ဆီးရီးယားတိုက်ပွဲများကြား ဆိုစမာဘင်လာဒင်၏ လက်ထောက်တစ်ဦးကျဆုံး

 ဒမတ်စကတ် စက်တင်ဘာ ၂ဝ

 ဆီးရီးယားနိုင်ငံ အနောက်မြောက် ရှီးယိုက်မြို့နှစ်မြို့အနီး တိုက်ပွဲ များဖြစ်ပွားနေစဉ် ယခင်အယ်ခိုင်ဒါခေါင်းဆောင်ဟောင်း အိုစမာ ဘင် လာဒင်၏လက်ထောက်တစ်ဦး သေဆုံးခဲ့ကြောင်း စောင့်ကြည့် လေ့လာရေးအဖွဲ့က စက်တင်ဘာ ၁၉ ရက်က ဖော်ပြခဲ့သည်။

အဘူဟာဆန်အယ်လ်တူနီဆီ (အာရပ်အခေါ်အားဖြင့် တူနီးရှန်အဘူ ဟာဆန်) ဟု ခေါ်သော အာဖဂန်နစ္စတန်ရှိ အိုစမာဘင်လာဒင်၏ လက်ထောက် တစ်ဦးသည် ဆီးရီးယားနိုင်ငံ၏ အနောက်မြောက်ဘက် ဒေသဖြစ်သော အီဒလစ်ရှိ ရှီးယိုက်မြို့များဖြစ်သည့် ကာဖယာနှင့်ဖော်ရာ တို့တွင် အယ်ခိုင်ဒါနှင့်ဆက်စပ်သော စစ်သွေးကြွများ တိုက်ပွဲများဖြစ်ပွား စဉ်တွင် သေဆုံးခဲ့ကြောင်း ဆီးရီးယားလူ့အခွင့်အရေးစောင့်ကြည့် လေ့လာရေးအဖွဲ့က ပြောခဲ့သည်။

တိုက်ပွဲများသည် ၂၄ နာရီကျော်ကြာ အပြင်းအထန်ဖြစ်ပွားခဲ့ကြောင်း အင်္ဂလန် အခြေစိုက်လေ့လာရေးအဖွဲ့များက ပြောသည်။

အဆိုပါ မြို့များအနီးတွင် တိုက်ပွဲများဖြစ်ပွားခဲ့သောကြောင့် အနည်းဆုံး သောင်းကျန်းသူ ၁ဝဝ ကျဆုံးခဲ့ကြောင်း ဒေသတွင်း ရုပ်သံ တစ်ခုက ဖော်ပြခဲ့သည်။

ဂျီဟတ်အုပ်စုများသည် စက်တင်ဘာ ၁၈ ရက်က ယာဉ်လေးစီး ကို ဗုံးများခွဲခဲ့ပြီး လက်နက်ကြီးကျည်ဆံ ၂၅၁ ခုဖြင့် ရှီးယိုက်မြို့များကို တိုက်ခိုက်ခဲ့ကြောင်း လေ့လာစောင့်ကြည့်ရေးအဖွဲ့က ပြောခဲ့သည်။

ဆီးရီးယားတပ်မတော်သည် သောင်းကျန်းသူများ ခြေကုပ်ယူ ထားသော အီဒလစ်၏မြို့တစ်ခုဖြစ်သော ဘင်းနစ်ရ်ှကိုလေကြောင်း တိုက်ခိုက်မှုများပြုလုပ်ခဲ့ရာ သောင်းကျန်းသူများကျဆုံးခဲ့ကြောင်း သိရ သည်။

ယခုလအစောပိုင်းတွင် အီဒလစ်ရှိ သောင်းကျန်းသူများက အဘူအယ်လ် ဒူဟာလေတပ်စခန်းကို သိမ်းပိုက်ခဲ့သည်။ ယင်းသိမ်း ပိုက်မှုတွင် ဆီးရီးယားစစ်သား ၇၁ ဦး ကျဆုံးခဲ့ကြောင်း လေ့လာ စောင့်ကြည့်ရေးအဖွဲ့က ပြောခဲ့သည်။

ရှီးယိုက်မြို့နှစ်မြို့ဖြစ်သော ကာဖယာနှင့်ဖော်ရာတို့တွင် သောင်း ကျန်းသူ တိုက်ခိုက်မှုများကိုတားဆီးရန် အစိုးရနှင့် သောင်းကျန်းသူတပ်ဖွဲ့ များအကြား ညှိနှိုင်းဆွေးနွေးမှုများ ပြုလုပ်ခဲ့သော်လည်း အောင်မြင်မှု မရှိခဲ့ပေ။

ဆီးရီးယားအကျပ်အတည်းပဋိပက္ခမှာ လေးနှစ်ကျော်ကြာမြင့်ခဲ့ပြီ ဖြစ်ပြီး ဒေသတွင်းအခြေအနေများမှာလည်း အေးချမ်းတည်ငြိမ်မှုမရှိ ကြောင်း သိရသည်။

(ဆင်ဟွာ)
Myanmaalinn
https://www.facebook.com/MYANMAALINNNEWS