ကုက္ကိုပင်လှဲရာမှ သစ်ပင်ပိ၍ လူတစ်ဦးသေဆုံး

ယခုဖော်ပြထားတဲ့ ဓါတ်ပုံမှာ နမူနာ ဓါတ်ပုံသာ ဖြစ်ပါတယ်။ ဓါတ်ပုံ - Google Images

သုံးခွ မတ် ၂၄

ရန်ကုန်တောင်ပိုင်းခရိုင် သုံးခွမြို့နယ် ကျွဲတဲကုန်းကျေးရွာအုပ်စု သနပ်ကုန်းကျေးရွာ ၌ မတ်၂၃ ရက် မွန်းတည့် ၁၂ နာရီက ကုက္ကိုပင် ခုတ်လှဲရာမှ သစ်ပင်ပိ၍ လူတစ်ဦးသေဆုံးသွားကြောင်း သိရသည်။

သေဆုံးသူမှာ ဦးမြဟန် (၄၈)နှစ်ဖြစ်ပြီး သနပ်ကုန်းကျေးရွာ ဦးတင်ဝင်း ၏ နေအိမ်ဝင်းအတွင်း အမြင့် ၁၅ ပေ၊ လုံးပတ် ခြောက်ပေခန့်ရှိ ကုက္ကိုပင် အား ဦးမြဟန်နှင့် ဦးအောင်တို့က ခုတ်လှဲကြရာ ဦးမြဟန်မှာ သစ်ပင် အမြစ် မြေကြီး တွင်းတူးနေစဉ် သစ်ပင်မှာ လေပြင်းတိုက်ခတ်သဖြင့် လဲကျခဲ့ရာ သစ်ပင်ပိ၍ သေဆုံးသွားကြောင်း ဦးအောင်နှင့် အိမ်ရှင်ဖြစ်သူ ဦးတင်ဝင်း တို့၏ ပြောပြချက်အရ သိရသည်။

သေဆုံးသူအား တာဝန်ရှိသူများက စစ်ဆေးကြည့်ရာ ဝမ်းဗိုက်ညိုမည်း ဒဏ်ရာနှင့်ယာလက်မောင်းပွန်းပဲ့ဒဏ်ရာ၊ ညာဘက်ပေါင်ပွန်းပဲ့ဒဏ်ရာများ ရရှိကာ သေဆုံးနေသည်ကိုတွေ့ရသဖြင့် သုံးခွမြို့မရဲစခန်းက အမှုဖွင့်၍ ဓမ္မတာအတိုင်းသေဆုံးခြင်း ဟုတ်၊ မဟုတ် စုံစမ်းစစ်ဆေးအရေးယူထားကြောင်း သိရသည်။

(ကြည်စိုးလွင်-သုံးခွ)
MOI Webportal Myanmar
https://www.facebook.com/MOIWebportalMyanmar