ရုရှသမ္မတ ပူတင် |
သမ္မတ ပူတင် ရဲ့ တပ် ရုပ်သိမ်းရခြင်း အကြောင်းရင်း ရှင်းပြရာ မှာ ဆီးရီးယား အစိုးရ နဲ့ ပူးပေါင်းပြီး စစ်ဆင်ရေး တွေ ပြုလုပ်ရာ မှာ အကြမ်းဖက် အုပ်စုတွေ ရဲ့ ပစ်မှတ်တွေ ကို ပစ်ခတ်နိုင်ပြီ ဖြစ် လို့ တပ်ရုပ်တော့မယ့် အကြောင်း၊ နောက်ဆက်တွဲ ငြိမ်းချမ်းရေး ဖြစ်စဉ် တွေ ကို အကောင်အထည် ဖေါ်ဖို့ ပဲ ကျန် ပါတော့တယ် လို့ ပြောပါတယ်။
ရုရှ ကာကွယ်ရေး ဝန်ကြီးကလည်း သူတို့ရဲ့ ပူးတွဲ စစ်ဆင်မှုတွေ ကြောင့် ဆီးရီးယား မြို့ရွာ ပေါင်း ၄၀၀ ကို ပြန်လည် သိမ်းပိုက် နိုင်ခဲ့ကြောင်း ပြောပါတယ်။ တပ်တွေ ရုပ်မယ် ဆိုပေမဲ့ ရေတပ်နဲ့ လေတပ် အခြေစိုက် စခန်းတွေ ကိုတော့ ထားဦးမယ် လို့ ဆိုပါတယ်။
ဆီးရီးယား နိုင်ငံဆိုင်ရာ ကုလသမဂ္ဂ ကိုယ်စားလှယ် စတက်ဖန် ဒီ မစ်တူရာ ကတော့ မကြာခင် မှာ ဆီးရီးယား ငြိမ်းချမ်းရေး ဆွေးနွေးပွဲ ကိုလည်း ပြန်လည် စတင် တော့မှာမို့ သတိပေး စကား ပြောရာမှာ အသစ် ပြန်လည် ကျင်းပမဲ့ ဆွေးနွေးပွဲ ကို ဖျက်လို ဖျက်ဆီး လုပ်ချင်သူတွေ က တော့ မထင်မှတ် တဲ့ လှုပ်ရှားမှု တခုခု နဲ့ စိတ် အနှောက်အယှက် ဖြစ်အောင် ကြိုးပမ်း ကြဦးမှာ မို့ ဒါကိုလည်း အားလုံး တွေ့မြင်ကြ ရမှာပါ လို့ ပြောပါတယ်။
သိုသိပ်ရမဲ့ အပိုင်းကတော့ စိတ်ထက်သန်မှု နဲ့ အတူ ခေါင်းအေးအေး ထားပြီး နိုင်ငံတကာ အသိုင်းအဝိုင်း အနေနဲ့ ပါ အပြုသဘောဆောင်တဲ့ အမှန်တရား ပေါ်ပေါက် အောင် စောင့်ကြည့် ကြဖို့ လည်း ဆိုလိုက်ပါတယ်။
တကယ် လို့ ငြိမ်းချမ်းရေး ဆွေးနွေးပွဲ မအောင်မြင်ဘူး ဆိုရင်လည်း တခြား အစားထိုးစရာ အစီအစဉ် မရှိတော့ တဲ့ အတွက် အခုစစ်ပွဲတွေ ထက် ဆိုးဝါးတဲ့ စစ်ပွဲတွေ သာ ပေါ်ပေါက်လာဖို့ ရှိတဲ့ အကြောင်း ဆီးရီးယား နိုင်ငံဆိုင်ရာ ကုလသမဂ္ဂ ကိုယ်စားလှယ် စတက်ဖန် ဒီ မစ်တူရာ သတိပေး စကား ကို ပြောပါတယ်။
BBC Burmese
http://www.bbc.com/burmese
ဆီးရီးယားမှ ရုရှတပ်ရုပ်သိမ်းဖို့ အမိန့်ထုတ်
Reviewed by THITHTOOLWIN
on
08:20
Rating: