 |
| ပြည်ထောင်စုလွှတ်တော် အစည်းအဝေး ကျင်းပနေပုံ။ Photo: RFA |
အစိုးရဟာ NCA စာချုပ်ကို အပစ်ခတ်ရပ်စဲရေး ခိုင်မာစေဖို့၊ အာမခံချက်ရှိတဲ့ နိုင်ငံရေး ဆွေးနွေးပွဲတွေ စတင်အကောင် အထည်ဖော်နိုင်ဖို့ နဲ့ နောင်တက်လာမယ့် အစိုးရ အနေနဲ့ ငြိမ်းချမ်းလုပ်ငန်းစဉ်တွေကို လက်ဆင့်ကမ်းသယ်ဆောင် သွားနိုင်အောင် အုတ်မြစ်ချဖို့ ဆိုတဲ့ ရည်ရွယ်ချက် ၃ချက်နဲ့ အကောင်အထည်ဖော် ခဲ့တာဖြစ်ကြောင်း ၀န်ကြီး ဦးအောင်မင်းက တင်ပြခဲ့ပါတယ်။
"ကျနော်တို့အစိုးရအနေနဲ့ တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူညီချက် NCA ကိုညှိနှိုင်းရာမှာ ရည်ရွယ်ချက် ၃ ခုကိုအခြေခံနိုင်ခဲ့ပါတယ်၊ နံပါတ် ၁ အပစ်အခတ်ရပ်စဲရေးခိုင်မာစေရေး၊ နံပါတ် ၂ အာမခံချက်ရှိသော နိုင်ငံရေးဆွေးနွေးပွဲများ စတင်အကောင်အထည်ဖော်နိုင်ရေးနဲ့ အမှတ်စဉ် ၃ နောင်အစိုးရ တက်လာတဲ့အခါမှာ ငြိမ်းချမ်းရေးလုပ်ငန်းစဉ်များကို လက်ဆင့်ကမ်းသယ်ဆောင်သွားနိုင်အောင် အုတ်မြစ်ချရေးဆိုတဲ့ရည်မှန်းချက် ၃ ခုဖြစ်ပါတယ်၊ နောင်အစိုးရ တက်လာတဲ့အခါမှာလည်း NCA မှာချမှတ်ထားတဲ့ အပစ်အခတ်ရပ်စဲရေးခိုင်မာစေရေးနဲ့ နိုင်ငံရေးဆွေးနွေးပွဲများကျင်းပနိုင်ရေးတို့ကို အကောင်အထည်ဖော်ရမှာ ပဲဖြစ်ပါတယ်"
ပြီးခဲ့တဲ့အောက်တိုဘာလ ၁၅ရက်နေ့က ကရင်အမျိုးသားအစည်းအရုံး ကေအန်ယူ၊ ကရင်ငြိမ်းချမ်းရေးကောင်စီ KNU/KNLA၊ ရှမ်းပြည်ပြန်လည် ထူထောင်ရေးကောင်စီ RCSS/SSA၊ ဒီမိုကရေစီအကျိုးပြု ကရင့်တပ်မတော် ဒီကေဘီအေ၊ ချင်းအမျိုးသားတပ်ဦး CNF၊ ရခိုင်ပြည်လွတ်မြောက်ရေးပါတီ ALP၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF၊ ပအိုဝ်းအမျိုးသားလွတ်မြောက်ရေးအဖွဲ့ PNLO စတဲ့ တိုင်းရင်းသားလက်နက်ကိုင် အဖွဲ့ ၈ဖွဲ့ ဟာ အစိုးရနဲ့ အပစ်ခတ်ရပ်စဲရေးစာချုပ်ချုပ်ဆိုခဲ့တာဖြစ်ပါတယ်။
နိုင်ငံတော်သမ္မတ ပေးပို့တဲ့ NCA စာချုပ်ကို ပြည်ထောင်စုလွှတ်တော်မှာ ဆွေးနွေးပြီးအတည်ပြုပေးရဖြစ်ပြီး ပါဝင်ဆွေးနွေးမယ့်ကိုယ်စားလှယ်တွေက လာမယ့် ဒီဇင်ဘာလ ၃ ရက်နေ့ နောက်ဆုံးထားပြီး နာမည်စာရင်းပေး ဖို့ ပြည်ထောင်စုလွှတ်တော်နာယက သူရဦးရွှေမန်းက တိုက်တွန်းခဲ့ပါတယ်။
RFA Burmese
http://www.rfa.org/burmese/
NCA အပစ်ရပ်စာချုပ် လွှတ်တော်မှာတင်သွင်း
Reviewed by THITHTOOLWIN
on
03:55
Rating:
Reviewed by THITHTOOLWIN
on
03:55
Rating:
