မြစ်ကြီးနား ဖေဖော်ဝါရီ ၂၃
ယနေ့နံနက်ပိုင်း (၀၀း၁၅) နာရီအချိန်ခန့်က ပန်ဝါမြို့ ရပ်ကွက်(၂)၊ ပန်ဝါ-ချီဖွေ ကားလမ်းမဘေး ဘယ်ဘက်ခြမ်းရှိ နေအိမ်တစ်လုံးမှ ပြင်းထန်စွာ ပေါက်ကွဲ မှုဖြစ်ပွားခဲ့ကြောင်း သိရှိရသည်။
အဆိုပါ ပေါက်ကွဲမှု ဖြစ်ပွားသည့် နေအိမ်တွင် အနက်(၅)ပေ၊ အကျယ်(၁၀)ပေ ခန့် ချိုင့်ခွက်ဖြစ်ပေါ်ပြီး နေအိမ်မှာ ပေါက်ကွဲပျက်စီးသွားပြီး ပတ်ဝန်းကျင် ရှိ နေအိမ်(၃)လုံးပေါ်သို့ အပိုင်းအစများလွင့်စင်သွားကြောင်း၊ ကျား(၁)ဦး၊ မ(၂)ဦး စုစုပေါင်း(၃)ဦး ထိခိုက်ဒဏ်ရာရရှိကာ ပန်ဝါပြည်သူ့ဆေးရုံ သို့ ရောက်ရှိပြီး နံနက်(၁)နာရီ(၁၅)မိနစ်တွင် မ(၁)ဦး ကွယ်လွန်ခဲ့ကြောင်း သိရှိရသည်။
ယင်းပေါက်ကွဲမှုအရှိန်ကြောင့် ပန်ဝါမြို့တွင်း (၄)ဖာလုံ ပတ်လည်ခန့် ရှိ နေအိမ် များ၊ ဌာနဆိုင်ရာ အဆောက်အဦများ ၏ မှန်ပြတင်းပေါက်များ၊ မှန်တံခါးများ၊ လျှပ်စစ်မီးသီးများနှင့် မီးချောင်းများကွဲ၍ လျှပ်စစ်မီး ပြတ်တောက် သွား ခဲ့ကြောင်း ကနဦးသတင်းရရှိသည်။
ပြည်နယ် ပြန်/ဆက်
MOI Webportal Myanmar
https://www.facebook.com/MOIWebportalMyanmar
ပန်ဝါမြို့ ရပ်ကွက် (၂) တွင် ပြင်းထန်စွာပေါက်ကွဲမှုဖြစ်ပွား
Reviewed by THITHTOOLWIN
on
18:05
Rating: