ မိနစ်တွင် မီးလုံးဝငြိမ်းသတ်နိုင်ခဲ့ပြီး မီးလောင်မှုကြောင့် ဆိုင်ခန်း(၅) ခန်း မီးလောင်ဆုံးရှုံးခဲ့သည်။

မီးပေါ့ဆစွာသုံးစွဲသူ ဦးစိုင်းစံထွန်းအား မိုင်းတုံမြို့နယ်ရဲစခန်း၌ (ပ) ၂/၂၀၁၆ ၊ ပြစ်မှုဆိုင်ရာ ဥပဒေပုဒ်မ ၂၈၅ ဖြင့် အမှုဖွင့်အရေးယူထားကြောင်း သိရသည်။

မြင့်မောင်မောင်(ပြန်/ဆက်)
MOI Webportal Myanmar
https://www.facebook.com/MOIWebportalMyanmar