 |
| ၂၀၁၅ ခုနှစ် ဇူလိုင်လတုန်းက La Reunion ကျွန်းပေါ် တွေ့ရှိတဲ့ လေယာဉ် အစိတ်အပိုင်းကို ရဲတွေ သယ်ဆောင်လာစဉ် (Credit: Reuters) |
Reunion ကျွန်းပေါ်မှာ လေယာဉ် အပိုင်းအစကို ဒုတိယအကြိမ် တွေ့ရှိတာဖြစ်ပြီး အရင်နှစ်တုန်းက လေယာဉ် အပိုင်းအဝ တစ်ခုကို တွေ့ခဲ့တဲ့ လူကပဲ ဒီရက်ပိုင်းအတွင်း နောက်တစ်ခုကို တွေ့ရှိတာ ဖြစ်ပါတယ်။
Johnny Begue ဆိုတဲ့ လူဟာ အရင်နှစ် ဇူလိုင်လတုန်းကပဲ လေယာဉ် အစိတ်အပိုင်း တစ်ခုကို တွေ့ရှိပြီး ကြာသပတေးနေ့တုန်းက နောက်တစ်ခု တွေ့ရှိခဲ့တာပါ။
အရင်နှစ်တုန်းက လေယာဉ် အစိတ်အပိုင်းကို တွေ့ပြီး သတင်းတွေကြီးသွားကတည်းက သူ့အနေနဲ့ ကမ်းခြေကို ပုံမှန်သွားရောက် ရှာဖွေလေ့ရှိပြီး ရာသီဥတု ဆိုးဝါးတဲ့အခါမှာ အမှိုက်သရိုက်ပေါင်းစုံက ကမ်းခြေကို ရောက်လာတတ်တယ်လို့ ဆိုပါတယ်။
ကြာသပတေးနေ့တုန်းက တွေ့ရှိတဲ့ အစိတ်အပိုင်းကို ရဲတွေလက်ထဲ အပ်လိုက်ပြီ ဖြစ်ပေမယ့် ရဲတွေက သူ့ကို အခုအချိန်အထိ ပြန်မဆက်သွယ်လာသေးဘူးလို့ Johnny Begue က အေအက်ဖ်ပီ သတင်းကို ပြောသွားခဲ့ပါတယ်။
အခုတခေါက် တွေ့ရှိတဲ့ အစိတ်အပိုင်းကတော့ စင်တီမီတာ ၄၀နဲ့ ၂၀ ပတ်လည် ရှိတဲ့ အစိတ်အပိုင်းတခုသာ ဖြစ်ပြီး အပေါ်ပိုင်းမှာ အပြာရောင် အမှတ်တွေ ပါဝင်ပြီး အောက်ပိုင်းမှာတော့ မီးခိုးရောင် ဖြစ်တယ်လို့ ဆိုပါတယ်။
အရင်ရက်ပိုင်းတုန်းကလည်း Mozambique နိုင်ငံ ကမ်းခြေတစ်ခုမှာ MH370 လေယာဉ်ရဲ့ အပိုင်းအစလို့ ယူဆရတဲ့ အရာတစ်ခုကို တွေ့ရှိခဲ့ကြပါတယ်။
အခုလောလောဆယ် ပျောက်ဆုံးနေတဲ့ လေယာဉ်ရဲ့ အစိတ်အပိုင်း ဟုတ်မဟုတ် ဆိုတာကို သြစတြေးလျ နိုင်ငံမှာ လေ့လာစမ်းသပ်မှုတွေ လုပ်နေပြီ ဖြစ်ပါတယ်။
လူပေါင်း ၂၃၉ ယောက် တင်ဆောင်တဲ့ Boeing 777 အမျိုးအစား မလေးရှားလေယာဉ် MH370 ဟာ ၂၀၁၄ ခုနှစ် မတ်လ ၈ ရက်နေ့တုန်းက ကွာလာလမ်ပူမြို့ကနေ ဘေကျင်းမြို့ကို အသွားမှာ ပျောက်ဆုံးနေတာ ဖြစ်ပါတယ်။
သြစတြေးလျနိုင်ငံက ပျောက်ဆုံးနေတဲ့ လေယာဉ်ကို ဦးဆောင် ရှာဖွေနေတာ ဖြစ်ပြီး ဒေါ်လာ သန်းပေါင်း ၁၃၀ လောက် ကုန်ကျဖို့ရှိပြီး မကြာခင်မှာ ရှာဖွေမှုတွေ ရပ်တန့်ဖို့ စဉ်းစားနေတုန်းမှာပဲ အခုလို လေယာဉ် အစိတ်အပိုင်းတွေ ထပ်မံ တွေ့ရှိတာ ဖြစ်ပါတယ်။
ABC Radio Australia
http://www.radioaustralia.net.au/burmese
လေယာဉ် အပိုင်းအစ တစ်ခုကို ထပ်မံတွေ့ရှိ
Reviewed by THITHTOOLWIN
on
11:50
Rating:
Reviewed by THITHTOOLWIN
on
11:50
Rating:
