မဲ​ဆောက် ​အ​ထူး​စီး​ပွား​ရေး​ဇုံ ​အ​မြန်​ဆုံး ​ဖွင့်​ဖို့ ​ထိုင်း​ဆောင်​ရွက်

မဲ​ဆောက် ​အ​ထူး​စီး​ပွား​ရေး​ဇုံ​ကို ၂​နှစ်​အ​တွင်း ​ဖွင့်​နိုင်​လောက်​အောင် ​အ​ခြေ​ခံ ​လို​အပ်​ချက်​တွေ ​ဆောင်​ရွက်​ထား​ပြီး​ပြီ​လို့ ​တာ့ခ်​ခ​ရိုင် ​ဒု​အုပ်​ချုပ်​ရေး​မှူး​ပြော

ထိုင်း​နိုင်​ငံ ​မဲ​ဆောက်​မြို့​က ​အ​ထူး ​စီး​ပွား​ရေး ​ဇုံ​ကို ​အ​မြန်​ဆုံး ​ဖွင့်​လှစ်​နိုင်​အောင် ​လက်​ရှိ ​ထိုင်း​အ​စိုး​ရ​က ​တွန်း​အား​ပေး ​ဆောင်​ရွက် ​နေ​တယ်​လို့ ​ဗ​ဟို​က​နေ ​မဲ​ဆောက်​မြို့​မှာ ​ရောက်​ရှိ​နေ​တဲ့ ​ထိုင်း​အ​စိုး​ရ ​တာ​ဝန်​ရှိ​သူ ​တွေ​က ​ပြော​ပါ​တယ်။

မဲ​ဆောက်​က ​ထိုင်း ​အ​ထူး​စီး​ပွား​ရေး​ဇုံ​ဟာ ​လက်​ရှိ ​ထိုင်း​အ​စိုး​ရ​က ​အင်​တိုက်​အား​တိုက် ​လုပ်​ဆောင်​နေ​တဲ့ ​ထိုင်း၊ ​မြန်​မာ ​နယ်​စပ် ၃ ​နေ​ရာ​နဲ့ ​မ​လေး​ရှား​နဲ့ ​က​မ္ဘော​ဒီး​ယား ​နယ်​စပ်​တွေ ​အ​ပါ​အ​ဝင် ၅ ​နေ​ရာ​ရှိ​တဲ့ ​အ​ထဲ​မှာ ​ပ​ထ​မ​ဆုံး ​ဖွင့်​နိုင်​ဖို့ ​ဦး​စား​ပေး ​ဆောင်​ရွက်​တဲ့ ​နေ​ရာ ​ဖြစ်​ပါ​တယ်။

ဒါ​ကြောင့် ​ထိုင်း​ဆောက်​လုပ်​ရေး​နဲ့ ​မြို့​ပြ ​စီ​မံ​ကိန်း​ဌာ​န​က ​ရေး​ဆွဲ​ထား​တဲ့ ​မဲ​ဆောက် ​အ​ထူး​စီး​ပွား​ရေး​ဇုံ ​မြို့​ကွက် ​တိုး​ချဲ့​ရေး ​အ​တွက် ​မြေ​ပုံ​ကို ​ဒီ​ဌာ​န​က ​အ​ကြီး​တန်း ​အ​ရာ​ရှိ​တွေ​နဲ့ ​ပ​ညာ​ရှင်​တွေ ​သြ​ဂုတ်​လ ၂၆​ရက်​မှာ ​မဲ​ဆောက်​မြို့​က ​ဒေ​သ​ခံ​တွေ၊ ​တာ​ဝန်​ရှိ​သူ​တွေ​နဲ့ ​တွေ့​ဆုံ ​ဆွေး​နွေး ​ညှို​နှိုင်း ​ခဲ့​ကြ​ပါ​တယ်။

ညှို​နှိုင်း​ပြီး ​သွား​ရင် ​မဲ​ဆောက် ​အ​ထူး​စီး​ပွား​ရေး​ဇုံ​ကို ၂ ​နှစ်​အ​တွင်း​မှာ ​ဖွင့်​နိုင်​လောက်​အောင် ​အ​ခြေ​ခံ ​လို​အပ်​ချက်​တွေ​ကို ​ဆောင်​ရွက်​ပြီး​ထား​သ​လောက် ​ဖြစ်​နေ​ပြီ​လို့ ​တာ့ခ်​ခ​ရိုင် ​ဒု​တိ​ယ ​အုပ်​ချုပ်​ရေး​မှူး ​နိုင်​ဆွ​တ္ထာ ​ဆိုင်​ဝါ​နစ် ​က ​ဘီ​ဘီ​စီ​ကို ​ပြော​ပါ​တယ်။

အ​ခြေ​ခံ ​လို​အပ်​ချက်​တွေ ​ဖြစ်​တဲ့ ​ထိုင်း​နိုင်​ငံ ​တာ့ခ်​ခ​ရိုင် ​မြို့​တော်​က​နေ ​မဲ​ဆောက်​အ​ထိ ​အ​ဝေး​ပြေး ​လမ်း​မ ​တည်​ဆောက် ​ပြီး​သွား​ပြီး ​ဖြစ်​သ​လို ​မဲ​ဆောက်​ကို ​လေ​ကြောင်း​လိုင်း​တွေ ​အ​များ​ကြီး ​ပြေး​ဆွဲ​နေ​ပြီ ​ဖြစ်​ကြောင်း၊ ​လေ​ယာဉ်​ကွင်း ​တိုး​ချဲ့​ဖို့ ​လုပ်​နေ​ပြီး ​ဆေး​ရုံ ၃ ​ရုံ၊ ​တ​က္က​သိုလ်၊ ​ဟို​တယ်​တွေ​ကို ​နိုင်​ငံ​တ​ကာ​က ​လာ​ပြီး ​ရင်း​နှီး​မြှုပ်​နှံ​ဖို့ ​အား​လုံး ​အ​သင့် ​ဖြစ်​နေ​ပြီ​မို့ ​အ​ခု​မြို့​ကွက် ​တိုး​ချဲ့​ရေး ​စီ​မံ​ကိန်း​ကို ​ဒေ​သ​ခံ​တွေ​နဲ့ ​ညှို​နှိုင်း​လို့ ​ပြီး​သွား​ရင် ​မ​ကြာ​ခင် ​အ​ချိန်​အ​တွင်း ​အ​ထူး​စီး​ပွား​ရေး​ဇုံ ​ဖွင့်​လှစ်​နိုင်​တော့​မှာ ​ဖြစ်​ကြောင်း ​သူ​က ​ပြော​ပါ​တယ်။

ဒါ့​အ​ပြင် ​မြန်​မာ​ဖက်​ခြမ်း ​မြ၀​တီ - ​ကော့​က​ရိတ် ​အ​ဝေး​ပြေး​လမ်း​ကို​လည်း ​ဖောက်​လုပ် ​ပြီး​စီး​နေ​ပြီ ​ဖြစ်​ပြီး ​ချစ်​ကြည်​ရေး ​တံ​တား ​နောက်​တ​စင်း​ကို​ပါ ​တည်​ဆောက်​ဖို့ ​စ​တင် ​ဆောင်​ရွက်​နေ​ပြီ ​ဖြစ်​ပါ​တယ်။

မဲ​ဆောက် ​အ​ထူး​စီး​ပွား​ရေး​ဇုံ ​တည်​ဆောက်​ဖို့​အ​တွက် ​ဗ​ဟို​အ​စိုး​ရ​က ​လက်​ခံ​ဖို့​နဲ့ ​ထိုင်း​အ​ခြေ​ခံ​ဥ​ပ​ဒေ​မှာ ​ပြင်​ဆင်​မှု​တွေ ​လုပ်​ဖို့ ​မဲ​ဆောက်​မြို့​တော်​ဝန်​နဲ့ ​ဒေ​သ​ခံ ​ကုန်​သည်​ကြီး​များ ​အ​သင်း​တွေ ​ဆောင်​ရွက်​ခဲ့​တာ ​အ​ခု​ဆို​ရင် ၁၀ ​နှစ်​တောင် ​ရှိ​သွား​ပါ​ပြီ။

အဲ​ဒီ ​ကာ​လ​အ​တွင်း ​အ​စိုး​ရ ​အ​ပြောင်း​အ​လဲ​တွေ​ကြောင့် ​ကြံ့​ကြာ​လာ​ပေ​မယ့် ​အ​ခု ​အ​စိုး​ရ ​လက်​ထက်​မှာ​တော့ ​အ​စိုး​ရ ​ကိုယ်​တိုင်​က ​ဦး​စီး​ပြီး ​မဲ​ဆောက် ​အ​ထူး​စီး​ပွား​ရေး​ဇုံ​ကို ​အ​မြန်​ဆုံး ​ဖွင့်​လှစ်​နိုင်​အောင် ​ဆောင်​ရွက်​လာ​တာ ​ဖြစ်​ပါ​တယ်။

BBC Burmese
http://www.bbc.com/burmese