နိုင်ငံတော်သမ္မတပေးပို့ထားသည့် ပြည်ထောင်စုဝန်ကြီးနှစ်ဦးနှင့်စပ်လျဉ်း၍ စောင့်ကြည့်ဝေဖန်သံတို့ထွက်ပေါ်

နေပြည်တော် ဧပြီ ၄

နိုင်ငံတော်သမ္မတက ယနေ့ ပြည်ထောင်စုလွှတ်တော်သို့ ပြည်ထောင်စုအဆင့် ဝန်ကြီးနှစ်ဦး ခန့်အပ်နိုင်ရန်အတွက် အမည်စာရင်းပေးပို့ခြင်းကို ပြုလုပ်ခဲ့ပြီး အဆိုပါပြည်ထောင်စုဝန်ကြီး ရာထူးနှစ်နေရာသည် လက်ရှိတွင် ဒေါ်အောင်ဆန်းစုကြည် တာဝန်ယူထားသည့် ပညာရေးဝန်ကြီးဌာနနှင့် လျှပ်စစ်နှင့် စွမ်းအင်ဝန်ကြီးဌာနတို့ဖြစ်ကြောင်း သိရသည်။

''နေရာနှစ်ခုစလုံးအတွက် ပညာ ရှင်တွေထဲကနေ ရွေးချယ်လိုက်တာ ဖြစ်ပါတယ်။ ဦးဖေဇင်ထွန်းက လက်ရှိမှာ စွမ်းအင်ဝန်ကြီးဌာနရဲ့ အမြဲတမ်းအတွင်းဝန် တစ်ဦးဖြစ်ပြီး အောက်ခြေ ဝန်ထမ်းတွေနဲ့လည်း အဆင်ပြေသူတစ်ဦး ဖြစ်ပါတယ်။ လုပ်ငန်းပိုင်းဆိုင်ရာတွေမှာ တတ် ကျွမ်းနားလည်တဲ့ ပညာရှင်တစ်ဦး ဖြစ်တာကြောင့် အစိုးရသစ်က မူဝါဒတွေ တိတိကျကျ ချထားပေးမယ် ဆိုရင် အောင်မြင်အောင် အကောင် အထည်ဖော်နိုင်မယ်လို့ ယုံကြည်ပါ တယ်''ဟု မြန်မာ့ရေနံနှင့် သဘာဝ ဓာတ်ငွေ့ထုတ်လုပ်၊ ဖြန့်ဖြူး၊ ရောင်း ချရေးလုပ်ငန်းမှ ညွှန်ကြားရေးမှူး တစ်ဦးက ပြောကြားသည်။

ဒေါ်အောင်ဆန်းစုကြည်သည် နိုင်ငံခြားရေးဝန်ကြီးဌာနနှင့် သမ္မတ ရုံးဝန်ကြီးဌာနတို့၏ ပြည်ထောင်စု ဝန်ကြီး တာဝန်တို့ကို ဆက်လက် ထမ်းဆောင်သွားမည်ဖြစ်ပြီး အစိုးရ အဖွဲ့ စတင်ဖွဲ့စည်းချိန်ကလည်း ရည်ရွယ်ထားသူများက နောက်ဆုံး အချိန်ကျမှ တာဝန်မယူနိုင်ကြောင်း အကြောင်းပြန်သည့်အတွက် ဝန်ကြီး ဌာန လေးခုအထိ တာဝန်ထမ်းဆောင် ခဲ့ရခြင်းဖြစ်ကြောင်း သိရသည်။

သမ္မတက ပညာရေးဝန်ကြီး ဌာန ပြည်ထောင်စုဝန်ကြီးအဖြစ် လွှတ်တော်သို့ အမည်စာရင်းပေး သွင်းထားသူ အနောက်ပိုင်းတက္ကသိုလ် ပါမောက္ခချုပ်ဟောင်း ဒေါက်တာ မျိုးသိမ်းကြီးမှာ ဒေါ်အောင်ဆန်း စုကြည်နှင့်အတူ ပညာရေးဆိုင်ရာ လုပ်ငန်းများတွင် ပူးပေါင်းပါဝင်ခဲ့ ဖူးသူတစ်ဦးလည်း ဖြစ်ကြောင်း နီးစပ်သူများထံက သိရသည်။

ထို့အပြင် ဒေါ်အောင်ဆန်း စုကြည်အနေဖြင့် အတိုင်ပင်ခံ ကောင်စီဖွဲ့စည်းပြီး ယင်းရာထူးကို လက်ခံခွင့်ရရှိပါက ¤င်းအနေဖြင့် သမ္မတရုံးဝန်ကြီးဌာန ပြည်ထောင်စု ဝန်ကြီး တာဝန်ကိုလည်း လွှဲပြောင်း ပေးနိုင်ပြီး နိုင်ငံခြားရေး တာဝန်ဖြင့်သာ အတိုင်ပင်ခံပုဂ္ဂိုလ် တာဝန်နှင့် ပူးတွဲထမ်းဆောင်သွား ဖွယ် ရှိသည်။

ပညာရေး ဝန်ကြီးဌာနအနေ ဖြင့် ဒေါ်အောင်ဆန်းစုကြည် ပြည်ထောင်စုဝန်ကြီး တာဝန်ယူနိုင် ပါက ပိုမိုအခွင့်အလမ်း ရရှိနိုင် ကြောင်း သုံးသပ်မှုများရှိနေပြီး လက်ရှိတွင် ပညာရေးဆိုင်ရာ ကျွမ်းကျင်သူ တစ်ဦးဖြစ်သည့် ဒေါက်တာ မျိုးသိမ်းကြီးကို အများစု လက်ခံသော်လည်း စိတ်သဘော မတိုက်ဆိုင်သူအချို့ကမူ ကန့်ကွက် သံများ ထွက်ပေါ်လာသည်ကို မြင်တွေ့ရသည်။

''ကျောင်းသားတွေနဲ့ နီးစပ်တဲ့ ပညာရှင်မျိုးဆိုရင် ပိုပြီးကောင်းမယ် လို့ထင်ပါတယ်။ လက်ရှိမှာ ကျောင်း သားအရေးတွေနဲ့ ပတ်သက်လာရင် ဒေါက်တာမျိုးသိမ်းကြီးက အသည်း မာတဲ့လူမျိုးလို့ ထင်ကြတယ်။ ဒါပေမယ့် နိုင်ငံတော်သမ္မတကြီးနဲ့ ဒေါ်အောင်ဆန်းစုကြည်တို့က ရွေး ချယ်ထားတယ်ဆိုတော့ ကျွန်တော် တို့ ငြင်းပယ်ဖို့တော့ မရှိပါဘူး။ ထူးချွန်ထက်မြက်သလို မြန်မာ့ပညာ ရေးမြင့်မားဖို့အတွက် ရင်ဝယ်သား ကဲ့သို့ ဆောင်ရွက်ပေးနိုင်တဲ့ ပြည်ထောင်စုဝန်ကြီးမျိုး လိုချင်ပါ တယ်''ဟု ရန်ကုန်တက္ကသိုလ်မှ နည်းပြဆရာတစ်ဦးက ဖြေကြား သည်။

လွှတ်တော် ကိုယ်စားလှယ် တစ်ဦးဖြစ်သည့် ဦးစောမိုးမြင့်ကမူ ''ကျွမ်းကျင်ရာ နယ်ပယ်အလိုက် တတ်ကျွမ်းတဲ့ ပညာရှင်တွေကို ပြည်ထောင်စုဝန်ကြီးအဖြစ် ခန့်အပ် ခွင့်ရတာကိုက အကောင်းဘက်က ကြည့်ရင် အဆင်အပြေဆုံးဖြစ်မှာပါ။ လိုအပ်ချက်တွေနဲ့ အားနည်းချက် တွေကတော့ နေရာတိုင်း လူတိုင်းမှာ ရှိနေနိုင်တာပဲ။ ကူညီပြီး အဖြေရှာ ကြဖို့ကတော့ အားလုံးမှာတာဝန်ရှိ ပါတယ်''ဟု သူ့အမြင်ကို ပြောကြား သည်။

ဧပြီ ၅ ရက် နံနက် ၁ဝ နာရီတွင် ကျင်းပမည့် ဒုတိယအကြိမ် ပြည်ထောင်စုလွှတ်တော် ပထမ ပုံမှန်အစည်းအဝေး ၁၇ ရက်မြောက် နေ့ အစီအစဉ်များတွင် ပြည်ထောင်စုဝန်ကြီး နှစ်ဦးနှင့် စပ်လျဉ်း၍ သဘောတူကြောင်း သို့မဟုတ် ကန့်ကွက်ရန်ရှိကြောင်း လွှတ်တော်တွင် ဆန္ဒခံယူပြီး လိုအပ် ပါကလည်း လက်ခံဆွေးနွေးရန် သင့်၊ မသင့်ကို လွှတ်တော်မှ အဆုံး အဖြတ်ပေးသွားမည် ဖြစ်ကြောင်း ယနေ့ထုတ်ပြန်သည့် အစီအစဉ် လျာထားချက်အရ သိရှိရသည်။

ပြည်ထောင်စု ဝန်ကြီးများနှင့် အတူ နိုင်ငံတော်သမ္မတက ပေးပို့ လာသည့် ပြည်ထောင်စုရှေ့နေချုပ် နှင့် ပြည်ထောင်စု စာရင်းစစ်ချုပ် တို့မှာမူ မူလကတည်းက တာဝန် ထမ်းဆောင်ခဲ့ဖူးသည့် လူဟောင်း များဖြစ်ခြင်းကြောင့် သဘော တူညီမှု ပိုမိုများပြားနိုင်ကြောင်း သိရသည်။

MOI Webportal Myanmar
https://www.facebook.com/MOIWebportalMyanmar