ရခိုင်တွင် လုံခြုံရေးအရ ခရီးသွားများအား စစ်ဆေးမှုများပြုလုပ်

ရခိုင်ပြည်နယ်တွင် လုံခြုံရေးအရ တင်းကျပ်မှုများရှိနေရာ ရန်ကုန် - စစ်တွေ အဝေးပြေး ကားလမ်းတစ်လျှောက်တွင် ဇန်န၀ါရီလဆန်းပိုင်းမှ စတင်ကာ စစ်ဆေးမှုများ ရှိနေကြောင်း သိရှိရသည်။

စစ်တွေမှ ရန်ကုန်သို့ သွားမည့် ခရီးသည်တင်ကားများနှင့် ခရီးသွားများအား ရဲတပ်ဖွဲ့နှင့် လူဝင်မှုကြီးကြပ်ရေး၊ စစ်တပ်ပါဝင်သော ပူးပေါင်းတပ်ဖွဲ့များက စစ်ဆေးမှုများ ပြုလုပ်နေခြင်းဖြစ်သည်။

“စစ်တာကတော့ ခရီးသည်တွေရဲ့မှတ်ပုံတင်တွေ ပြီးတော့ အထုပ်အပိုးတွေကို စစ်ဆေးတာပါ၊ လုံခြုံရေးအရပေါ့။ မူးယစ်ဆေးဝါးတွေ၊ ဖောက်ခွဲရေး ပစ္စည်းတွေကို စစ်ဆေးတာပါ” ဟု စစ်တွေမြို့ အဝေးပြေး ကားဂိတ်အတွင်းရှိ အဝေးပြေးကားများ ခရီးသည်များအား စစ်ဆေးနေသည့် စစ်တွေမြို့ မူးယစ်တပ်ဖွဲ့မှ အရာရှိတစ်ဦးက ပြောသည်။

စစ်တွေမှ ရန်ကုန်သို့သွားမည့် ကားများမှ ခရီးသည်များအား စစ်ဆေးခြင်းဖြစ်ပြီး ဂိတ်မှ ခရီးသည်များအား ဓာတ်ပုံရိုက်ထားမှုများ ရှိကြောင်း ခရီးသည်များထံမှ သိရသည်။

“ရန်ကုန်သို့ ထွက်မယ့် အောင်ပြည့်စုံဂိတ်မှာ သက်ဆိုင်ရာ အဖွဲ့အစည်းက ထင်တယ်။ အထုပ်တွေကို စစ်ဆေးတယ်။ ပြီးတော့ အထုပ်ရော လူတွေကိုတွဲပြီး ဓာတ်ပုံရိုက်တယ်။ လမ်းတစ်လျှောက်မှာတော့ မှတ်ပုံတင်တွေကို စစ်ဆေးတယ်’’ ဟု ခရီးသွားတစ်ဦးဖြစ်သူ ကိုဇော်ဝင်းက ပြောသည်။

ယင်းသို့ စစ်ဆေးမှုများသည် လာမည့် အစိုးရသစ် လက်ထက်တွင် ပဋိပက္ခများ မဖြစ်ပွားစေရေးအတွက် လုံခြုံရေး စစ်ဆေးခြင်း ဖြစ်နိုင်ကြောင်း ရခိုင်ပြည်နယ် အစိုးရအဖွဲ့ ပြည်နယ်ဥပဒေချုပ် ဦးလှသိန်းကပြောသည်။

“လာမည့်အစိုးရသစ် လွှဲပြောင်းတဲ့အခါ တည်ငြိမ် အေးချမ်းဖို့အတွက် ဒေသတွင်း လုံခြုံရေးအရ စစ်ဆေးတာလို့တော့ သိထားတယ်။ နယ်လုံဝန်ကြီး ပြောတာကတော့ အစိုးရသစ် လွှဲပြောင်းတဲ့အခါ ပဋိပက္ခတွေ မဖြစ်စေချင်ဘူး။ တည်တည်ငြိမ်ငြိမ်နဲ့ သွားစေချင်တယ်။ အဲဒါကြောင့် ထင်တယ်’’ ဟု ဦးလှသိန်းက ပြောသည်။

ရခိုင်ပြည်နယ်တွင် ရန်ကုန် စစ်တွေ အဝေးပြေးကားများ ခရီးသည်များအား အမ်းဂိတ်နှင့် အမ်းမြို့နယ် ကြက်ရေဆန်းဂိတ်များတွင် ယခင်က ပုံမှန်စစ်ဆေးမှုများ ရှိခဲ့သော်လည်း ယခုနောက်ပိုင်းတွင် စစ်တွေမြို့နယ် ကျောက်တော်မြို့နယ် မြောက်ဦးမြို့နယ် တို့တွင် လုံခြုံရေးဂိတ်များ တိုးချလာခြင်းဖြစ်သည်။

ရခိုင်ပြည်နယ်တွင် ၂၀၁၅ ခုနှစ် နှစ်ကုန်ပိုင်းနှင့် ၂၀၁၆ ဇန်နဝါရီ လဆန်းပိုင်းတွင် ရခိုင်လက်နက်ကိုင်အဖွဲ့ AA နှင့် အစိုးရတပ်ကြား တိုက်ပွဲများ ဖြစ်ပွားခဲ့သည့်နောက်ပိုင်း ဒေသတွင်း AA လက်နက်ကိုင်အဖွဲ့ နှင့်ဆက်နွှယ်မှု သံသယဖြင့် ဖမ်းဆီးမှုများလည်း ရှိခဲ့ကြောင်း သိရသည်။

သတင်း - MMK
photo - httpabbsoluteright.blogspot.com
The Ladies News Journal
https://www.facebook.com/News.TheLadies