စုံတွဲတစ်တွဲထံမှ ဆိုင်ကယ်နှင့် ဖုန်းလုယူသွားသူများကို ဖမ်းဆီးမိ

မန္တလေး မတ် ၁၄

မတ် ၁၁ ရက် ည ၁၁ နာရီတွင် မဝင်းစန္ဒာသည် ၄င်း၏ရည်စားဖြစ်သူ စိုးမိုးအောင်က ၂ဝယ/----အနက် ရောင် ဆိုင်ကယ်ဖြင့် လာရောက် ခေါ်ဆောင်၍ လိုက်ပါခဲ့ပြီး ချမ်းမြသာစည်မြို့နယ် အောင်သာယာ ရပ်ကွက် ၄၅ လမ်းဘေးမှောင်ရိပ်တွင် ချိန်းတွေ့စဉ် အသက် ၂ဝ ခန့်လူငယ် လေးဦးသည် 125 ဆိုင်ကယ်နှစ်စီးဖြင့် ရောက်ရှိလာကာ စိုးမိုးအောင်အား လက်သီးဖြင့်ထိုးပြီး ဓားချွန်ဖြင့် ထပ်မံ ထိုးသဖြင့် စိုးမိုးအောင်၏ လည်ပင်းဝဲ ဘက်ပြတ်ရှ ဒဏ်ရာရရှိသည့်အပြင် မဝင်းစန္ဒာ၏ OPPO အမျိုးအစား အဖြူရောင် လက်ကိုင်ဖုန်းတစ်လုံး၊ စိုးမိုးအောင်၏SONY အမျိုးအစား အဖြူရောင် လက်ကိုင်ဖုန်းတစ်လုံးနှင့် ဆိုင်ကယ်တို့ကို လုယူထွက်ပြေး သွားခဲ့သဖြင့် အောင်ပင်လယ်နယ် မြေရဲစခန်း၌ အမှုဖွင့်ပြီး ပြစ်မှု ကျူးလွန်သူများအား ဖမ်းဆီးရမိ ရေးအတွက် စုံစမ်းဆောင်ရွက်ခဲ့ ကြောင်း သိရသည်။

မဝင်းစန္ဒာ၏ထွက်ဆိုချက်အရ အခင်းဖြစ်ညက စကားပြောဆိုခဲ့သည့် ပြစ်မှုကျူးလွန်သူများမှာ အသက် ၂ဝ ဝန်းကျင်ရှိပြီး အသားညိုကာ မျက်နှာတွင်သနပ်ခါး လိမ်းခြယ် ထားကြောင်းသိရ၍ ရဲအုပ်ခင်ဇော် (အမှုစစ်)နှင့်အဖွဲ့တို့သည် ပြစ်မှုကျူး လွန်သူများ ဖော်ထုတ်ဖမ်းဆီးရမိရေး ဆောင်ရွက်ခဲ့သည်။

ပြစ်ဒဏ်ကျခံဖူးသူ လှချို(၁၈ နှစ်) ထွန်တုန်းရပ်ကွက် နေသူကို ပြစ်မှုကျူးလွန်သူဟု မသင်္ကာ၍ ခေါ်ယူစစ်ဆေးခဲ့သည်။ ၄င်းသည် မျိုးကို(၁၈ နှစ်) ကန်သာယာရပ်ကွက် နေသူနှင့် ပေါင်းသင်းသွားလာနေသူ တစ်ဦးဖြစ်ကြောင်း စစ်ဆေးသိရှိရပြီး မျိုးကို၏ နေအိမ်(ကျူးတဲ)အနီး၌ အခင်းဖြစ်စဉ်က လုယူခံရသည့် ဆိုင်ကယ်နှင့် ပုံသဏ္ဌာန်တူဆိုင်ကယ် တစ်စီးကို တွေ့ရှိရသည်။ ယင်း ကျူးတဲကို ဝင်ရောက်ဖမ်းဆီးခဲ့ရာ မျိုးကိုအား သက်သေခံဆိုင်ကယ်နှင့် အတူ တွေ့ရှိဖမ်းဆီးရမိပြီး ၄င်း တို့နှစ်ဦးအား ဆက်လက်စစ်ဆေးရာ ပြစ်မှုကျူးလွန်စဉ် လွင်မိုးဦးနှင့် ထွန်းထွန်းဝင်းတို့ ပါဝင်ကြောင်း ဝန်ခံထွက်ဆိုခဲ့သည်။

ပြစ်မှုကျူးလွန်ရာတွင် ပါဝင်သူ နှစ်ဦးအား ဖမ်းဆီးရမိရေးအတွက် အဖွဲ့ငယ်များခွဲ၍ လိုက်လံဖမ်းဆီးခဲ့ ရာ လွင်မိုးဦး(၁၉ နှစ်) ထွန်တုန်း ရပ်ကွက်၊ ထွန်းထွန်းဝင်း(၁၉ နှစ်)ကန်သာယာရပ်ကွက် နေသူတို့ကို အခင်းဖြစ်စဉ်ကလုယူခဲ့သည့် လက် ကိုင်ဖုန်းနှစ်လုံး၊ အသုံးပြုခဲ့သည့် သက်သေခံဓားတို့နှင့်အတူ တွေ့ရှိ သိမ်းဆည်းရမိသဖြင့် အောင် ပင်လယ်နယ်မြေ ရဲစခန်းတွင် ဆက် လက်စစ်ဆေးလျက်ရှိကြောင်း သိရ သည်။

တင်မောင်(မန်းကိုယ်ပွား)
Myanmaalinn
https://www.facebook.com/MYANMAALINNNEWS