ရွေးကောက်ပွဲရက် ရွှေ့ဆိုင်းလိုကြောင်း ဦးတင်အေး ပြောကြား

 လာမယ့် နိုဝင်ဘာလ ၈ ရက်နေ့မှာကျင်းပဖို့ သတ်မှတ်ထားတဲ့ ရွေးကောက်ပွဲရက်ကို ရွှေ့ဆိုင်းလိုကြောင်း ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေး က ဒီကနေ့ နိုင်ငံရေးပါတီ ၇ ပါတီက ကိုယ်စားလှယ်တွေနဲ့ တွေ့ဆုံစဉ်မှာ ပြောကြားလိုက်ပါတယ်။

တိုင်းဒေသကြီးနဲ့ ပြည်နယ်အတော်များများမှာ သဘာဝဘေးအန္တရာယ် ကြုံတွေ့နေ ရတဲ့အတွက် ရွေးကောက်ပွဲရက်ကို ရွှေ့ပြောင်းသင့်၊ မသင့် နိုင်ငံရေးပါတီတွေ စဉ်းစားလို့ရအောင် ခေါ်ပြောတာဖြစ်တယ်လို့ ပါတီတွေနဲ့ ဆွေးနွေးပွဲအပြီးမှာ ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေးက သတင်းမီဒီယာတွေကို ပြောပါတယ်။

"အခုချိန်ထိလည်း သဘာဝဘေးအန္တရာယ်တွေ သင့်နေပါတယ်၊ တိုင်းနဲ့ ပြည်နယ်တော်တော်များများမှာ သဘာဝဘေးအန္တရာယ်ရှိနေတဲ့အတွက်လည်း တစ်ချက်စဉ်းစားတာပေါ့လေ၊ ဘာကြောင့်လဲဆိုတော့ သဘာဝဘေးအန္တရာယ် ကြုံတွေ့နေရတဲ့အချိန်မှာ လုပ်သားပြည်သူများ စိတ်အေးချမ်းသာစွာ ရွေးကောက်ပွဲမှာ မဲပေးနိုင်ပါ့မလား၊ ထို့အတူပဲ ပါတီအသီးသီးအနေနဲ့လည်း မဲဆွယ်စည်းရုံးခွင့်ရပါ့မလား၊ အဲ့ဒါတွေချိန်ဆပြီးနောက်ပိုင်းမှာ ရွေးကောက်ပွဲ ရွှေ့သင့်တယ်၊ မရွှေ့သင့်ဘူးဆိုတာ စဉ်းစားနိုင်အောင် ဒီနေ့ ပါတီတွေကို ခေါ်ပြီးတော့ တွေ့တာပါ"

ဒီကိစ္စနဲ့ ပတ်သက်ပြီး ပြည်ထောင်စု ရွေးကောက်ပွဲကော်မရှင်ရဲ့ ဆုံးဖြတ်ချက်ကို ဒီည သို့မဟုတ် မနက်ဖြန်မှာ ထုတ်ပြန်ကြေညာသွားမယ်လို့လည်း ကော်မရှင်ဥက္ကဌက ပြောခဲ့ပါတယ်။
ရွေးကောက်ပွဲရက် ရွှေ့ဆိုင်းမယ့်အပေါ် အမျိုးသားဒီမိုကရေစီအဖွဲ့ချုပ် ပါတီတစ်ခု တည်းကသာ ကန့်ကွက်ခဲ့ပြီး ပြည်ခိုင်ဖြိုးပါတီ၊ အမျိုးသားတိုးတက်ရေးပါတီနဲ့ မြန်မာနိုင်ငံ တောင်သူလယ်သမားဖွံ့ဖြိုး တိုးတက်ရေးပါတီတို့က ထောက်ခံခဲ့တယ်လို့ သိရပါတယ်။

အဲဒီတွေ့ဆုံပွဲအတွက် နိုင်ငံရေးပါတီ ၁ဝ ပါတီကို ဖိတ်ကြားခဲ့ရာ ပြည်ခိုင်ဖြိုးပါတီ၊ အမျိုးသားဒီမိုကရေစီအဖွဲ့ချုပ်၊ အမျိုးသားဒီမိုကရေစီ အင်အားစုပါတီ၊ တိုင်းရင်းသား စည်းလုံး ညီညွတ်ရေးပါတီ၊ အမျိုးသားတိုးတက်ရေးပါတီ၊ ရခိုင်အမျိုးသားပါတီ၊ မြန်မာနိုင်ငံ တောင်သူလယ်သမား ဖံွ့ဖြိုးတိုးတက်ရေးပါတီ စတဲ့ နိုင်ငံရေးပါတီ ၇ ပါတီက တက်ရောက်ခဲ့ပါတယ်။

ပြည်ထောင်စုရွေးကောက်ပွဲကော်မရှင်ဟာ ကချင်၊ ကရင်၊ ရှမ်း၊ မွန်၊ ပဲခူး စတဲ့ တိုင်းဒေသကြီးနဲ့ ပြည်နယ် ၅ခုအတွင်းက ကျေးရွာအုပ်စု ၄၀၀ နီးပါးမှာ လွတ်လပ်ပြီး တရားမျှတတဲ့ ရွေးကောက်ပွဲကျင်းပနိုင်မှာ မဟုတ်တာကြောင့် အဲဒီနေရာတွေမှာ မကျင်းပတောကြောင်း မနေ့က ကြေညာထုတ်ပြန်ခဲ့ပါတယ်။

RFA Burmese
https://www.facebook.com/RFA-Burmese