ရှမ်းပြည်မြောက်ပိုင်းက TNLA တအာင်းပလောင်အမျိုးသား လွတ်မြောက်ရေးတပ်မတော်အဖွဲ့ ထိန်းချုပ်နယ်မြေတွေမှာ လုံခြုံရေးယူနေတဲ့ တပ်ဖွဲ့ဝင်တချို့ကိုတွေရစဉ်။ Photo: RFA |
TNLA က ၂ဝ၁၅ ရွေးကောက်ပွဲကို ပြည်သူတွေအနေနဲ့ လွတ်လပ်စွာ မဲပေးခွင့်ရရှိဖို့ လိုလားပြီး နိုင်ငံရေးပါတီတွေ ကိုလည်း လွတ်လပ်စွာ မဲဆွယ်စည်းရုံးလို့ရအောင် လှုပ်ရှားခွင့်ပြုထားကြောင်း TNLA ရဲ့ သတင်းနဲ့ ပြန်ကြားရေး တာဝန်ခံ မိုင်းအိုက်ကျော်က ပြောပါတယ်။
ရှမ်းပြည်နယ်မြောက်ပိုင်း ပလောင်ကိုယ်ပိုင် အုပ်ချုပ်ခွင့်ရဒေသတွေဖြစ်တဲ့ နမ့်ဆန်၊ မန်တုံမြို့နယ်တွေအပြင် နမ္မတူ၊ နမ့်ခမ်း၊ မူဆယ်၊ သီပေါ၊ ကျောက်မဲ၊ နောင်ချို၊ မိုးကုတ်၊ မဘိမ်း စတဲ့မြို့နယ်တွေမှာလည်း TNLA အဖွဲ့က အဓိက လှုပ်ရှားနေကြတာဖြစ်ပါတယ်။
ရှမ်းပြည်နယ်မြောက်ပိုင်းအတွင်းမှာ ရွေးကောက်ပွဲဝင်မယ့် နိုင်ငံရေးပါတီပေါင်း ၁၆ ခုရှိပြီး တစ်သီးပုဂ္ဂလ ကိုယ်စားလှယ်လောင်းတွေလည်း ဝင်ရောက်ယှဉ်ပြိုင်မှာဖြစ်ပါတယ်။
ရွေးကောက်ပွဲကော်မရှင်ကတော့ နယ်မြေတည်ငြိမ်မှု မရှိတဲ့ဒေသတွေမှာ မဲရုံလုံခြုံရေးအထူးရဲတွေ ထားရှိမယ့်အပြင် လိုအပ်ရင် စစ်တပ်အင်အားကိုပါ အသုံးပြုသွားမယ်လို့လည်း ပြောပါတယ်။
RFA Burmese
http://www.rfa.org/burmese
ထိန်းချုပ်နယ်မြေအတွင်း မဲဆွယ် စည်းရုံးနိုင်ကြောင်း TNLA ပြော
Reviewed by THITHTOOLWIN
on
22:27
Rating: