မော်စကို ၊ ၂၅-၃-၂၀၁၆
မြောက်ကိုရီးယား စစ်ဘက်တပ်ဖွဲ့ နှစ်ဖွဲ့သည် ဆီးရီးယား ပြည်တွင်းစစ် တွင် ပါဝင်ပြီး ဆီးရီးယား အစိုးရ တပ်ဖွဲ့ဘက်မှ ဝင်ရောက်ကူညီ တိုက်ခိုက်ပေး နေကြောင်း ဆီးရီးယား အတိုက်အခံ အဖွဲ့က ပြောကြား ထားသည်။
အဆိုပါ တပ်ဖွဲ့များကို Chalma-1 နှင့် Chalma-2 ဟု အမည်ပေး ထားကြောင်း ဆီးရီးယား အတိုက်အခံအဖွဲ့ အဆင့်မြင့် ညှိနှိုင်းရေး ကော်မတီ ကိုယ်စားလှယ် အကြီးအကဲ အာဆတ်အယ်လ်ဇိုဘီက TASS သတင်းဌာနသို့ ပြောကြား ခဲ့သည်ဟု Newsnow သတင်းဌာန က မတ် ၂၄ ရက်တွင် ဖော်ပြထားသည်။
အယ်လ်ဇိုဘီ သည် ဂျီနီဗာမြို့ရှိ ကုလသမဂ္ဂ ဌာနချုပ်၌ ပြုလုပ်သော ဆီးရီးယား ငြိမ်းချမ်းရေး ဆွေးနွေးပွဲသို့ တက်ရောက်စဉ် ယခုကဲ့သို့ ပြောကြားခဲ့ခြင်း ဖြစ်ပြီး အီရန်နှင့် အာဖဂန်နစ္စတန် နိုင်ငံတို့မှ တပ်ဖွဲ့များသည် လည်း အစိုးရတပ်ဖွဲ့ ဘက်မှ ကူညီတိုက်ခိုက် ပေးလျက် ရှိကြောင်း ၄င်းက ဆက်လက် ပြောကြားသည်။
မြောက်ကိုရီးယား နိုင်ငံသည် ဆီးရီးယား သမ္မတနှင့် ချစ်ကြည် ရင်းနှီးသော ဆက်ဆံရေးအား ဆက်လက် ထိန်းသိမ်း ဆောင်ရွက်လျက် ရှိကြောင်း၊ အရှေ့အလယ်ပိုင်း ပဋိပက္ခတွင် မြောက်ကိုရီးယား တပ်ဖွဲ့များ ပါဝင် ခြင်းသည် မကြုံစဖူး ဖြစ်သော်လည်း နှစ်နိုင်ငံ အနေဖြင့် နှစ်ကာလများစွာ ကတည်းကပင် စစ်ဘက် ဆက်ဆံရေး ထူထောင်ထား ရှိပြီး ဖြစ်ကြောင်းနှင့် မြောက်ကိုရီးယား နိုင်ငံသည် ဘာရှာအယ်လ် အာဆတ် အစိုးရ၏ ခိုင်မြဲသော မဟာမိတ် ဖြစ်ကြောင်း အဆိုပါ သတင်းဌာနက ဖော်ပြထားသည်။
PyiChitThar
http://www.pyichitthar.com
မြောက်ကိုရီးယား တပ်ဖွဲ့ဝင်များ ဆီးရီးယား ပြည်တွင်းစစ်တွင် ပါဝင်လျက်ရှိ
Reviewed by THITHTOOLWIN
on
20:52
Rating:
Reviewed by THITHTOOLWIN
on
20:52
Rating:
