ကုသိုလ်တထောကြီး ယူနိုင်ဖို့

ပြီးခဲ့တဲ့တလခန့်က သတင်းစာရှင်းလင်းပွဲတခု လုပ်စရာရှိလို့ တက္ကသိုလ်ဖွင့်ပေမယ့် ရက်ရှည်ခွင့်ယူပြီး ရန်ကုန်မြို့ကို ကြွရောက်ဖြစ်ခဲ့ တယ်။ အလုပ်ကိစ္စတွေအားလုံး ပြီးဆုံးသွားတော့ မိမိအမြဲရေးနေတဲ့ ဂျာနယ်တိုက်ပိုင်ရှင်က ရောက်တုန်းရောက်ခိုက် ကျိုက်ထီးရိုးဘုရား ဖူးသွားပါဦးဆိုပြီး ခရီးစရိတ်အစစအရာရာ လှူဒါန်းတာရယ်၊ မရောက် တာကြာလို့ မိမိမှာလည်း ဖူးချင်တဲ့စိတ်ဆန္ဒဖြစ်ပေါ်နေတာရယ် ဒီနှစ်ခု တိုက်ဆိုင်သွားလို့ သွားရောက်ဖြစ်ခဲ့ပါတယ်။

လမ်းခရီးတလျှောက်လုံးမှာ စိတ်ချမ်းသာစရာကောင်းတာက ကျိုက်ထီးရိုးသွားတဲ့ ကားလမ်းလေးဟာ ဟိုအရင်လို ချိုင့်တွေ၊ ခွက်တွေနဲ့ ခပ်ဆိုးဆိုးမဟုတ်တော့ဘဲ ချောချောမွေ့မွေ့အဆင်ပြေပြေသွားလာနိုင်အောင် ပြုပြင်ဖန်တီးထားတဲ့ကားလမ်း လေး ဖြစ်နေတာပဲ ဖြစ်ပါတယ်။

ရင်ထဲမှာကျိတ်ပြီး ဒီလိုပြုပြင်ပြောင်းလဲ ပေးခဲ့တဲ့ သက်ဆိုင်ရာ တာဝန်ရှိပုဂ္ဂိုလ်တွေကို သာဓုတွေအကြိမ်ကြိမ် ခေါ်ခဲ့မိပါသေးတယ်။

မိမိသွားရောက်ဖြစ်ခဲ့တဲ့ အချိန်က ခရီးထွက်လို့ အသင့်တော်ဆုံးရာသီဖြစ်နေလို့ လမ်းခရီးတလျှောက်မှာ ပြည်တွင်း ပြည်ပ အနှံ့အပြားမှ လာရောက်ကြတဲ့ ဘုရားဖူးတွေကို အရောင်အသွေးစုံလင် စွာ တွေ့မြင်ခဲ့ရပါတယ်။

ဒီလိုမိမိတို့ အထွတ်အမြတ်ထားရာ စေတီပုထိုး များရှိရာကို လူမျိုးခြား၊ ဘာသာခြားတွေက လာရောက်ဖူးမြော်လည်ပတ် တာမြင်ရတော့ မြန်မာနိုင်ငံသားဖြစ်ရတဲ့ မိမိကိုယ်ကိုယ် ကျေနပ်ခဲ့မိပါ သေးတယ်။

ကင်မွန်းစခန်းရောက်တော့ မိမိတို့စီးနင်းလာတဲ့ မော်တော်ကား ကိုအပ်နှံခဲ့ပြီး တောင်တက်ကားများရှိရာ ချီတက်ဖြစ်ခဲ့ကြပါတယ်။ လက် မှတ်ဖြတ်တဲ့နေရာရောက်တော့ တောင်ပေါ်အရောက်ကို မိမိတို့သုံး ယောက်စာအတွက် ရှေ့ခေါင်းခန်းက ကြိုတင်စာရင်းပေးသွင်းတဲ့အခါ ငါးယောက် မပြည့်လို့ ခေါင်းခန်းကို မပေးပါဘူး။

ဒါနဲ့ပဲ နောက်တွဲကနေ ဘုရားတရင်း လိုက်ပါစီးနင်းဖြစ်ခဲ့ပါတယ်။ နောက်တွဲမှာ ထိုင်ခုံတတန်း ကို ခရီးသည်ခုနစ်ဦးပဲတင်ခွင့်ရှိတယ်လို့ စာကပ်ထားပေမယ့် စပယ်ယာက ရှစ်ယောက်ပိုတင်လို့ မိမိဘေးနားက ခပ်၀၀ဒကာမ တယောက်နဲ့ အချေ အတင်စကားများနေတာကို မြင်တွေ့ခဲ့ရပါသေးတယ်။

လမ်းဘေးဝဲယာ ရှုခင်းကြည့်ပြီး တောင်တက်ခြင်း၏ အရသာကို မြည်းစမ်းမယ်လို့ ကြံရွယ်ခဲ့ပေမယ့် စိတ်ပျက်စရာကောင်းတဲ့ မြင်ကွင်းတွေကိုပဲ ရှုမြင်ခဲ့ရပါတယ်။

ဒါဟာဘာလဲဆိုတော့ တောင်တက်လမ်း တလျှောက်လုံးမှာ အလှူခံတွေ ဟာ မှိုလိုပေါက်ပြီး လာသမျှကားတိုင်း ရပ်ပေးရတယ်။ ကားပေါ်မှာ ပါလာသမျှ ဘုရားဖူးတွေကို အကြွေးတောင်းသလို အတင်းအဓမ္မ ငွေဖလားထိုးခံပြီး အလှူခံနေကြတော့တာပါပဲ။

ကြာလာတော့ဘုရားဖူး တွေဟာကားရပ်မှာကိုတောင် ကြောက်လာကြပြီလို့ ပြောဆိုသံတွေ ကြားခဲ့ရပါတယ်။ ဒီမြင်ကွင်းကိုကြည့်ပြီး အလှူခံပုဂ္ဂိုလ်ဖြစ်နေတဲ့ မိမိဟာ ကိုယ့်ကိုယ်ကိုယ်တောင် ရှက်ရွံ့အားငယ်ခဲ့မိပါသေးတယ်။

တောင်ပေါ်ရောက်တော့ ကြက်ပျံမကျ စည်ကားလှတဲ့ မြင်ကွင်း ကြီးကိုကြည့်ပြီး လွန်ခဲ့တဲ့လေးနှစ်ခန့်က မိမိတို့ တက္ကသိုလ်ကျောင်းသား တွေစုပေါင်းပြီး ရောက်ဖြစ်ခဲ့စဉ်က တပျော်တပါးကြီး မုခ်ဦးရှေ့မှာ အဖွဲ့ လိုက်မှတ်တမ်းတင်ဓာတ်ပုံရိုက်ခဲ့တာကို လွမ်းခဲ့မိပါသေးတယ်။ အလွမ်း ပြေ အထိမ်းအမှတ်အနေနဲ့ပါလာတဲ့ မိမိ၏ ကားဒရိုင်ဘာ ဒကာလေးကို အရောင်အသွေး စုံလင်လှတဲ့ လူတွေကြားထဲမှာ တပါးတည်းဝင်ရောက် နေရာယူရင်း ဓာတ်ပုံလှလှလေး တပုံရိုက်ခိုင်း ဖြစ်ခဲ့ပါသေးတယ်။

တချိန် တည်းမှာပဲ ဒီလောက်စည်ကားလှတဲ့ ဘုရားဖူးတွေကိုကြည့်ရင်းများ မကြာသေးမီက သတင်းစာနဲ့ ဂျာနယ်စာမျက်နှာတွေမှာ ဖတ်လိုက်ရတဲ့ ကျိုက်ထီးရိုးဘုရား ၀င်ငွေနည်းပါးမှုကြောင့် အကြွေးတင်နေသည်ဆိုတဲ့ သတင်းတပုဒ်ကို ပြန်လည်တွေးမိရင်း အံ့သြမှင်သက်စွာ ပြုံးခဲ့မိပါသေး တယ်။ ဘေးဝဲယာတလျှောက်လုံး ဆိုင်ခန်းတွေ၊ ပုဂ္ဂလိကတည်းခို ခန်းတွေ ပြည့်နှက်နေပြီး နေရာလွတ်ကို မရှိသလောက် ဖြစ်နေပါတယ်။

ရင်ပြင်တော်ပေါ်ရောက်ခါနီး လမ်းတ၀က်ရှိ နတ်နန်းနတ်ကွန်းများမှာ ထိုင်စောင့်နေပြီး လာသမျှလူတွေကို နတ်ကွန်းထဲဝင်ပြီး မလှူဒါန်းလျှင်၊ မဦးခိုက်လျှင် ဘေးဒုက္ခရောက်တော့မည့်သဖွယ် ပြောဆိုအလှူခံနေတဲ့ အပြုအမူတွေဟာ ထေရ၀ါဒဗုဒ္ဓဘာသာကို လက်ခံယုံကြည်ပြီး ကိုးကွယ် ကျင့်သုံးနေတဲ့ မိမိတို့နိုင်ငံအတွက် ဂုဏ်သိက္ခာကို အကြီးအကျယ် ထိခိုက်စေပါတယ်။

ရင်ပြင်တော်ပေါ် ခြေချမိလိုက်တာနဲ့ တပြိုင်နက်များစွာ စိတ် ထိခိုက်စရာကောင်းသည့် မြင်ကွင်းကား နှာခေါင်းပေါက်သာသာရှိတဲ့ လူသွားလမ်းကလွဲရင် ရင်ပြင်တော်တခုလုံးမှာ အလယ်အလတ်တန်းစားနဲ့ အောက်ခြေလူတန်းစား ဘုရားဖူးတွေရဲ့ ညအိပ်ညနေအတွက် နေရာယူ ထားတဲ့ အိပ်ရာနေရာတွေနဲ့ ပြည့်နှက်နေပြီး ရင်ပြင်တော်တခုလုံးကိုအလွန်အင်မတန်မှအရုပ်ဆိုးအကျဉ်းတန်စေခြင်းပဲ ဖြစ်ပါတယ်။

ဒီ ပြဿနာရဲ့အဓိကတရားခံကားတည်းခိုခန်းခတွေ ဈေးကြီးလွန်းတာရယ်၊ ရင်ပြင်တော်တ၀က်လောက်ကို တည်းခိုဖို့ ဓမ္မာရုံတွေ ဆောက်လုပ် ထားခြင်းကြောင့်တို့ပဲ ဖြစ်ပါတယ်။

အထူးသဖြင့် သီဟဓမ္မာရုံနဲ့ တိဿ ဓမ္မာရုံနှစ်ခုဟာ ဘုရားရင်ပြင်တော်ပေါ်မှာ နေရာတော်တော်ယူထားပါ တယ်။ ပြီးတော့ အဲဒီဓမ္မာရုံတွေကို အချိန်ပြည့်ပိတ်ထားပြီး တာဝန်ကျ လုံခြုံရေးတွေက အမြဲစောင့်ကြပ်နေပါတယ်။ သီဟဓမ္မာရုံရဲ့ အရှေ့ဘက် မျက်နှာစာမှာ အလှူရှင် ဗိုလ်ချူပ်ကြီးဟောင်းသူရဦးရွှေမန်းနှင့်ဇနီး ဒေါ်ခင် လေးသက်လို့ ကမ္ပည်းစာလုံးအကြီးကြီး ထိုးထားတာကို တွေ့မြင်ခဲ့ရပါ တယ်။

ဒီစာသားကိုကြည့်ခြင်းအားဖြင့် ဒီဓမ္မာရုံမှာ သာမန်ဘုရားဖူးပြည်သူ တွေ တည်းခိုခွင့်မရှိဘူးလို့ ထုတ်ပြောနေသယောင်ယောင်ပဲ ဖြစ်ပါတယ်။
ဒါ့အပြင် အခြားသုံးထပ်ဆောင်၊ ပြည်ထဲရေးဓမ္မာရုံနဲ့ ဌာနဆိုင်ရာ ခေါင်းစဉ်တွေနဲ့ ဆောက်လုပ်ထားတဲ့ ဓမ္မာရုံတွေကိုလည်း ပြည်သူတွေ ကို တည်းခိုခွင့်မပြုပါဘူး။

သက်ဆိုင်ရာ လူကြီးတွေ လာမတည်းတဲ့ အချိန်မှာ ဓမ္မာရုံစောင့်တွေက ဘုရားဖူးတွေကို ဈေးကြီးကြီးနဲ့ ငှားစားကြ ပါတယ်။ ဒါကြောင့် ကုန်ကျစရိတ်နည်းနည်းနဲ့ ဘုရားလာဖူးတဲ့ မိသားစု တွေဟာ ရင်ပြင်တော်မှာပဲဖြစ်သလို စောင်လေးတွေ၊ ခြင်ထောင်လေးတွေ ကာပြီး အဖီထိုးကာလမ်းဘေးနေလူ့ငမွဲတွေကဲ့သို့တည်းခိုနေရကြခြင်းပဲ ဖြစ်ပါတယ်။ ဒီရဲ့ အကျိုးဆက်က တချို့တည်းခိုသူတွေက ကလေးတွေကို အဲဒီမှာပဲ ချီးတည်၊ သေးတည်ကြတော့ ချီးနံ့၊ သေးနံ့တွေဟာ ပတ်ဝန်း ကျင်ကို အတော်ဒုက္ခပေးပါတယ်။

ထမင်းဆိုင်တွေကလည်း ဈေးအင် မတန်ကြီးတော့ ဘုရားဖူးတွေက ကိုယ့်ထမင်းချိုင့်နဲ့ ကိုယ်လာကြ၊ ပြီးတော့ ရင်ပြင်တော်ပေါ်မှာပဲ စားကြတယ်။ ဒါကြောင့် ရင်ပြင်တော်ဟာ ထမင်း ကျန်၊ ဟင်းကျန်တွေနဲ့ ညစ်ပတ်နေပြီး ဘုရားဝတ်ပြုရန် ထိုင်ဖို့ တောင် ဒီအညစ်အကြေးတွေကြောင့် စိတ်မသန့်ဖြစ်ခဲ့ရပါတယ်။

နောက်ပြဿနာတခုကား ရေချိုးခန်းနဲ့ အများသုံးအိမ်သာတွေပဲ ဖြစ်ပါတယ်။ ရင်ပြင်တော်မှာ အများသုံးအိမ်သာတွေကို တခါသုံး ကျပ် နှစ်ရာပေးရပါတယ်။ သို့သော် အိမ်သာထဲမှာရေပုံးမရှိပါဘူး။

ကိုယ့်တခါ သုံးစာအတွက် ရေးပုံးခပ်သေးသေးတပုံးကို ကိုယ်တိုင်ဆွဲပြီး အိမ်သာတက်ကြရပါတယ်။အဲဒီပုံးက ရေဖလားသုံးခွက်စာတောင်မပြည့်ပါဘူး။ အများ သုံး ရေချိုးခန်းတွေဆိုလည်း ရေတပုံးကျပ်ငါးရာနဲ့ ၀ယ်သုံးကြရပါတယ်။ အေးတဲ့ရာသီမှာ ရေနွေးလိုချင်တော့ ကျပ်ရှစ်ရာပေးရပါတယ်။

ကျန်းမာ ရေးအတွက် အဓိကကျတဲ့ သန့်ရှင်းသပ်ရပ်မှုကား နည်းနည်းမျှ မရှိပေ။ ဒီလို ပြည်တွင်းပြည်ပဘုရားဖူးတွေနဲ့ ကြိတ်ကြိတ်တိုးစည်ကားတဲ့ နေရာမျိုးမှာ ယုတ်စွဆုံးဖြစ်တဲ့ အိမ်သာတက်ဖို့ကိစ္စကိုတောင် အဆင်ပြေအောင် ဖန်တီးမထားပေးတာဟာ အင်မတန်အရုပ်ဆိုးအကျည်းတန်စေပါတယ်။

ဒီလိုတည်းခိုမှုပြဿနာတွေကို လိုက်လံပြီး လေ့လာနေတုန်း မိမိနှင့် ရင်းနှီးသည့် ထေရ၀ါဒတက္ကသိုလ်မှ မိတ်ဆွေတယောက်နဲ့တွေ့လို့ စကား စမြည်ပြောကြဆိုရင်းသူနှင့်အတူပါလာတဲ့ဗီယက်နမ်ဆရာလေးနှစ်ပါးက နေ့ဆွမ်းကပ်ချင်တယ်ဆိုလို့ကျီးကန်းပါးစပ်ဂူရှိရာလဟာပြင်ထဲမှာ ဆောက်လုပ်ထားတဲ့တရုတ်ကြီးအမည်ရှိ ဒေသထမင်းဆိုင်ရှိရာဆီကိုချီတက်ဖြစ်ခဲ့ကြပါတယ်။

အစားအသောက်တွေဟာ အင်မတန်မှ ဈေး ကြီးလွန်းပါတယ်။ နေ့ဆွမ်းဘုဉ်းပေးပြီး ကျီးကန်းပါးစပ်ဂူကို သွားရောက် ကြည့်ရှုဖို့ အသွားလမ်းဂူနားရောက်ခါနီးမှာ အလှူခံတွေက မိမိနှင့်အတူ ပါလာတဲ့ ဗီယက်နမ်ဆရာလေးနှစ်ပါးကို မြန်မာလူမျိုးထင်ပြီးပြောလိုက် တဲ့စကားက မိမိမျက်နှာကို ရေနွေးနဲ့ အပက်ခံခဲ့ရသလိုပါပဲ။

ဘာပြော လိုက်လဲဆိုတော့ ''ဆရာလေးတို့ ထမင်းစားလို့ပိုတဲ့ အကြွေလေးတွေ ဘုရားပြုပြင်ဖို့အတွက် လှူခဲ့ကြပါဦးတဲ့'' ဘယ်လောက်များရှက်စရာ ကောင်းလိုက်ပါသလဲ။

မြန်မာစကားနားမလည်တဲ့ သူတို့အဖို့ မိမိမိတ် ဆွေက အဆင်ပြေသလို ဘာသာပြန်ပေးလိုက်လို့ တော်သေးသည်ဟု ဆိုရမည်ဖြစ်ပါတယ်။ သူတို့အလှူခံနေတဲ့ပုံစံဟာ အိမ်ခြေမဲ့ သူတောင်း စားတွေ လမ်းပေါ်မှာလိုက်လံတောင်းရမ်းနေတဲ့ အမူအရာနဲ့တထေရာ တည်းဖြစ်နေပါတယ်။

လွန်ခဲ့သော သုံးလကျော်က လည်လည်ဝယ်ဝယ်ရှိတဲ့ နိုင်ငံခြား သူတယောက်ဟာ သူမရဲ့ဖေ့စ်ဘွတ်ခ် စာမျက်နှာပေါ်မှာ ကျိုက်ထီးရိုး ဘုရားခရီးစဉ်နဲ့ပတ်သက်လို့ ဒီလိုဖော်ပြထားတာကို ဖတ်ရှုခဲ့ရပါတယ်။

''ကျွန်မတို့ကို ယဉ်ကျေးမှုဇုန်ဝင်ကြေးဆိုပြီး ခြောက်ဒေါ်လာ တောင်း ပါတယ်။ ပြီးတော့ ကျွန်မတို့ကိုတည်းခိုခန်းတို့ ဘုရားရင်ပြင်တို့မှာ တည်း ခိုခွင့်မပေးပါဘူး။ ဟိုတယ်တွေမှာ တည်းခိုခိုင်းတယ်။

ဟိုတယ်နာမည် တော့ ကျွန်မ မမှတ်မိတော့ဘူး။ ဟိုရောက်သွားတော့ တညကို ဒေါ်လာ၁၀၀ တောင်းတယ်။ကျွန်မထပ်ခါထပ်ခါ ဈေးဆစ်တော့ နောက်ဆုံး ၇၅ ဒေါ်လာနဲ့ ဈေးတည့်သွားတယ်။ ဒီ GoldenRock ကို တခေါက် လာဖို့ ကျွန်မတို့အတွက် ဒေါ်လာ ၁၀၀ ကျော်ကုန်တယ်။ ပြောချင်တာ က ကမ္ဘာလှည့်ခရီးသွားတွေအတွက် အရမ်းဈေးကြီးတဲ့နေရာ ဖြစ်ပါ တယ်''လို့ ပွင့်လင်းစွာရေးသားထားပါတယ်။

အမှန်တကယ်ဆိုကျိုက်ထီးရိုးဘုရားဟာအလှူငွေအရဆုံးနဲ့ လေလံကြေးတွေမှာလည်းအမြင့်ဆုံးကြေးရနေတဲ့အထဲမှာပါသလို တောင်တက်ကားအသင်းကလည်း နေ့စဉ်နဲ့အမျှ ၀င်ငွေအရဆုံးထဲမှာ ပါဝင်ပါတယ်။ ဘုရားနဲ့ပတ်သက်ပြီး ထူးထူးခြားခြားတိုးတက်လာတာ သိပ်များများစားစား မမြင်တွေ့ရပါဘူး။

ဘုရားအနီးမှာ တည်းခိုခန်း တွေများလာခြင်း၊ ရင်ပြင်တော်ပေါ်မှာ နေစရိတ်၊ စားစရိတ်တွေမြင့် တက်လာခြင်း၊ အလှူခံတွေ မှိုလိုပေါက်လာခြင်း ဒါတွေသာနှစ်စဉ်နဲ့အမျှ တိုးတက်လာတာကို မြင်တွေ့နေရပါတယ်။

ဒီဘက်ခေတ်မှာ ခေတ်စားလာတဲ့ လေလံဆိုတာနဲ့ပတ်သက်ပြီး ဝေဖန်ထောက်ပြရပါလျှင်မူ ဘုရားမှာကပ်လှူတဲ့ ရွှေဆိုင်းအရောင်းဆိုင် တွေ၊ အလှူခံပုံးတွေ၊ အလှူခံတွေ၊ ဆိုင်ခန်းတွေ၊ တည်းခိုခန်းတွေ ရှိရှိသမျှ အားလုံးကို ကန်ထရိုက်ပေးပြီး လေလံတင်လုပ်ကိုင်နေကြတော့ အဆမတန်ဈေးပေးပြီး လေလံအောင်ထားတဲ့ လုပ်ငန်းရှင်တွေဟာ မိမိတို့ အမြတ်အစွန်းများများရရှိရေးအတွက် အလှူခံတွေဆိုရင်လည်း အတင်း အဓမ္မကောက်ခံကြ၊ စားသောက်ဆိုင်တွေဆို ဈေးကြီးကြီးရောင်းကြ၊ တည်းခိုခန်းတွေဆို မတန်မရာတောင်းကြနဲ့ လာသမျှဘုရားဖူးပုဂ္ဂိုလ် တွေဆီက အနုနည်းရောအကြမ်းနည်းနဲ့ပါ စီးပွားရှာနေကြပါတယ်။ ခပ်ရိုင်းရိုင်း ဥပမာပေးရလျှင် ဘုရားပြပြီးဆန်တောင်းနေကြတဲ့ လုပ်ရပ်တွေပဲ ဖြစ်ပါတယ်။

ဒါကြောင့် ကျိုက်ထီးရိုးဘုရားနဲ့ပတ်သက်တဲ့ လေလံအား လုံးကိုပွင့်လင်းမြင်သာ ပြန်လည်ပြုပြင်ဖို့လိုအပ်နေပါပြီ။

ဒီလိုမဖြစ်ရအောင် ရင်ပြင်တော်ပေါ်က ဓမ္မာရုံတိုင်းကို အများ ပြည်သူတွေ တည်းခိုခွင့်ပြုဖို့၊ ဟိုတယ်တွေကို ဈေးနှုန်းကန့်သတ်ဖို့၊ ရေချိုးခန်း၊ အိမ်သာများလုံလောက်အောင် တည်ဆောက်ပေးဖို့၊ တည်းခိုခန်း၊ ဆိုင်ခန်းတွေကို စနစ်တကျနဲ့ တည်ဆောက်ပေးဖို့၊ သန့်ရှင်းရေး ၀န်ထမ်းတွေ တိုးမြှင့်ခန့်အပ်ထားဖို့နဲ့ အလှူခံတွေမှန်သမျှကို ထိန်းကျောင်းပြုပြင်ပေးဖို့ အစရှိတဲ့အချက်တွေကို တာဝန်ရှိဂေါပကများ အနေနဲ့ အမြန်ဆုံး အကောင်အထည်ဖော်ဆောင်ပေးဖို့ သင့်နေပါပြီ။

ဒါမှသာလျှင် ဆံတော်ရှင်ကျိုက်ထီးရိုးစေတီတော်မြတ်ကြီးကို ပြည်တွင်းပြည်ပ ဆင်း ရဲချမ်းသာ၊ အယုတ်အမြတ်မရွေး ငွေကြေးနည်းနည်းနဲ့ နှစ်စဉ်သွားရောက်ဖူးမြော်နိုင်ပြီးကုသိုလ်တွေတထောကြီးရယူနိုင်ကြမှာဖြစ်ပါကြောင်း စေတနာကောင်းဖြင့် ဝေဖန်ထောက်ပြအပ်ပါတယ်။

ဓမ္မသုတေသီ(မန္တလေး)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal