ဖားကန္႔မွာ ေက်ာက္စိမ္းတူးေဖာ္ေရး ကုမၸဏီ ေဖာက္ခြဲတုိက္ခုိက္ခံရ


 ကခ်င္ျပည္နယ္ ဖားကန္႔ၿမိဳ႕နယ္ ေမွာ္စီစာရြာအနီးမွာ အစိုးရနဲ႔အက်ိဳးတူ ပူးေပါင္းလုပ္ကိုင္ေနတဲ့ စိုင္းရတ နာေအာင္ ေက်ာက္စိမ္းတူးေဖာ္ေရးကုမၸဏီကို မေန႔ညက လူတစ္စုက ေဖာက္ခြဲဖ်က္ဆီးခဲ့တာေၾကာင့္ ေျမတူးစက္ ၅ စီးနဲ႔ ယာဥ္ ၃ စီး၊ ေက်ာက္စိမ္းဂိုေဒါင္တစ္ခု ပ်က္စီးခ့ဲပါတယ္။

လက္နက္ကိုင္ေဆာင္ထားတဲ့ အမည္မသိ လူ ႏွစ္ဆယ္ေလာက္က ေဖာက္ခြဲဖ်က္ဆီးခဲ့တာလို႔ ေမွာ္စီစာေက်းရြာ အုပ္ခ်ဳပ္ေရးမွဴး ဦးဝင္းထိန္က ေျပာပါတယ္။

"ေဖာက္ခြဲၿပီးမွ မီးေလာင္သြားတာေပါ့၊ မေန႔ညက ၇ နာရီခြဲအခ်ိန္မွာ လူ ၂၀ ဝန္းက်င္ေလာက္ရွိတဲ့ အဖြဲ႔ဝင္လာ ၿပီးမွ ေသနတ္ေတြ ၃ ခ်က္၊ ၄ ခ်က္ေလာက္ ေဖာက္ တယ္ေျပာတာဘဲ၊ သူတို႔ေျပာတာေတာ့ ၁၀ ေယာက္ေလာက္က ကုမၸဏီထဲ ဝင္သြားၿပီးေတာ့မွ ကုမၸဏီထဲမွာ ရွိတဲ့သူေတြအကုန္အျပင္ထြက္ခိုင္းၿပီး ဝမ္းလ်ားေမွာက္ခိုင္းထားတယ္လို႔ ေျပာပါတယ္၊ ၿပီးေတာ့မွ ပါလာတဲ့ ဓာတ္ဆီပုန္းနဲ႔ ေလာင္းၿပီးမီးရိႈ႕သြားတယ္ လို႔ ေျပာပါတယ္"

အဲဒီေဖာက္ခဲြမႈကို လံုးခင္းေက်းရြာအုပ္စု ရဲစခန္းက သြားေရာက္စစ္ေဆးခဲ့ၿပီး ဘယ္အဖဲြ႔အစည္းက ေဖာက္ခဲြသြား တယ္ဆုိတာကို ေျပာလို႔မရေသးေၾကာင္း ဖားကန္႔ၿမိဳ႕နယ္ရဲမွဴးက ေျပာပါတယ္။

ဖားကန္႔ေက်ာက္စိမ္းတြင္းေဒသက ေက်ာက္စိမ္းတူးေဖာ္ေရးကုမၸဏီေတြ၊ လမ္းတံတားေတြနဲ႔ အစိုးရရံုးေတြကို အမည္မသိလက္နက္ကုိင္ေတြက ၿပီးခဲ့တဲ့ရက္ပိုင္း အတြင္း မၾကာခဏေဖာက္ခြဲဖ်က္ဆီးတာေတြ ရွိေနပါတယ္။

RFA Burmese
http://www.rfa.org/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ