နော်ဝေးနိုင်ငံသူအား မုဒိမ်းကျင့်သည်ဟုဆိုကာ မြန်မာလုပ်သားတစ်ဦးအား ကော့တောင်ကျွန်း ရဲစခန်းတွင် စွပ်စွဲဖမ်းဆီးထား

ထိုင်းနိုင်ငံ၊ ကော့တောင်ကျွန်းတွင် နော်ဝေးနိုင်ငံသူကို မုဒိမ်းကျင့်သည်ဟုဆိုကာ မြန်မာအလုပ်သမား တစ်ဦးအား ဖမ်းဆီးထိန်းသိမ်း ထားကြောင်း မြန်မာအလုပ်သမား ကူညီစောင့်ရှောက်ရေး မဟာမိတ်(AAC)ထံမှ သိရှိရသည်။

"ဖြစ်တာက ဆယ်လပိုင်း ကတည်းကဖြစ်တာ။ ဟိုတယ်မှာ ရေပိုက်ပြင်တဲ့ အလုပ်သမား တစ်ယောက်ကို ဖမ်းထားတာ။ နိုင်ငံခြားသူက မဟုတ်ဘူးလို့ ငြင်းပေမယ့် ရဲက ပြန်မလွှတ်ပေးဘဲ လုပ်ထားတာ။ ဝင်းနဲ့ဇော် လူသတ်မှုလို မတရားဖြစ်မှာစိုးလို့ သူ့အဖေကိုယ်တိုင် ဖုန်းဆက်ပြီး အကူအညီ တောင်းလို့ ကျွန်တော်တို့ လိုက်ကူညီနေပါတယ်" ဟု မြန်မာအလုပ်သမား ကူညီစောင့်ရှောက်ရေး မဟာမိတ် (AAC)မှ ကိုရဲမင်းက ပြောသည်။

၂၀၁၅ ခုနှစ် အောက်တိုဘာ ၁၆ ရက်နေ့ ကော့တောင်ကျွန်း ရဲစခန်းတွင် တိုင်တန်းခဲ့သည့် အဆိုပါ အမှုမှာ နော်ဝေနိုင်ငံသူက အရက်မူးပြီး မှားယွင်းကာ တိုင်တန်းခဲ့ခြင်းဖြစ်ကြောင်း သိရသည်။

အဆိုပါ တိုင်တန်းမှုကြောင့် ဖမ်းဆီးခံထားရသူမှာ မြန်မာနိုင်ငံသား မောင်အောင်မျိုးဖြစ်ကာ သူ၏ဇနီးမှာလည်း ဟိုတယ်တစ်ခုထဲတွင် အတူတူ အလုပ်လုပ်ကိုင်သူဖြစ်ကြောင်း သိရသည်။

မြန်မာအလုပ်သမား ကူညီစောင့်ရှောက်ရေး မဟာမိတ် (AAC) က ဖေဖော်ဝါရီ ၉ ရက်တွင် ကော့တောင်ကျွန်းသို့ သွားရောက်ခဲ့ပြီး အမှုမှန် ပေါ်ပေါက်နိုင်ရေးအတွက် မြန်မာနိုင်ငံသံရုံးနှင့် ချိတ်ဆက်ကာ ဆောင်ရွက်လျက်ရှိကြောင်း သိရသည်။

သတင်း - MMK
The Ladies News
https://www.facebook.com/News.TheLadies