လှိုင်သာယာတွင် တစ်နေ့တည်းနှစ်ကြိမ်မီးလောင်မှုဖြစ်

ရန်ကုန် ဖေဖော်ဝါရီ ၁ဝ

နှစ်စဉ်လူဦးရေများလာသော လှိုင်သာယာမြို့နယ်တွင် ယခုနှစ်ရာသီအတွက် မီးဘေးအန္တရာယ်ကြိုတင်ကာကွယ် ရေး လုပ်ဆောင်မှုလိုအပ်လျက်ရှိရာ ယနေ့နံနက် ၁ဝနာရီ ခွဲက အမှတ်(၅)ရပ်ကွက် ဒဂုံရွှေမျှားလမ်းနှင့် မဟာဆွေ (၈)လမ်းထောင့်တွင်ရှိသော အိမ်အမှတ်(၁ဝ၆၈/ဂ)အဆောင်တွင် လျှပ်စစ်ပေါင်းအိုးတည်ထားရာမှ အပူလွန် ကဲပြီး မီးလောင်မှုဖြစ်ပွားခဲ့ကြောင်း သိရသည်။

အဆိုပါလမ်းထောင့်ရှိ အဆောင်အပေါ်ထပ် ဒုတိယခန်းမှ အဆောင်နေအမျိုးသမီးက ပေါင်းအိုးဖြင့် စွပ်ပြုတ်တည်ထားစဉ် အရည်များခန်းခြောက်ပြီး ပေါင်း အိုးအော်တိုခလုတ်ပြန်မတက်သောကြောင့် အပူလွန်ကဲ ၍ မီးလောင်ခဲ့ခြင်းဖြစ်သည်။ အဆောင် အပေါ်ထပ်တွင် ၁ဝ ခန်း၊ အောက်ထပ်တွင် ၁ဝ ခန်းရှိပြီး ပျဉ်ထောင်၊ သွပ်မိုး၊ ကြိတ်သားပြားဖြင့် ကာထားသောအဆောင်ဖြစ် ရာ အခန်း ၂ဝ နှင့် ခေါင်းရင်းဘက်ရှိ အိမ်နှစ်လုံး မီးလောင်ခဲ့သည့်အတွက် အိမ်ထောင်စု ၂ဝ၊ လူဦးရေ ၅၁ ဦး အိုးမဲ့အိမ်မဲ့ဖြစ်ခဲ့သည်။

မီးလောင်ရာသို့ ရန်ကုန်တိုင်းဒေသကြီး မီးသတ် ဦးစီးဌာန ဒုတိယညွှန်ကြားရေးမှူး ဦးသော်ဒါနှင့် မီးသတ် ယာဉ် ကိုးစီး၊ အထောက်အကူပြုယာဉ်သုံးစီး၊ အုပ်ချုပ် မှုယာဉ်တစ်စီး၊ မီးသတ်တပ်ဖွဲ့ဝင် ၅ဝ၊ အရန်မီးသတ် ၆ဝ၊ ကြက်ခြေနီ ၁ဝ ဦး၊ မြို့နယ်ပြည်သူ့ရဲတပ်ဖွဲ့ဝင် နှင့် ရပ်ကွက်ပြည်သူများ ပူးပေါင်းငြှိမ်းသတ်မှုကြောင့် ပတ်ဝန်းကျင်သို့ မီးကူးစက်လောင်ကျွမ်းနိုင်မှုကို တားဆီးနိုင်ခဲ့ကြောင်း သိရသည်။

 အလားတူ ယင်းနေ့ နံနက် ၁ နာရီ ၄၅ မိနစ်ကလည်း အမှတ်(၃)ရပ်ကွက် နဝဒေးလမ်းရှိ ကျူးကျော်တဲများမှ ဒေါ်မြင့်နေသည့် အိပ်ခန်းအတွင်း ခြင်ဆေးထွန်းရာမှ ခန်းဆီးကို မီး စတင်ကူးစက်လောင်ကျွမ်းခဲ့သဖြင့် အိမ်တစ်လုံးနှင့် တစ်ခြမ်းမီးလောင်ခဲ့ပြီး မြို့နယ်မီးသတ်တပ်ဖွဲ့နှင့် ရပ် ကွက်ပြည်သူတို့ စုပေါင်းအားဖြင့် မီးကူးစက်လောင် ကျွမ်းနိုင်မှုကို ကာကွယ်နိုင်ခဲ့ရာ ယင်းနေ့တစ်ရက်တည်း တွင် နှစ်ကြိမ်မီးလောင်မှုဖြစ်ပေါ်ခဲ့သည်။ ကျူးကျော်တဲ တွင်နေထိုင်သော ဒေါ်မြင့် (၄၃နှစ်)နှင့် အမှတ်(၅)ရပ်ကွက် မဟာဆွေ(၈)လမ်းထောင့်ရှိ အဆောင်မှ မဝါဝါ (၂၆ နှစ်) တို့အား မြို့မရဲစခန်းက အမှုဖွင့်အရေးယူဆောင်ရွက် ကြောင်း သိရသည်။

သန်းထိုက်(လှိုင်သာယာ)
Myanmaalinn
https://www.facebook.com/MYANMAALINNNEWS