တူရကီ နယ်စပ် အနီး ရုရှားလေယာဉ် ပစ်ချခံရ

တူရကီနဲ့ဆီးရီးယား နှစ်နိုင်ငံကြားနယ်စပ်မှာ ရုရှား Su-24 တိုက်လေယာဉ် ပစ်ချခံရ (နိုဝင်ဘာ ၂၄၊ ၂၀၁၅)

 တူရကီ နဲ့ ဆီးရီးယား နယ်စပ်မှာ ရုရှားတိုက်လေယာဉ်တစင်းကို တူရကီဘက်က ပစ်ချ လိုက်ပြီး၊ အဲဒီလေယာဉ်ဟာ သူတို့ရဲ့ လေပိုင်နက်ထဲကို ကျူးကျော် လာ တာကြောင့်ဖြစ်တယ်လို့ တူရကီအစိုးရက ပြောကြားလိုက်ပါတယ်။ ဒါပေမဲ့ ရုရှား ဘက်ကတော့ သူတို့လေယာဉ်ဟာ ဆီးရီယားနယ်နိမိတ်ထဲကနေ မထွက်သွားဘူးလို့ အခိုင်အမာပြောကြားလိုက်ပါတယ်။

ဒီဖြစ်ရပ်နဲ့ ပတ်သက်ပြီး - တူရကီဟာ ရုရှားနိုင်ငံအပေါ် နောက်ကျောကို ဓါးနဲ့ ထိုးတာဖြစ်ပြီး၊ IS အဖွဲ့အပါအ၀င် အကြမ်းဖက်အဖွဲ့တွေကို အထောက်အပံ့ပေးနေ တယ်လို့ ရုရှားသမ္မတ ဗလာဒီမီယာပူတင်က စွပ်စွဲ လိုက်ပါတယ်။ အစောပိုင်းတုန်းကတော့ ရုရှားတိုက်လေယာဉ်ကို ပြေပြင်ကနေ ပစ်ချခဲ့ တာကြောင့်ဖြစ်တယ်လို့ ရုရှားတာဝန်ရှိသူတွေက အစောပိုင်းမှာပြောကြား ခဲ့ပေမယ့်လည်း၊ တူရကီ F-16 တိုက်လေယာဉ်တွေက ပစ်ချခဲ့တာဖြစ်တယ်လို့ မစ္စတာပူတင်က ၀န်ခံသွားပါတယ်။

အဲဒီဒေသကထွက်လာတဲ့ ဗွီဒီယိုမှာတော့ လေယာဉ်မှူးနှစ်ဦး ကောင်းကင် ကနေ လေထီးနဲ့ဆင်းလာတာကို ရိုက်ယူထားတာ တွေ့ရပါတယ်။ ဆီးရီးယား သူပုန်တွေက နောက်ပိုင်းမှာ ထုတ်ပြန်လိုက်တဲ့ ဗီဒီယိုထဲမှာတော့ - လေယာဉ်မှူး တစ်ယောက်ကတော့ သေဆုံးသွားတယ်လို့ ဖော်ပြထားခဲ့ပါတယ်။ ဒါပေမဲ့ လေယာဉ်မှူးတွေဟာ တွန်းကန်စနစ်နဲ့ လေယာဉ်ထဲကနေ ထွက်လိုက်နိုင်ကြပေမဲ့ သူတို့ရဲ့အခြေအနေကိုတော့ မသိသေးဘူးလို့ ရုရှားကပြောပါတယ်။

ဒီဖြစ်ရပ်ကို ဆွေးနွေးဖို့အတွက် နေတိုးအဖွဲ့က အင်္ဂါနေ့မှာ အရေးပေါ် အစည်းအဝေး ကျင်းပသွားဖို့ရှိပါတယ်။ တူရကီနိုင်ငံရဲ့ ပန်ကြားချက် အရ နေတိုး မြောက် အတ္တလန္တိတ် စစ်စာချုပ်အဖွဲ့ဟာ အထူးအစည်းအဝေးကို ကျင်းပ သွားမှာဖြစ်ပြီး ၊ ရည်ရွယ်ချက်ကတော့ တူရကီက ရုရှားစစ်လေယာဉ်ကို ပစ်ချခဲ့တာနဲ့ ပတ်သက်ပြီး အသိပေးဖို့ဖြစ်တယ်လို့ နေတိုးတပ်ဖွဲ့က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com