ဆီးရီးယား အစိုးရကို အတိုက်အခံ ပြုနေတဲ့ နိုင်ငံရေး အဖွဲ့အစည်းတွေနဲ့ လက်နက်ကိုင် သူပုန်တွေက ဇန်နဝါရီလကျရင် ဆီးရီးယား အစိုးရနဲ့ တွေ့ဆုံပြီး အပစ်အခတ်ရပ်စဲရေး အကြောင်း ဆွေးနွေးဖို့ ဆုံးဖြတ်ခဲ့ကြပါတယ်။
ဆီးရီးယား အစိုးရကို ဆန့်ကျင်နေတဲ့ အဖွဲ့အစည်းပေါင်းစုံက လူပေါင်း ၁၀၀ လောက် ဆော်ဒီအာရေးဗီးယားမှာ ကျင်းပတဲ့ ဆွေးနွေးပွဲမှာ တက်ရောက်ပြီး ဆုံးဖြတ်ခဲ့ကြတာပါ။
ဆီးရီးယားနိုင်ငံက အဓိက သူပုန်အဖွဲ့တစ်ခုကတော့ သူတို့လိုချင်တဲ့ အရာကို မရလို့ ဆော်ဒီအာရေးဗီးယားမှာ ကျင်းပနေတဲ့ ငြိမ်းချမ်းရေး ဆွေးနွေးမှုကနေ နှုတ်ထွက်လိုက်ပြီ ဖြစ်ပါတယ်။
ဆီးရီးယားအစိုးရကို ဝိုင်းပြီး ဆန့်ကျင်နေတဲ့ သူပုန် တပ်ဖွဲ့တွေအားလုံးအကြား ဘုံသဘောတူညီချက်တွေ ရရှိအောင် တွေ့ဆုံကြတာ ဖြစ်ပြီး ဆီးရီးယား အစိုးရတပ်နဲ့ သူပုန်တွေအကြား အပစ်အခတ် ရပ်စဲမှု ဖြစ်ပေါ်အောင် ကြိုးစားကြတာ ဖြစ်ပါတယ်။
ဒါပေမဲ့ အဓိက သူပုန်အဖွဲ့အစည်းတစ်ခုဖြစ်တဲ့ Ahrar al-Sham အဖွဲ့က သူတို့ရဲ့ တင်ပြချက်ကို လစ်လျူရှုခံရတယ်ဆိုပြီး ဆွေးနွေးမှုမှာ မပါဝင်တော့ဖို့ ဆုံးဖြတ်ခဲ့ပါတယ်။
ငြိမ်းချမ်းရေး ညီလာခံ တက်ရောက်နေတဲ့ သူပုန်ကိုယ်စားလှယ်တွေက ဆီးရီးယား သမ္မတ Bashar al-Assad ကို ရာထူးကနေ ဆင်းပေးဖို့ တညီတညွတ်တည်း တောင်းဆိုကြသလို ဖမ်းဆီးထားတဲ့ အကျဉ်းသားတွေကို လွတ်ပေးဖို့လည်း တောင်းဆိုခဲ့ကြပါတယ်။
IS အစ္စလာမ်မစ် အဖွဲ့ဟာလည်း ဆီးရီးယား အစိုးရကို ဆန့်ကျင်တဲ့ သူပုန်အဖွဲ့ ဖြစ်ပေမယ့် သူပုန်တပ်ဖွဲ့တွေရဲ့ ဆွေးနွေးမှုမှာ IS ကို မဖိတ်ခေါ်ထားသလို နောက်နောင်ပြုလုပ်မယ့် ဆွေးနွေးပွဲမှာလည်း ခေါ်မှာ မဟုတ်ဘူးလို့ သိရပါတယ်။
အဲဒီဆွေးနွေးမှုမှာ Al Nusra Front ဆိုတဲ့ အဖွဲ့ မပါဝင်သလို Kurdish လူမျိုး အဓိက အဖွဲ့တစ်ခုလည်း မတက်ရောက်ခဲ့ပါဘူး။
သူပုန်အဖွဲ့တွေက ငြိမ်းချမ်းရေး ဆွေးနွေးမှု မစတင်ခင်ကတည်းက သမ္မတ Bashar al-Assad ရာထူးကနေ ဆင်းပေးရမယ်လို့ ပြောဆိုမှုတွေလည်း ရှိနေပါတယ်။
ဆီးရီးယား အစိုးရနဲ့ ဇန်နဝါရီလရဲ့ ပထမ ၁၀ ရက်မှာ တွေ့ဆုံကြမယ်လို့ ဆိုပါတယ်။
(Radio Australia)
http://www.radioaustralia.net.au/burmese/
ဆီးရီးယား သူပုန်နဲ့ အစိုးရတို့ ဇန်နဝါရီမှာ တွေ့မည်
Reviewed by Staff Writer
on
11:57
Rating: