ဗြိတိန်နိုင်ငံသား စကြာဝဠာ သိပ္ပံပညာရှင် Stephen Hawking (Credit: Reuters) |
ဒေါ်လာ ၁၃၅ သန်း ကုန်ကျခံပြီး ၁၀ နှစ်အတွင်း ရှာဖွေသွားဖို့ ဖြစ်ပါတယ်။
ရုရှား Silicon Valley စီးပွားရှင် Yuri Milner က ငွေကြေးစိုက်ထုတ်မှာ ဖြစ်ပြီး အီးတီတွေ ရှိမရှိ ဆိုတာကို လေ့လာသွားမယ်လို့ ဆိုပါတယ်။
စကြာဝဠာမှာ တခြား သက်ရှိတွေလည်း ရှိနိုင်တယ်လို့ ပညာရှင် Stephen Hawking က ပြောပါတယ်။
ကမ္ဘာပြင်ပမှာ သက်ရှိတွေ ရှိသလား ဆိုတာ လူတိုင်း သိချင်တဲ့ အဖြေဖြစ်တာကြောင့် ဒီအဖြေကို ရှာဖွေမှပဲ ရနိုင်တော့မယ်လို့လည်း ပြောလိုက်ပါတယ်။
ရေဒီယိုတွေ၊ လေဆာတွေ မရောက်နိုင်တဲ့ နေရာတွေအထိ စောင့်ကြည့်ပြီး ကမ္ဘာပြင်ပမှာ သက်ရှိတွေ ရှိမရှိ လေ့လာမယ်လို့ ပြောပါတယ်။
အရင်တုန်းက တစ်နှစ်စာ ရှာဖွေ စုဆောင်းရတဲ့ အချက်တွေကို အခု စီမံကိန်းမှာ အသုံးပြုမယ့် စက်တွေက တစ်ရက်အတွင်း ရှာဖွေ စုဆောင်းနိုင်မယ်လို့ပြောပါတယ်။
ဒါကြောင့် ကြယ်အလုံးပေါင်း သန်းနဲ့ချီအပြင် နဂါးငွေ့တန်းနဲ့ galazy ကြယ်စုပေါင်း တစ်ရာကိုလည်း စောင့်ကြည့်သွားမှာ ဖြစ်ပါတယ်။
ကမ္ဘာပြင်ပမှာ သက်ရှိတွေကို ရှာဖွေတာ ဖြစ်နိုင်ခြေနည်းတဲ့ လောင်းကစားတမျိုး ဖြစ်ပေမယ့် သက်ရှိတွေ ရှိကြောင်း တွေ့ရင်တော့ တန်ဖိုး မဖြစ်နိုင်တဲ့အရာကို ရရှိမှာ ဖြစ်တယ်လို့ သြစတြေးလျနိုင်ငံက သိပ္ပံပညာရှင်က ပြောပါတယ်။
အဲဒီ စီမံကိန်းမှာ အသုံးပြုမယ့် ရေဒီယို စနစ်တွေကို သြစတြေးလျမှာ ထားရှိမယ့်အတွက် သြစတြေးလျကလည်း ဒီလုပ်ငန်းမှာ အဓိက နေရာမှာ ပါဝင်တယ်လို့ သိရပါတယ်။
ABC Radio Australia
http://www.radioaustralia.net.au/burmese
စကြာဝဠာမှာ အီးတီတွေ ရှိမရှိ ရှာဖွေသွားမယ်
Reviewed by THITHTOOLWIN
on
14:49
Rating: