“အမျိုးသမီးငယ်တွေ၊ လူငယ်တွေအနေနဲ့ လူသူကင်းမဲ့တဲ့ နေရာတွေကို အချိန်မတော် သွားလာတာတွေ ရှောင်ရှားဖို့လိုပါတယ်''

 ရဲမှူးကြီးကိုကိုအောင်နှင့် တွေ့ဆုံခြင်း

ညီညီထွန်းနှင့် သတင်းအဖွဲ့

နေပြည်တော်၌ စက်တင်ဘာလ ၂၉ ရက်နေ့ ညသန်းခေါင်ကျော်အချိန်တွင် လူ(၄)ဦးမှ ခင်ပွန်းဖြစ်သူအား သတ်၍ ဇနီးသည်အား အဓမ္မပြုကျင့်မှုဖြစ်ပွားခဲ့သည်။ တရားဥပဒေ စိုးမိုးရေးကို ခြိမ်းခြောက်နေပြီလော၊ ပြစ်မှုဖြစ်ပွားရခြင်းအကြောင်းအရင်းက အဘယ်နည်း၊ ယင်းအချိန် ဖြစ်နိုင် ခြေရှိမှုများကိုလည်း တွေးဆရပြန်သည်။

ယင်းတို့နှင့်ပတ်သက်၍ နေပြည်တော် ရဲတပ်ဖွဲ့မှူး ရဲမှူးကြီးကိုကိုအောင် ၏ ဖြစ်စဉ် ဖြစ်ပွား ပုံနှင့် ၎င်း၏ သဘောထားအမြင် မေးမြန်းခဲ့သည်များကို သတင်းစဉ်က ဖော်ပြလိုက်ပါသည်။

သတင်းစဉ်။ နေပြည်တော် သံတမန်ဇုန်အနီးမှာ လူသတ်မှုတစ်ခု ဖြစ်ပွားခဲ့တယ်လို့ သိရပါတယ်။ ဘယ်လိုကနေစပြီး အမှုဖြစ်ပွားခဲ့တာလဲဆိုတာ သိပါရစေ။

ရဲမှူးကြီး ကိုကိုအောင်။ စက်တင်ဘာ ၂၉ ရက် ညသန်းခေါင်ကျော်ခန့်အချိန် Junction Center နောက်မှာ ဖြစ်သွားတဲ့ လူသတ်မှုနဲ့ မုဒိန်းမှုမှာပါဝင်တဲ့ ကျူးလွန်ခံရသူတွေက သမီးရည်းစား စုံတွဲ မဟုတ်ပါဘူး။ လွန်ခဲ့တဲ့ (၁)လကျော်လောက်က အိမ်ထောင်ကျပြီး လတ်တလော (၄/၅)ရက် လောက်မှာ မိဘအိမ် အသီးသီးမှာ မင်္ဂလာပွဲ ကျင်းပဖို့ စီစဉ်နေဆဲ ခွဲနေကြသူတွေ ဖြစ်ပါတယ်။ အခင်းဖြစ်တဲ့နေ့က မင်္ဂလာဝတ်စုံအတွက် တိုင်ပင်ဖို့ နေထိုင်ရာ လယ်ဝေးမြို့နယ်ထဲက ရွာကနေ နေပြည်တော်ကို ဆိုင်ကယ်နဲ့လာပြီး ည(၁၂)နာရီလောက် အဆင့်မြင့်ဈေး လမ်းဆုံအနီး မီးပွိုင့် နားမှာ လင်မယားနှစ်ယောက် ထိုင်စကားပြောနေရာက တရားခံတွေနဲ့ တွေ့ပြီး ပြစ်မှုကျူးလွန် ခံရတာဖြစ်ပါတယ်။

သတင်းစဉ်။ အဲဒီလူသတ်မှု ဖြစ်ဖြစ်ချင်း တရားခံတွေ အမြန်ဖမ်းဆီးရမိနိုင်ရေး အတွက် နေပြည်တော် ရဲတပ်ဖွဲ့မှူးရုံးက ဘယ်လိုဆောင်ရွက်ခဲ့ပါသလဲ။

ရဲမှူးကြီး ကိုကိုအောင်။ ပြစ်မှုဖြစ်ပွားပြီး ရဲစခန်းကိုလာရောက်အမှုဖွင့်တိုင်ကြားတဲ့ စက်တင် ဘာ ၃၀ ရက် နံနက် (၈)နာရီ မိနစ် (၂၀)ကစပြီး ကျွန်တော်အပါအဝင် သက်ဆိုင်ရာ စခန်းမှူး၊ မြို့နယ်မှူး၊ ခရိုင်မှူးတွေနဲ့ တပ်ဖွဲ့ဝင်တွေ အခင်းဖြစ်ရပ်ကိုသွားပြီး စစ်ဆေးတယ်။ တရားလို အပါ အဝင် ဆက်စပ်သက်သေတွေကို စစ်ဆေးတယ်။ တစ်ချိန်တည်းမှာပဲ တရားလို ရဲ့ ပြောပြချက်အရ သံသယဖြစ်ဖွယ် ပုံသဏ္ဍာန်တူ မသင်္ကာတရားခံတွေ ရှာဖွေခြင်း လုပ်ငန်းကို တိုင်းနဲ့ ဆက်စပ်မြို့နယ် တွေမှာ ဆောင်ရွက်ခဲ့ပါတယ်။

သတင်းစဉ်။ အခုတရားခံတွေ မိပြီလားခင်ဗျာ။

ရဲမှူးကြီး ကိုကိုအောင်။ တရားလိုရဲ့တိုင်ကြားချက်က အချက်အလက်တွေ မှန်/မမှန်ကို အဖွဲ့တွေခွဲပြီး စိစစ်ရတယ်။ သံသယရှိသူတွေရဲ့ တယ်လီဖုန်း အဆက်အသွယ်တွေကိုလည်း စိစစ် ရတယ်။ တရားလိုရဲ့ ပြောပြချက်အရ သိရတဲ့ တရားခံတွေရဲ့ ပုံသဏ္ဍာန်တွေ ကို ဖြစ်နိုင်ချေရှိတဲ့ နေရာ/ရပ်ကွက်တွေမှာ နယ်ထိန်းတပ်ဖွဲ့ဝင်တွေက စုံစမ်းစစ်ဆေးပြီး တိုက်ဆိုင်ဖော်ထုတ်ရာ ကနေ ပြစ်မှုကျူးလွန်တဲ့ တရားခံ(၄)ဦး အနက်ကနေ (၂)ဦးကို သက်သေခံပစ္စည်းတွေနဲ့အတူ ဖော်ထုတ် ဖမ်းဆီးရမိထားပါတယ်။ တရားခံတွေ စစ်ဆေးရာ မှာ မှုခင်းတပ်ဖွဲ့ကလည်း ကူညီစစ်ဆေး ပေးနေပါတယ်။

သတင်းစဉ်။ ပြစ်မှုကျူးလွန်သူတွေက ဘာလို့ သတ်ဖို့အထိ ဖြစ်သွားရတာလဲ။ ရန်ငြိုး ရန်စ ကြောင့်လား ဒါမှမဟုတ် တစ်ခြားအကြောင်းကြောင့်လား။

ရဲမှူးကြီး ကိုကိုအောင်။ တရားခံတွေ ပြစ်မှုကျူးလွန်ရတဲ့ အကြောင်းအရင်းကတော့ အရက် သေစာ သောက်စားရာက ကျူးလွန်ခံရတဲ့လင်မယားစုံတွဲနဲ့ အချိန်မတော်တွေ့ ရာကနေ မှုခင်းဖြစ်ပွားရခြင်း ဖြစ်ပါတယ်။ ပြစ်မှုကျူးလွန်သူတွေက အသက်(၂၀)ပတ် ဝန်းကျင်လူငယ်တွေ ဖြစ်ပါတယ်။ ရန်ငြိုးရန်စကြောင့်၊ ငွေကြေးကြောင့် မဟုတ်ဘဲ အရက်အလွန်အကျွံသောက်စားပြီး မိမိကိုယ်ကိုထိန်း သိမ်းနိုင်ခြင်းမရှိဘဲ ဖြစ်ပွားခဲ့ကြောင်း စုံစမ်းဖော်ထုတ်သုံးသပ်ရရှိပါတယ်။

သတင်းစဉ်။ ဒီလူသတ်မှုနဲ့ပတ်သက်ပြီး ဆောင်ရွက်နေတဲ့ နောက်ဆုံး အခြေအနေ ကို ပြောပြ ပေးပါ။

ရဲမှူးကြီး ကိုကိုအောင်။ ပြစ်မှုကျူးလွန်သူ တရားခံ(၂)ဦးကို သက်သေခံပစ္စည်းတွေနဲ့ ဖမ်းဆီး ရမိထားပါတယ်။ အခြားကျူးလွန်သူ (၂)ဦးကို အမြန်ဆုံးဖမ်းဆီးရမိဖို့ ကွက်ပြည့်နင်း လိုက်လံရှာဖွေ လျက်ရှိပါတယ်။

သတင်းစဉ်။ ဒီလူသတ်မှု ဖြစ်စဉ်အပေါ် တရားဥပဒေစိုးမိုးမှု အားနည်းနေပြီလို့ ဝေဖန်သံတွေ ကြားနေရပါတယ်။ နေပြည်တော်ကောင်စီနယ်မြေအတွင်း တရားဥပဒေစိုးမိုးရေးအတွက် ဘယ်လို စီမံဆောင်ရွက် ထားတယ်ဆိုတာ သိပါရစေ။

ရဲမှူးကြီး ကိုကိုအောင်။ ပြည်ထဲရေးဝန်ကြီးဌာနဲ့ မြန်မာနိုင်ငံရဲတပ်ဖွဲ့တို့ရဲ့ လမ်းညွှန်ချက်နဲ့ အညီ နေပြည်တော်ကောင်စီနယ်မြေအတွင်း တရားဥပဒေစိုးမိုးရေးအတွက် လှည့်ကင်း/ ရပ်ကင်းတွေ တိုးချဲ့ ဆောင်ရွက်တယ်။ ယာဉ်တင် လှည့်ကင်း၊ မော်တော်ဆိုင်ကယ်၊ စက်ဘီးလှည့်ကင်း တွေနဲ့ နယ်မြေလုံခြုံရေးကို တိုးချဲ့ဆောင်ရွက်နေပါတယ်။ အရေးကြီး တဲ့နေရာတွေကိုလည်း CCTV ကင်မရာတွေနဲ့ စောင့်ကြည့်နိုင်ဖို့ စီစဉ် ဆောင် ရွက်နေသလို တပ်ဖွဲ့ဝင်တွေကိုလည်း မွမ်းမံသင်တန်းတွေပေးနေတယ်။ နယ်မြေ အတွင်း ပြစ်မှုကျူးလွန်ဖို့ အလားအလာ ရှိသူတွေကို စောင့်ကြည့်နေပြီး ဖြစ်ပွားတဲ့ပြစ်မှုတွေက တရားခံတွေ ကိုလည်း ထိရောက်တဲ့ ပြစ်ဒဏ်ပေးနိုင်ဖို့ ဆောင်ရွက်ပါတယ်။ နယ်မြေခံပြည်သူ လူထုကလည်း ရဲတပ်ဖွဲ့နဲ့လက်တွဲပြီး မှုခင်းကျဆင်းရေးလုပ်ငန်း စဉ်တွေမှာ ပူးပေါင်းပါဝင်လာအောင် ပညာပေး ဟောပြောမှုတွေ၊ စည်းရုံးမှုတွေကို ဆောင်ရွက်ပါတယ်။ အခုဆို မူးယစ်ဆေးဝါး နဲ့ လောင်းကစား မှုတွေလည်း တိုးမြှင့်ဖမ်းဆီးနိုင်ခဲ့ပါတယ်။

သတင်းစဉ်။ နိုဝင်ဘာ ၈ ရက်မှာ ပါတီစုံဒီမိုကရေစီအထွေထွေရွေးကောက်ပွဲကြီး ကျင်းပ တော့မှာ ဖြစ်တဲ့အတွက် နယ်မြေဒေသလုံခြုံရေးနဲ့ ပတ်သက်ပြီး ဘယ်လိုကြို တင် ပြင်ဆင် စီမံ ဆောင်ရွက်ထားပါသလဲ။

ရဲမှူးကြီး ကိုကိုအောင်။ အထွေထွေရွေးကောက်ပွဲကျင်းပဖို့ကာလ နီးကပ်လာတာနဲ့အမျှ လွတ်လပ်မျှတပြီး တည်ငြိမ်အေးချမ်းတဲ့ ရွေးကောက်ပွဲဖြစ်လာစေဖို့အတွက် လုံခြုံရေးကော် မတီ အဆင့်ဆင့်ဖွဲ့စည်းပြီး စီမံချက်ရေးဆွဲဆောင်ရွက်နေပါတယ်။ မှုခင်းဖြစ်ပွားတဲ့ သံတမန်ဇုန် အိမ်ရာမှာ အရင်က အမှုအခင်း ကြီးကြီးမားမား ဖြစ်ပွားခဲ့ခြင်းမရှိခဲ့ပါဘူး။ အဲဒီမှာ အဆောက် အဦတွေမရှိသေးပေမယ့် လုံခြုံရေးအတွက် အရေးကြီးတဲ့ နေရာဖြစ်တဲ့အတွက် မှုခင်းတွေဖြစ်ပွား မှုမရှိဖို့ စီမံချက်ချပြီးလုံခြုံရေးကို အရှိန်အဟုန်မြှင့်ပြီး ဆောင်ရွက်နေပါတယ်။

သတင်းစဉ်။ အခုလိုမှုခင်းဖြစ်ပွားရတဲ့ အခြေခံအကြောင်းတရားတွေက ဘာတွေပါလဲ။

ရဲမှူးကြီး ကိုကိုအောင်။ အမျိုးသမီးငယ်တွေ၊ လူငယ်တွေအနေနဲ့ လူသူကင်းမဲ့တဲ့ နေရာ တွေ ကို အချိန်မတော် သွားလာတာတွေ ရှောင်ရှားဖို့လိုပါတယ်၊ အရက်သေစာသောက်စားတဲ့အခါ အလွန်အကျူးမဖြစ်ဖို့ကိုလည်း ထိန်းချုပ်ဖို့ လိုအပ်ပါတယ်။ ဒါတွေက မှုခင်းဖြစ်ရတဲ့ အခြေခံ အကြောင်းတွေပါ။ ပြည်တွင်းလုံခြုံရေးနဲ့ ရပ်ရွာအေးချမ်းသာယာရေး၊ တရားဥပဒေ စိုးမိုးရေးဟာ ကျွန်တော်တို့ရဲတပ်ဖွဲ့ရဲ့ မူလရည်မှန်းချက် တာဝန်ဖြစ်ပါတယ်။ အဲဒီ တာဝန်တွေကို ကျေပွန်ဖို့ နေပြည်တော်ရဲတပ်ဖွဲ့မှ တပ်ဖွဲ့ဝင်အားလုံး အားသွန်ခွန်စိုက် ကြိုပမ်းသွားမှာဖြစ်ပါတယ်။

MOI Webportal Myanmar
https://www.facebook.com/MOIWebportalMyanmar