တရုတ်နိုင်ငံသားများ သယ်ဆောင်လာသည့် တရားမ၀င်ကျွန်းသစ် တန်(၃၀)နီးပါး ကျိုင်းတုံ၌ ဖမ်းမိ

ကျိုင်းတုံ၊ မတ်လ (၅) ။ ။ ရှမ်းပြည်နယ်အရှေ့ပိုင်း ကျိုင်းတုံမြို့နယ်အတွင်း မိုင်းခွန်အုပ်စု၊ ကျိုင်းတုံ - မိုင်းခုတ်သွားလမ်းတွင် တရုတ်နိုင်ငံသားလေးဦး သယ်ဆောင်လာသည့် တန်ဖိုးကျပ်သိန်းပေါင်း (၂၃၀)ကျော်တန်ဖိုးရှိ ကျွန်းသစ်ခွဲသားများအား သတင်းအရ ဖမ်းဆီးရမိ လိုက်ကြောင်း သိရသည်။

ကျိုင်းတုံမြို့နယ်၊ မိုင်းခွန်အုပ်စု၊ ကျိုင်းတုံ - မိုင်းခုတ်သွား ကားလမ်းတွင် ၂၀၁၆ခုနှစ် မတ်လ (၃) ရက်နေ့က ကာလတန်ဖိုး ကျပ်(၂၃,၃၇၂,၉၆၀) တန်ဖိုးရှိ ကျွန်းသစ်ခွဲသား ဆိုဒ်စုံတန်ချိန်ပေါင်း (၂၉.၂၁၆၂)တန်အား ဖမ်းဆီးရမိလိုက်ခြင်းဖြစ်ကြောင်း သိရသည်။

" အခုဖမ်းထားတဲ့သူ (၅) ယောက်ထဲမှာ (၄)ယောက်က တရုတ်နိုင်ငံသားဖြစ်ပြီးတော့ မြန်မာနိုင်ငံသားက တစ်ယောက်ပဲပါတယ်လို့ သိရပါတယ်။ ဒီအတွက်လည်း လူဝင်မှုကြီးကြပ်ရေး အက်ဥပဒေအရ အမှုဖွင့် အရေးယူမှာပါ " ဟု လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနမှ တာဝန်ရှိသူတစ်ဦးက ပြောကြားသည်။

လက်ရှိတွင် တရားမဝင်ကျွန်းသစ်များ တင်ဆောင်လာသည့် တရုတ်နိုင်ငံသားလေးဦးအား ကျိုင်းတုံမြို့မ ရဲစခန်းတွင် မတ်လ (၅) ရက်နေ့က (ပ)၃၆ /၂၀၁၆၊ (ပ)၃၇/၂၀၁၆၊ (ပ)၃၈/၂၀၁၆၊ (ပ)၃၉/၂၀၁၆ တို့ဖြင့် ၁၉၄၇ခုနှစ် ပြည်သူပိုင်ပစ္စည်း ကာကွယ်စောင့်ရှောက်ရေး အက်ဥပဒေပုဒ်မ ၆ (၁) ဖြင့် အရေးယူဆောင်ရွက် ထားကြောင်း သတင်းရရှိသည်။

သတင်း။ ။ ‪‎ဇင်အောင်‬
Tachileik News Agency
http://www.tachileik.net