ဗဟိုအလုပ်အမှုဆောင် ကော်မတီ အစည်းအဝေးပွဲ တက်ရောက်လာတဲ့ ဦးဥာဏ်ဝင်းကို မတ်လ ၆ ရက်နေ့က နေပြည်တော်ရှိ နှင်းဆီ စံအိမ်တွင် တွေ့ရစဉ်။ Photo: Myo Thant Khaing/ RFA |
ဒီကနေ့ နေပြည်တော်က ဒေါ်အောင်ဆန်းစုကြည်နေအိမ်မှာပြုလုပ်တဲ့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီအစည်းအဝေးမှာ အစိုးရသစ် အကောင်အထည်ဖော်ရေးအတွက် ဆွေးနွေးခဲ့ကြတယ်လို့ ဦးဥာဏ်ဝင်းက ပြောပါတယ်။
"အစည်းအဝေးမှာ ပထမဆုံးပြောစရာတစ်ခုပဲရှိတယ်၊ ကျနော်တို့ အာဏာလွှဲပြောင်းရေးကို ပြည်သူ့လွှတ်တော်မှာလုပ်မယ်၊ သမ္မတကိစ္စတွေ၊ ဘာတွေ ကတော့ ပြောစရာဘာမှမပါဘူး၊ ဆွေးနွေးတာတွေကအများကြီးပါ၊ လာမယ့်အစိုးရသစ်မှာလုပ်မယ့်အလုပ်တွေ ဆွေးနွေးတယ်၊ ဆုံးဖြတ်ချက်တစ်ခုမှ မရှိပါဘူး၊ ၃၁ ရက် မလွှဲသေးခင်သူတို့လက်ထဲမှာ ရှိမှာပေါ့၊ ၃၁ ရက်လွှဲပြီးရင် ဒီဖက်ကိုရောက်မှာပေါ့"
လာမယ့် မတ်လ ၃၀ ရက်နေ့မှာ ပြုလုပ်မယ့် ပြည်ထောင်စုလွှတ်တော်မှာ လက်ရှိ အစိုးရနဲ့ အမျိုးသားဒီမိုကရေစီအဖွဲ့ချုပ် အစိုးရသစ်တို့ အာဏာလွှဲပြောင်းရယူ ကြမှာဖြစ်ပါတယ်။
ဒီနေ့ NLD ဗဟိုအလုပ်အမှုဆောင်ကော်မတီအစည်းအဝေးကို NLD ဥက္ကဌ ဒေါ်အောင်ဆန်းစုကြည်အပါအဝင် ဗဟိုအလုပ်အမှုဆောင်ကော်မတီဝင် ၁၅ ဦးစလုံး တက်ရောက်ကြပါတယ်။
ရှေ့လာမယ့် အစိုးရသစ်မှာ လုပ်ဆောင်မယ့်ကိစ္စတွေကို ဆွေးနွေးခဲ့ကြတာဖြစ်ပြီး အကြောင်းအရာအတော်များများကို ဆွေးနွေးဖြစ်တယ်လို့ ဦးဥာဏ်ဝင်း က ပြောပါတယ်။
RFA Burmese
http://www.rfa.org/burmese
အစိုးရဖွဲ့စည်းရေး NLD ခေါင်းဆောင်တွေ ဆွေးနွေး
Reviewed by THITHTOOLWIN
on
20:50
Rating: