မြို့တွင်း ဓားထောက် လုယက်သူများ ဖော်ထုတ်နိုင်ပြီ

ပုသိမ် ဖေဖော်ဝါရီ ၁၈

ပုသိမ်မြို့တွင်း ညအချိန်မတော် ဆိုင်ကယ်ဖြင့် လှည့်လည်၍ ဓား ထောက် လုယက်မှုများဖြစ်ပွားနေ ကြောင်းသတင်းအရ ပုသိမ်မြို့နယ် ရဲတပ်ဖွဲ့ဝင်များက လှည့်ကင်းဖြင့် စုံစမ်းစစ်ဆေးစဉ် ဖေဖော်ဝါရီ ၁၇ ရက် ည ၈ နာရီက တက္ကသိုလ် ကျောင်းသားသုံးဦးကို ဓားထောက်၍ လက်ကိုင်ဖုန်း လုယူသွားသည်ကို ကြားသိရသည်။

မြကျွန်းသာ မြို့သစ်အဝိုင်း၌ ပုသိမ်တက္ကသိုလ် ဘူမိဗေဒပထမနှစ် ကျောင်းသား ကိုအာကာ၊ ကိုသက်ပိုင် ဆွေနှင့် နိုးနိုးဇူးမောင်တို့ စကားပြော နေကြစဉ် လူငယ်သုံးဦး ဆိုင်ကယ် နှစ်စီးနှင့်အတူ ရောက်ရှိလာကြပြီး ကျောင်းသားသုံးဦးအား လည်ပင်းကို ဓားထောက်၍ လက်ကိုင်ဖုန်းသုံးလုံး လုယူသွားခြင်းဖြစ်သည်။

ပုသိမ်မြို့မရဲစခန်းမှ နယ်ထိန်း ခေါင်းဆောင် ရဲအုပ် ဇော်မင်းထွန်း နှင့် နယ်ထိန်းရဲတပ်အဖွဲ့ဝင်များက လိုက်လံစုံစမ်းရှာဖွေကြရာ ည ၁၁ နာရီတွင် ရာမညရပ်ကွက်နေ မင်းထက်အောင်၊ ရန်ကိုကိုတို့ကို လည်းကောင်း၊ ဗိုလ်ဗဌေးမှ ထက်မြတ် အောင်ကိုလည်းကောင်း ၄င်းတို့ လုယက်ခဲ့သောလက်ကိုင်ဖုန်းငါးလုံး၊ အသုံးပြုခဲ့သော ဓားသုံးချောင်းနှင့် ၄င်းတို့ လှည့်လည်အသုံးပြုသော ဆိုင်ကယ်နှစ်စီးနှင့်အတူ သိမ်းဆည်း ရမိခဲ့သည်။

ဆက်လက်စုံစမ်းစစ်ဆေးချက် အရ မြကျွန်းသာအဝိုင်း၌လုယက်ခဲ့ ပြီးနောက် ကန်ပတ်လမ်းသို့ ဝင် ရောက်ကာ အတွဲတစ်တွဲကို ဓားထောက်၍ လက်ကိုင်ဖုန်း တစ်လုံးကို လုယက်ခဲ့ကြောင်း၊ ဖေဖော်ဝါရီ ၁၆ ရက် ညကလည်း ပြစ်မှုကျူးလွန်သူ မင်းထက်အောင် နှင့် ရန်ကိုကိုတို့နှစ်ဦးသည် အမှတ် (၃)နယ်မြေ စကားဝါလမ်း၌ လမ်း လျှောက်လာသူတစ်ဦးထံမှ လက် ကိုင်ဖုန်းတစ်လုံး၊ ကင်မလင်းကျွန်း အထည်ချုပ်စက်ရုံအနီးလမ်းလျှောက် လာသူတစ်ဦးထံမှလည်း လက်ကိုင် ဖုန်းတစ်လုံးကိုပါ ဓားထောက်လု ယူခဲ့ကြောင်း ထပ်မံသိရသည်။

ဖုန်းပိုင်ရှင်တို့ကိုစုံစမ်း၍ တယ်လီဖုန်းများကိုပြန်လည်ပေးအပ်ရန် စီစဉ်ထားရှိပြီး ယင်းအမှုနှင့် ပတ် သက်၍ ပုသိမ်မြို့မရဲစခန်းက စစ် ဆေး ဆောင်ရွက်လျက်ရှိကြောင်း သိရသည်။
''ကန်ပတ်လမ်းထဲကအတွဲတွေ ခံရတာများပါတယ်။ အိမ်ကလူကြီး တွေသိမှာစိုးလို့ မတိုင်ရဲဘဲလျှို့ဝှက် ထားခဲ့ရာက လုယက်မှုကျူးလွန်သူ တွေ အတင့်ရဲလာကြောင်း၊ ပြည်သူတွေကလည်း ရဲတပ်ဖွဲ့ဝင် တွေကို ပွင့်လင်းစွာကူညီကြရန် လိုအပ်ပါကြောင်း''ဟု ခေတ္တစခန်းမှူး ရဲအုပ်ဝင်းဗိုလ်က ပြောသည်။

ပုသိမ်လှကြည်
Myanmaalinn
https://www.facebook.com/MYANMAALINNNEWS