မြောက်ကိုရီးယားခေါင်းဆောင် Kim Jong-unသည် လေယာဉ်မယ်များအား ပိုတိုပိုကျပ်သော စကပ်ဝတ်ဆင်ရန် အမိန့်ထုတ်
ဗြိတိန်နိုင်ငံ The Mirror Newspaper သတင်းအရ မြောက်ကိုရီးယား ခေါင်းဆောင် Kim Jong-unသည် နိုင်ငံပိုင်လေကြောင်းလိုင်းဖြစ်သော Air Koryo ရှိ လေယာဉ်မယ်ဝန်ထမ်းများအားပိုတို၍ ပိုကျပ်သောစကပ်ကို ဝတ်ဆင်ရန် မကြာခင်ရက်ပိုင်းက အမိန့်ချမှတ်လိုက်သည်။
သတင်းသမားတစ်ဦး၏ အဆိုအရ Kim Jong-un ကိုယ်တိုင် လေယာဉ်မယ်များ၏ ဝတ်စုံဒီဇိုင်းကို ကြီးကြပ်ကွပ်ကဲပြီး နောက်ဆုံးတွင် မြောက်ကိုရီးယား လေယာဉ်မယ်များအား အပြာရောင်ဝတ်စုံနှင့်စကပ်တိုကိုဒေါက်မြင့်ဖိနပ်ဖြင့် တွဲ၍ဝတ်ဆင်ရန် ဆုံးဖြတ်လိုက်ခြင်းဖြစ်သည်။ မြောက်ကိုရီးယားနိုင်ငံမှာကမ္ဘာပေါ်တွင် ခေတ်အနောက်ကျဆုံး နိုင်ငံ တစ်နိုင်ငံတွင် ပါဝင်သော်လည်း Kim Jong-un အနေဖြင့် လေယာဉ်မယ် များမှာ ခေတ်နှင့်အညီ ဖက်ရှင်ကျသင့်သည်ဟု လက်ခံထားသည်။
သတင်းများအရ ဒါဟာ Kim Jong-un အနေဖြင့် ပထမဆုံးအကြိမ် လေယာဉ်မယ်များ၏ဝတ်စုံ အပေါ်မှတ်ချက်ပြုခြင်းမဟုတ်ပါ။ Air Koryo အနေဖြင့် သူ့၏ စိတ်တိုင်းကျဖြစ်စေရန်အတွက် ဝတ်စုံကိုအနီရောင်မှ အပြာရင့်ရောင်သို့ ပြောင်းလဲပေးခဲ့သည်အပြင် ကော်လံကိုလည်း အောက်သို့နှိမ့်ပေးထားသည်။ ထို့အပြင် မြောက်ကိုရီးယားနိုင်ငံသည် ယခုနှစ်အတောအတွင်း လေယာဉ်ကွင်းရှိ စက်ပိုင်းဆိုင်ရာနှင့် ဆော့ဖ်ဝဲဆိုင်ရာအပြင်အဆင်အားလုံးကိုလည်း စဉ်ဆက်မပြတ် အဆင့်မြှင့်တင်လျက်ရှိသည်။ လေယာဉ်ကွင်း Terminalအသစ် တစ်ခုကိုတည်ဆောက်သည့်အပြင် လမ်းညွှန်ဆိုင်းဘုတ်များကိုလည်း နှစ်ဘာသာဖြင့် အဆင့်မြှင့်တင်ခဲ့သည်။ ဒါတင်မကအကြီးစားDuty free ကုန်ပစ္စည်းဆိုင်များကိုလည်း ဆောက်လုပ်ပေးပြီး မြောက်ကိုရီးယားနိုင်ငံ အားကမ္ဘာလှည့်ခရီးသွားများလာရောက်လည်ပတ်စရာနေရာအဖြစ် နိုင်ငံတကာဈေးကွက်ထိုးဖောက်ဖို့ ရည်ရွယ်ပုံရသည် ဟုသိရှိရသည်။
china.com Myanmar
https://www.facebook.com/china.com.mm
မြောက်ကိုရီးယားခေါင်းဆောင် Kim Jong-unသည် လေယာဉ်မယ်များအား ပိုတိုပိုကျပ်သော စကပ်ဝတ်ဆင်ရန် အမိန့်ထုတ်
Reviewed by THITHTOOLWIN
on
19:04
Rating: