ကျီးလန့်စာစား မဟာရန်ကုန်လူထုဘ၀

လူဦးရေ ခုနှစ်သန်းကျော်နေထိုင်သည့် မြို့တော်မဟာရန်ကုန်တွင် ရာဇ၀တ်မှုများ တဖြည်းဖြည်း များပြားလာပြီး မှုခင်းကျဆင်းမှုမရှိကြောင်း မြန်မာနိုင်ငံရဲတပ်ဖွဲ့မှ ထုတ်ပြန်သော မှုခင်းဖြစ်ပွားမှုစာရင်းများက သက်သေပြနေသည်။
မကြာခင်ရက်ပိုင်းအတွင်း ဖြစ်ပွားခဲ့သည့် တောင်ဒဂုံမြို့နယ်၌ ညီအစ်ကိုနှစ်ဦးအား ဓားဖြင့်ထိုးသတ် ခဲ့သည့်အမှုမျိုး မကြာခဏဖြစ်နေသည်။ မြို့နေပြည်သူလူထု၏ လုံခြုံရေးကို လုယက်မှုများက အမြဲခြောက် လှန့်နေ၏။ ညမှောင်ချိန်တွင်သာမဟုတ် နေ့ခင်းကြောင်တောင်ပင် ဓားထောက်လုခြင်း၊ ဆိုင်ကယ်ဖြင့် အုပ်စုဖွဲ့လုယက်ခြင်းမျိုး မကြာခဏ ဖြစ်ပွားနေပြီး တရားခံအများစုကို ဖမ်းဆီးရမိမှုမရှိခြင်းက မြန်မာနိုင်ငံရဲတပ်ဖွဲ၏ စွမ်းဆောင်ရည်အပေါ် မေးခွန်းထုတ်စရာတခုဖြစ်လာသည်။

''အခုဆိုရင် တက္ကစီမောင်းရတာ ညဘက်မလုံခြုံတော့ဘူး။ အဖော်တယောက်ခေါ်ပြီး မောင်းပြန်တော့ ခရီး သည်ဘက်က တယောက်တည်းဆို မစီးရဲဘူး။ သူအလုခံရမှာစိုးလို့။ ယာဉ်မောင်းဘက်ကလည်း ငှားတဲ့ လူအုပ်စုလိုက်ဆို မြို့ပြင်ဘက်မပြောနဲ့ မြို့ထဲတောင်မလိုက်ရဲဘူး။ တဖက်နဲ့တဖက် ယုံကြည်မှုမရှိတော့ဘူး''ဟု တက္ကစီယာဉ်မောင်း ကိုစိုးမင်းက ဆိုသည်။
၂၀၁၅ ခုနှစ်အတွင်း ရန်ကုန်တိုင်းဒေသကြီး၌ မှုခင်းဖြစ်ပွားမှုနှုန်း ပိုမိုမြင့်တက်ခဲ့ပြီး လူသတ်မှု ၁၉၁ မှု၊ လုယက်မှု ၆၇ မှုရှိကြောင်း ရန်ကုန်တိုင်းဒေသကြီး ရဲတပ်ဖွဲ့မှ သတင်းထုတ်ပြန်ထားသည်။ ရာဇ၀တ်ကျင့်ထုံး ဆိုင်ရာ ဥပဒေပုဒ်မ (၄၀၁) အရ နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ၂၀၁၅ ခုနှစ်တွင် (ခိုး၊ ဆိုး၊နှိုက်၊ လူသတ်၊ လုယက်) သူများ ၉၉၇ ယောက်ကို လွှတ်ပေးခဲ့ကြောင်း သိရသည်။

''ပြည်သူလူထုတွေ စိုးရိမ်စိတ်များလာတော့ သက်ဆိုင်ရာ လုံခြုံရေးတာဝန်ယူတဲ့အဖွဲ့တွေက ဦးစားပေး ဖြေရှင်းပေးဖို့လိုတယ်လို့မြင်ပါတယ်။ တဖက်က ပြန်ကြည့်ရင်လည်း လုံခြုံရေးအားနည်းတဲ့အပြင် တဖက် ကလည်း စီးပွားရေးကျပ်တည်းလာတဲ့အပိုင်းကလည်း ပါတယ်။ ဘာဖြစ်လို့လဲဆို လူတွေက အူမတောင့်မှ သီလ စောင့်ဆိုတဲ့အတိုင်း လူတွေရဲ့ စီးပွားရေးအားကောင်းလာအောင်လုပ်ဖို့လိုတယ်။ အကျပ်အတည်းတွေ ရင်ဆိုင် နေရတော့ အခုလို အကူးအပြောင်းကာလမှာ မဟုတ်တာ လုပ်ချင်တဲ့၊ လုယက်ချင်တဲ့လူတွေအတွက် ပိုပြီးလုယက်မှုတွေ ဖြစ်စေပါတယ်။ ကျွန်တော်တို့အမှုလည်း မမိသေးပါဘူးခင်ဗျ။ စခန်းကလည်း ဆက်သွယ် တာမရှိပါဘူး။ လောလောဆယ်တော့ ဘာမှမထူးခြားသေးပါဘူး''ဟု ၂၀၁၅ ခုနှစ်အတွင်း လုယက်ခံရသော Farmer Money Changer ပိုင်ရှင် ဒေါက်တာစိုးထွန်းက သူ၏အမြင်ကို News Watch Journal သို့ ပြောသည်။
လက်ရှိ အစိုးရသက်တမ်း ငါးနှစ်အတွင်း လူသတ်၊ လုယက်၊ မုဒိမ်းမှုအပါအ၀င် အမှုကြီး ၁၀ မျိုး စုစုပေါင်း ၂၁၀၅ မှုဖြစ်ပွားခဲ့ပြီး တရားခံမည်သူမည်ဝါမသိသည့်အတွက် ဆိုင်းငံ့ပိတ်သိမ်းလိုက်ရသော အမှုကြီး ၆၉ မှု ရှိကြောင်း ရန်ကုန်တိုင်းဒေသကြီး ရဲတပ်ဖွဲ့မှသိရသည်။ လက်ရှိအချိန်တွင် မြန်မာနိုင်ငံရဲတပ်ဖွဲ့ဝင်အချိုးနှင့် ပြည်သူအချိုးမှာ ရဲတပ်ဖွဲ့ဝင် တဦးလျှင် ပြည်သူ ၁,၂၁၂ ဦးကို စောင့်ကြည့်နေရသည့် အခြေအနေကြောင့် လုံခြုံရေးအင်အားနည်းပါးနေသည်ကို မြင်တွေ့နေရသည်။

''ကျွန်တော် လမ်းလျှောက်ရင်း ဖုန်းပြောနေတာ ဆိုင်ကယ်နဲ့ လူငယ်နှစ်ယောက် အနားကပ်မောင်းလာပြီး ဖုန်းလုသွားတယ်။ သွားလည်းမတိုင်တော့ ပြန်မရတော့ဘူး''ဟု ဒလဘက်ကမ်းတွင်နေထိုင်သူ ကိုအကြီးကောင်က ဆိုသည်။
လှိုင်သာယာမြို့နယ်ရှိ FMI CITY အိမ်ရာဝင်းအတွင်းရှိ နေအိမ်တအိမ်၌ ဇန်န၀ါရီလ ၁၂ ရက် နံနက် ၁၀ နာရီ က အိမ်အကူမိန်းကလေးကို ဓားထောက်အနုကြမ်းစီးပြီး အဓမ္မပြုကျင့်မှုဖြစ်ပွားခဲ့ပြီး တရားခံကို ဖမ်းဆီး ရမိကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ခဲ့သည်။
ပြည်သူလူထု၏ ကျီးလန့်စာစားနေရသည့်အခြေအနေကို တရားလွှတ်တော်ရှေ့နေ ဦးကြီးမြင့် (ရှေ့နေများ ကွန်ရက် ယာယီဥက္ကဋ္ဌ) က ဤသို့ သုံးသပ်သည်။

''နံပါတ် (၁) က တရားဥပဒေစိုးမိုးမှု လျော့နည်းလာတာကို ၀န်ခံရာ ရောက်တယ်။ (၂) အချက်ကတော့ ပြည်သူလူထုရဲ့အားနဲ့ ပြည်သူလူထု အကူအညီလိုအပ်လာပြီဆိုတာကို အသိအမှတ်ပြုတာပေါ့။ တရားဥပဒေ စိုးမိုးရေးကို သူတို့မထိန်းသိမ်းနိုင်တော့ဘူး။ သူတို့အရည်အချင်းတွေကျ လာပြီပေါ့။ အရည်အချင်းကျတဲ့ အကြောင်း ရင်း (၁) ကစစ်ဗိုလ်မှန်သမျှ ပြည်ထဲရေးအောက်ကို ပိုပြီးနေရာယူထားတယ်။ အဲဒီလူတွေရဲ့ အရည် အသွေးက ရာဇ၀တ်မှုကို ထိန်းသိမ်းနိုင်လောက်တဲ့ အရည်အချင်းတွေ၊ အရည်အသွေးတွေ မရှိဘူး။ ရဲစစ်စစ် တွေ မဟုတ်ဘူးဆိုတာကို ညွှန်ပြတယ်။ ပိုပြီးတော့ ထိထိရောက်ရောက် ကြိုတင်ကာကွယ်မှုတွေကို လက်တွေ့ ပိုလုပ်သင့်တယ်။ ဆိုင်းဘုတ်တွေ ထူနေရုံနဲ့မပြီးဘူး။ ဒီအရေးကြီးကာလမှာ ပြည်သူလူထုကတော့ နှစ် (၆၀) လုံးလုံးထိန်းလာခဲ့ပြီးပြီ။ ဒီထက်ထိန်းရင် သေဖို့ပဲရှိတော့တယ်။ အရည်အသွေးရှိတဲ့ ၀န်ထမ်းတွေ တိုးမြှင့်ခန့်ထားတာလုပ်ဖို့လိုတယ်။ ဆိုင်းဘုတ်တွေ ကပ်ထားရုံနဲ့ မလုံလောက်ဘူး။ ဆိုင်းဘုတ်ထူတာ လူထုကို ပိုတောင်ထိတ်လန့်စေတယ်''ဟု ပြောသည်။

ရန်ကုန်မြို့အတွင်း အငှားယာဉ်ဖြင့် လုယက်မှု ကျူးလွန်မှုများ မြင့်တက်လာသဖြင့် ၂၀၁၆ ဇန်န၀ါရီ ၂၀ ရက်၌ ယာဉ်ထိန်းရဲတပ်ဖွဲ့ဝင် အင်အား ၃၁ ဖွဲ့ဖြင့် မြို့နယ်အလိုက် စီမံချက်ရေးဆွဲဖမ်းဆီးခဲ့ရာ တပတ်အတွင်း စည်းကမ်းမဲ့ယာဉ် ၁၄၆ စီး ဖမ်းဆီးရမိကြောင်း ယာဉ်ထိန်းရဲတပ်ဖွဲ့မှ သတင်းထုတ်ပြန်သည်။
''ရန်ကုန်တတိုင်းလုံးကို ရန်ကုန်တိုင်း ရဲတပ်ဖွဲ့ရဲ့ရှိတဲ့ ရဲအင်အားနဲ့ အကုန်လုံးထုတ် နုတ်ဆောင်ရွက်နေပါတယ်။ လိုအပ်ရင် လိုအပ်သလို ညအချိန်မှာလည်း လှည့်ပတ်တာတွေ၊ ပိတ်ဆို့တာတွေ၊ မီးတန်းယာဉ်တွေနဲ့ လှည့်တာတွေ၊ မီးတန်းယာဉ်တွေမှာလည်း ဖုန်းနံပါတ်တွေရေးထားတယ်။ တခုခုဖြစ်ရင် On Call လှမ်းခေါ်လို့ ရတယ်။ တနေရာမှာ အန္တရာယ်တခုခုနဲ့ကြုံရင် အဲဒီ ဖုန်းနံပါတ်တွေ လှမ်းခေါ်ရင် အနီးစပ်ဆုံး လှည့်ကင်းအားနဲ့ အကုန်လုံး ၀ိုင်းပြီးတော့ ကူညီဆောင်ရွက်ပေးပါတယ်''ဟု ရန်ကုန်တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးတင်အောင်ထွန်းကပြောသည်။

ရန်ကုန်တိုင်းဒေသကြီး၌ ၂၀၁၁ ခုနှစ်မှ ၂၀၁၅ ခုနှစ်ထိ ငါးနှစ် တာကာလအတွင်း မှုခင်းဖြစ်ပွားမှုဖြစ်စဉ် ၂,၀၀၀ နီးပါး ဖြစ်ပွားခဲ့ပြီး ၎င်းအမှုများထဲတွင် လူသတ်မှုနှင့် မုဒိမ်းမှုဖြစ်စဉ် ၁,၄၀၀ ကျော် ဖြစ်ပွားခဲ့ကြောင်း ရန်ကုန် တိုင်းဒေသကြီး ရဲတပ်ဖွဲ့မှ သိရသည်။ ရန်ကုန်တိုင်းဒေသကြီးအတွင်း ၂၀၁၁ မှ ၂၀၁၅ ခုနှစ်ထိ အမှုကြီး ၁၀ မျိုး၊ ၁,၈၈၅ မှု ဖြစ်ပွားခဲ့ပြီး လူသတ်မှု ၇၇၄ မှုနှင့် မုဒိမ်းမှု ၁,၄၃၀ မှု ပါဝင်ဖြစ်ပွားခဲ့ကြောင်း သိရသည်။
''မြန်မာတနိုင်ငံလုံး အတိုင်းအတာနဲ့ ရဲတပ်ဖွဲ့အင်အားလိုအပ်ဆဲပဲ။ မြန်မာနိုင်ငံရဲတပ်ဖွဲ့အင်အားကို တိုးချဲ့နိုင်သလောက် တိုးချဲ့ဖို့ ရှိတယ်။ ဒီအတွက်လည်း စုဆောင်းဖို့ရှိတယ်။ ဒီလိုအခြေအနေမျိုးမှာ ပြည်သူတွေအနေနဲ့ သိရင်သိတဲ့အတိုင်း၊ မြင်ရင်မြင်တဲ့အတိုင်း မြန်မာနိုင်ငံ ရဲတပ်ဖွဲ့ကို ပြောပြမယ်ဆိုရင် မှုခင်း ဖော်ထုတ်မှုတွေမှာ ပိုမိုမြန်ဆန်သွားမယ်''ဟု အနောက်ပိုင်းခရိုင် ရဲတပ်ဖွဲ့မှူး ဒုရဲမှူးကြီးဝင်းကြည်က ပြောသည်။

မြန်မာနိုင်ငံရဲတပ်ဖွဲ့အနေဖြင့် ပြည်သူများ၏ဘ၀ လုံခြုံမှုပိုရှိလာရေးအတွက် ယခုထက်ပို၍ ထိရောက်စွာ ပိုမို လုပ်ဆောင်နေရန်လိုအပ်ပြီး လာမည့်အစိုးရသစ်လက်ထက်တွင် EU အဖွဲ့အစည်း၏ အကူအညီဖြင့် မြန်မာနိုင်ငံ ရဲတပ်ဖွဲ့လုပ်ငန်းစဉ်များအား အဆင့်မြှင့်တင်နိုင်ပါက မှုခင်းများကျဆင်းလာနိုင်ပြီး ပြည်သူလူထုဘက်မှလည်း မှုခင်းကျဆင်းရေးအတွက် ရဲတပ်ဖွဲ့နှင့် ပိုမိုပူးပေါင်းကူညီသင့်ကြောင်း ရေးသားလိုက်ရပါသည်။

အောင်သူရိန်၊ နေမင်းခ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal