ကျားဖြူ ကျားခေါင်း ဘာကြောင့်မပေါင်း

 ခုရက်ပိုင်းတွေအတွင်း လာမဲ့ ရွေးကောက်ပွဲနဲ့ ပတ်သက်လို့ သျှမ်းတိုင်းရင်းသားတွေအကြား မချိတင်ကဲဖြစ်ပြီး ငြင်းခုန်ဆွေးနွေးနေရတဲ့ အကြောင်းရာ တရပ်ရှိနေပါတယ်။

 ဒါကတော့ လာမဲ့ ရွေးကောက်ပွဲမှာ အဓိက သျှမ်းပါတီကြီး နှစ်ခုအနေနဲ့ ထိပ်တိုက်ပြိုင်ဖို့ သေချာသလောက်ရှိနေတာရယ် သူတို့အချင်းချင်း ညှိနှိုင်းသွားမှာ မဟုတ်ဘူးလို့ သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီဘက်က ထုတ်ဖော်ပြောဆိုလိုက်တာ ရယ်ကြောင့် ဖြစ်ပါတယ်။

ဆွေးနွေး ငြင်းခုန်မှုတွေ က တော်တော်လေးကို ဖြစ်နေတာတွေ့ရပါတယ်။ သျှမ်းပါတီ အချင်းချင်း ဒီလိုဖြစ်နေတဲ့ အခြေနေကဆရာတော်သံဃာတော်တွေနဲ့ လူထုတွေရဲ့ ဆန္ဒနဲ့ဆန့်ကျင်နေတဲ့အတွက်လည်း ဒီလို ဝေဖန်သံတွေ ငြင်းခုန်သံတွေ ထွက်လာနေတာပါ။ သျှမ်းပြည်နယ်မှာ ရှိတဲ့ ဆရာတော်သံဃာတော်တွေနဲ့ လူထုတွေက သျှမ်းပြည်နယ်မှာ ရှိတဲ့ အဓိက နိုင်ငံရေးပါတီနှစ်ခုနဲ့ သျှမ်းလက်နက်ကိုင်အဖွဲ့နှစ်ဖွဲ့ဖြစ်တဲ့ သျှမ်းပြည်တပ်မတော် တောင်ပိုင်းနဲ့ မြောက်ပိုင်းတို့ကို ပြန်လည်ပေါင်းစည်းစေချင်တာကြောင့် ဖြစ်ပါတယ်။

ဒီလို ငြင်းခုံမှုတွေက သျှမ်းတိုင်းရင်းသားခေါင်းဆောင် ခွန်ထွန်းဦးရဲ့ သူ့ပါတီအနေနဲ့ ရွေးကောက်ပွဲတော့ဝင်မယ် သျှမ်းပါတီအချင်းချင်းတော့ ညှိနှိုင်းမှာ မဟုတ်ဘူးလို့ ပြောဆိုမှုအပြီး စတင်ဖြစ်ပေါ်လာခဲ့ရတာဆိုရင်လည်း မှားမယ်မထင်ပါဘူး။

ရွေးကောက်ပွဲမဟာမိတ် ဖွဲ့နိုင်ခြေတွေကို ကြည့်မယ်ဆိုရင်လည်း SNLD ပါတီအနေနဲ့ အမျိုးသား ဒီမိုကရေစီအဖွဲ့ချုပ် သူတို့ဦးဆောင်နေတဲ့ ညီညွတ်သောတိုင်းရင်းသားလူမျိုးများ မဟာမိတ်အဖွဲ့ UNA အဖွဲ့ဝင် တိုင်းရင်းသားပါတီတွေနဲ့သာ မဟာမိတ်ဖွဲ့ဖို့ရှိနေပြီး ကျားဖြူပါတီကတော့ သူတို့ရဲ့ မဟာမိတ် အုပ်စုတွေဖြစ်တဲ့ ညီနောင်တိုင်းရင်းသားများ ဖက်ဒရေးရှင်းပါတီ NBF တို့ ဖက်ဒရာယ် ယူနီယံပါတီတို့လို အဖွဲ့တွေနဲ့သာ မဟာမိတ်ဖွဲ့မဲ့ အနေထားပါ။ ကျားခေါင်းအနေနဲ့ အဓိက အတိုက်အခံပါတီဖြစ်တဲ့ အမျိုးသား ဒီမိုကရေစီအဖွဲ့ချုပ်နဲ့ မဟာမိတ်လုပ်ဖို့ရှိနေတာကြောင့်လည်း သျှမ်းအချင်းချင်းမပေါင်းပဲ ဘာကြောင့် ဗမာပါတီနဲ့ သွားပေါင်းသလဲဆိုတဲ့ မေးခွန်းထုတ်မှုတွေလည်း ရှိနေတာတွေ့ရပါတယ်။ စာရေးသူရဲ့ အမြင်အရ သုံးသပ်ရမယ်ဆိုရင်တော့ ကျားဖြူနဲ့ ကျားခေါင်းက ဘယ်လိုမှ ပေါင်းစပ်လို့မရတာကြောင့် ညှိနှိုင်းဖို့လည်း မဖြစ်နိုင်တာကြောင့် အသွင်လည်းမတူတာကြောင့်လို့ သုံးသပ်ရမှာ ဖြစ်ပါတယ်။

ကျားဖြူနဲ့ ကျားခေါင်းပါတီအကြောင်းကိုပြောမယ်ဆိုရင် သမိုင်းကြောင်းကို အနည်းငယ်ပြန်ကြည့်ဖို့လိုပါတယ်။

သမိုင်းပြန်ကြည့်ခြင်း
ကျားခေါင်းလို့ခေါ်တဲ့ SNLD ပါတီဟာ ၁၉၉၀ ရွေးကောက်ပွဲကာလမှာကတည်းက တည်ထောင်ခဲ့တဲ့ပါတီဖြစ်ပြီး အဲဒီရွေးကောက်ပွဲမှာ အမျိုးသား ဒီမိုကရေစီအဖွဲ့ချုပ်ပြီးရင် ဒုတိယ နေရာအများဆုံးအနိုင်ရရှိခဲ့တဲ့ပါတီလည်း ဖြစ်ပါတယ်။

ပါတီခေါင်းဆောင် ဦးခွန်ထွန်းဦး အနေနဲ့ သျှမ်းလူထုအတွင်းမှာလည်း သြဇာကြီးလှသလို တခြား နိုင်ငံရေးနဲ့ တိုင်းရင်းသား အင်အားစုတွေကလည်း သူ့အပေါ် လေးစားမှု ရှိတာတွေ့ရပါတယ်။

ပြီးခဲ့တဲ့ နှစ်နှစ်ဆယ်ကျော် ကာလအတွင်း ကျားခေါင်းပါတီရဲ့ အနေထားကို ပြန်လေ့လာသုံးသပ်ရမယ်ဆိုရင် သျှမ်းတိုင်းရင်းသားတွေရဲ့ သမိုင်းပေးတာဝန်ဖြစ်တဲ့ ပင်လုံကတိကဝတ်နဲ့ တန်းတူညီမျှမှုရှိတဲ့ ဖက်ဒရာယ်ပြည်ထောင်စု ပေါ်ပေါက်လာရေးအတွက် မားမားမတ်မတ်ရပ်တည်ခဲ့တဲ့ အတိုက်အခံပါတီလို့ ဆိုရမှာ ဖြစ်ပါတယ်။

ကျားဖြူလို့ခေါ်တဲ့ သျှမ်းတိုင်းရင်းသားများ ဒီမိုကရက်တစ်ပါတီ SNDP ပေါ်လာတဲ့ သမိုင်းကြောင်းကလည်းကျားခေါင်း ပါတီနဲ့ ဆက်စပ်မှုရှိပါတယ်။ ၂၀၀၅ ခုနစ်က စပြီး သျှမ်းတိုင်းရင်းသားခေါင်းဆောင်တွေဖြစ်တဲ့ ခွန်ထွန်းဦးနဲ့ ဗိုလ်ချုပ်ဆေထင်တို့အပါဝင် SNLD ပါတိက လက်ရှိအထွေထွေအတွင်းရေးမှူးအဖြစ် တာဝန်ထမ်းဆောင်နေတဲ့ ဦးစိုင်းညွှန့်လွင်တို့ဟာ သျှမ်းပြည်အတိုင်ပင်ခံ ကောင်စီဖွဲ့ဖို့ ရည်ရွယ်တယ်ဆိုပြီး နှစ်ရှည်ထောင်ဒဏ်တွေချမှတ်ခံခဲ့ရပါတယ်။

သူတို့ချမှတ်ခံခဲ့ရတဲ့ ပြစ်ဒဏ်တွေဟာ ဦးနေဝင်းအာဏာသိမ်းပြီးနောက်ပိုင်း သျှမ်းတိုင်းရင်းသား ခေါင်းဆောင်တွေကို အမြင့်ဆုံးချမှတ်တဲ့ ပြစ်ဒဏ်တွေလို့တောင် ပြောလို့ရပါတယ်။ နှစ် ၁၀၀ ကျော်အထိကိုချမှတ်ခံခဲ့ရတာပါ။ တကယ်တော့ အမျိုးသား ညီလာခံကို စွန့်ခွာလာတဲ့ အကျိုး ကျေးဇူးတွေလို့ ကောက်ချက်ဆွဲမယ်ဆိုရင်လည်း မှားမယ်မထင်ပါဘူး။ အဲဒီလို ထောင်ဒဏ် ချမှတ်ခံနေရချိန်မှာပဲ ၂၀၁၀ ရွေးကောက်ပွဲဆိုတဲ့ကိစ္စက ပေါ်လာပါတယ်။

သျှမ်းတိုင်းရင်းသားများ ဒီမိုကရေစီအဖွဲ့ချုပ်က ၂၀၀၈ ဖွဲ့စည်းပုံကို လက်မခံတဲ့အပြင် ပါတီခေါင်းဆောင်တွေကလည်း ထောင်ထဲရောက်နေတာကြောင့် သျှမ်းပြည်နယ်နေ သျှမ်းတိုင်းရင်းသားတွေအနေနဲ့ ဘယ်သူ့ကိုမဲပေးရမှာလဲ ဆိုတဲ့ ပြသနာက စပေါ်လာပါတယ်။ အဲဒီလို အချိန်မှာ လူငယ်တွေရဲ့ တိုက်တွန်းမှုနဲ့အတူ အဲဒီအချိန်က SNLD မှာ အထွေထွေအတွင်းရေးမှူး အဖြစ်တာဝန်ထမ်းဆောင်နေတဲ့ ဦးစိုင်းအိုက်ပေါင်း ( လက်ရှိ SNDP ဥက္ကဌ ) ဦးဆောင်ပြီး ကြားခံပါတီ တရပ်ထောင်ဖို့ ဆိုတဲ့ ကိစ္စဖြစ်လာခဲ့တာပါ။ ကျားဖြူပါတီဖွဲ့မယ်ဆိုတော့ အကျဉ်းထောင်ထဲမှာ ရှိနေတဲ့ သျှမ်းခေါင်းဆောင်တွေထံ သွားရောက်တွေ့ဆုံပြီး လမ်းညွှန်မှုတွေနဲ့ ညှိနှိုင်းမှုတွေ လုပ်ခဲ့ပါတယ်။

ဦးခွန်ထွန်းဦးတို့ကလည်း လွှတ်တော်ထဲရောက်သွားရင် အတိုက်အခံပဲလုပ်ရမယ်။ အစိုးရအဖွဲ့ဝင်တွေမလုပ်ရဘူး။ ပါတီခေါင်းဆောင်တွေပြန်လွတ်လာရင် မူလပါတီထံ ပြန်လည်ပေါင်းစည်းရမယ် ပါတီကို ခုတုံးလုပ်ပြီး ကိုယ်ကျိုးစီးပွားမရှာရဘူးဆိုတဲ့ ကတိကဝတ်တွေနဲ့ အတူ ကျားဖြူပါတီ ထောင်ဖို့ ဦးခွန်ထွန်းဦးက ခွင့်ပြုခဲ့တာပါ။

ကတိကဝတ်ပျက်ဖို့ ဖန်လာ
အဲဒီလိုနဲ့ ကျားဖြူပါတီ ပေါ်ပေါက်လာခဲ့ပြီး ၂၀၁၀ ရွေးကောက်ပွဲမှာ ၀င်ပြိုင်ကာ လွှတ်တော် ၃ ရပ်မှာ ၅၇ နေရာမှာ အနိုင်ရခဲ့ပါတယ်။

အနီုင်ရပြိးနောက်မှာတော့ ကျားဖြုပါတီကနေ ပါတီ ဥက္ကဌ ဦးစိုင်းအိုက်ပေါင်းကိုယ်တိုင် ပြည်နယ်အစိုးရအဖွဲ့မှာ ၀န်ကြီးနေရာယူခဲ့ပါတယ်။ ဇာတ်လမ်းက အဲမှာစတယ်လို့ဆိုရမှာဖြစ်ပြီး ကတိကဝတ်ကလည်းအဲဒီမှာ စပျက်ဖို့ဖန်လာတယ်လို့ ဆိုရမှာပါ။ ( မှတ်ချက် ။ ။ လက်ရှိအချိန်မှာလည်း ဗဟိုအစိုးရအဖွဲ့မှာလည်း ဒုဝန်ကြီးအဖြစ် တာဝန်ထမ်းဆောင်နေသူတွေလည်း ကျားဖြူပါတီမှာ ရှိနေပါပြီ။)အဲဒီနောက်ပါတီပိုင် ကုမ္ပဏီတွေအပြင် တဦးချင်းစီအလိုက် စီးပွားရေးလုပ်ငန်းတွေလည်း လုပ်ပိုင်ခွင့်တွေ ရလာခဲ့ပါတယ်။ ပါမစ်တွေ အပါဝင်ပါ။ ဦးခွန်ထွန်းဦးကတော့ နိုင်ငံရေးလုပ်ခဲ့တဲ့အတွက် ပိုဆင်းရဲသွားတဲ့ စော်ဘွားမျိုးရိုးလို့တောင် ဆိုရမှာပါ။ ရှိတဲ့ ဟိုတယ်တွေ လုပ်ငန်းတွေ ၊ ခြံတွေ တော်တေ်ာများများကို ပြီးခဲ့တဲ့ နှစ် ၂၀ အတွင်း ရောင်းထုတ်လိုက်ရတာတွေ ရှိခဲ့ပါတယ်။

ဦးခွန်ထွန်းဦး ပြန်လွတ်လာခဲ့တဲ့ ၂၀၁၂ ခုနစ်မှာတော့ ကြားဖြတ်ရွေးကောက်ပွဲမတိုင်ခင် ကျားဖြူပါတီကနေ သူ့ကိုသွားရောက်တွေ့ဆုံပြီး ကမ်းလှမ်းမှုတွေလုပ်ခဲ့ပါတယ်။ ကြားဖြတ်ရွေးကောက်ပွဲမှာ လားရှိုးအမျိုးသားလွှတ်တော် လစ်လပ်နေရာကနေဝင်ပြိုင်ဖို့ ကမ်းလှမ်းခဲ့တာပါ။ သူတို့ပါတီမှာလည်း လာပြီး ဥက္ကဌ အဖြစ် လာလုပ်ဖို့ ကမ်းလှမ်းခဲ့တယ်လို့ ဆိုပါတယ်။ ဒါပေမဲ့ တယောက်တည်းလာလို့မရတာကတကြောင်း တဘက်မှာလည်း ကျားဖြူဘက်မကူးပဲ ကျားခေါင်းအင်အားစုအဖြစ် ဆက်ရှိနေတဲ့ ဒုတိယဥက္ကဌ အပါဝင် ဗဟိုအလုပ်အမှုဆေီာင်အဖွဲ့တွေရှိနေတာကြောင့် ငြင်းပယ်ခဲ့ပါတယ်။ မူလကတိအတိုင်းသာ ဆက်လုပ်မယ်ဆိုတော့ ပေါင်းဖို့က ခက်လာတဲ့အခြေနေကို ရောက်မှန်းမသိရောက်လာခဲ့ပါတယ်။ ဒ့ါအပြင် ကျားဖြူပါတိအနေနဲ့ ဦးခွန်ထွန်းဦး ထောင်ဒဏ်ကျခံရအောင် သက်သေ ( ဖော်ကောင်ဘဦးဇာတ်လမ်း )လုပ်ပေးခဲ့တဲ့ ဦးစဝ်သာဦးကိုလည်း ပါတီဝင်အဖြစ် လက်ခံထားခဲ့ပြီး ကြားဖြတ်ရွေးကောက်ပွဲမှာ ကလောမဲဆန္ဒနယ်ကနေ ၀င်ရောက်ယှာဉ်ပြိုင်စေခဲ့ပါတယ်။

ပြည်သူတွေက တောင်းဆိုလာ
ပြည်သူတွေကတော့ အင်အားစုတွေ ပြန့်ကျဲနေတဲ့အတွက် ပါတီတွေပေါင်းကြဖို့ တောင်းဆိုကြပါတယ်။ ကျားဖြူပါတိကတော့ ညီလာခံတရပ်ကို ၂၀၁၃ ခုနစ်မှာ ကျင်းပခဲ့ပြီး ညီလာခံမှာ ပါတိမဖျက်ဖို့ ဆုံးဖြတ်ခဲ့ပါတယ်။

ပြည်သူတွေ တောင်းဆိုတဲ့အတွက် ဆွေးနွေးမှုတွေလုပ်ဖို့အတွက် တဘက်ကို ၅ ဦးစီပါတဲ့ ကော်မတီတွေ ဖွဲ့ခဲ့ပေမဲ့ အလုပ်မဖြစ်ခဲ့ပါဘူး။ ဦးခွန်ထွန်းဦးက လိုအပ်ရင်ပါတီဖျက်ပေးမယ်။ ဒါပေမဲ့ ကျားဖြူပါတီအနေနဲ့ အတိုက်ခံ လုပ်ရမယ်။ တိုင်းရင်းသားအရေး ပြည်တွင်းငြိမ်းချမ်းရေးတွေမှာ တိုင်းရင်းသားတွေဘက် မျက်နှာမူပြီး ဆောင်ရွက်ပေးရမယ် စတဲ့အချက်တွေနဲ့ ကမ်းလှမ်းခဲ့ပါတယ်။ ဒါမှမဟုတ်နှစ်ပါတီစလုံးဖျက် အသစ်ပေါင်းပြီး ပြန်ထောင်မယ်ဆိုတော့လည်း ကျားဖြူဘက်က ဖျက်မပေးနိုင်ဘူးလို့ ဆိုလာပါတယ်။ ဒါ့ကြောင့်ပဲ ဆွေးနွေးမှုတွေ ဆက်မဖြစ်တော့တာပါ။

ကျားဖြူအမတ်တွေ ကျားခေါင်းရောက်လာ
ဆွေးနွေးမှုတွေ ဆက်မဖြစ်တော့တဲ့နောက်ပိုင်း ကျားဖြူပါတီကနေ ရွေးကောက်တာကင်မြောက်ခြင်း ခံထားရတဲ့ ရွေးကောက်ခံကိုယ်စားလှယ်တွေအနေနဲ့ ကျားခေါင်းပါတီဘက်ကို ပြောင်းလာတာတွေရှိလာခဲ့ပါတယ်။ မြို့နယ်တော်တေ်ာများများမှာ ကျားဖြူပါတီတာဝန်ရှိသူတွေနဲ့ ပါတီဝင်တွေကလည်း နှုတ်ထွက်မှုတွေ ရှိလာခဲ့တာပါ။ ခုဆိုရင် ကျားခေါင်းပါတီအနေနဲ့ ရွေးကောက်ပွဲမဝင်ပဲနဲ့တင် လွှတ်တော်အမတ်ပေါင်း ၂၀ လောက်ရှိလာခဲ့ပါတယ်။ အဲဒီအမတ်တွေအကုန်လုံးက ကျားဖြူပါတီကနေ ပြောင်းလာကြတာပါ။သူတို့တွေ အကြောင်းပြကြတာကတော့ ကျားဖြုပါတီကခေါင်းဆောင်တွေအနေနဲ့ ကတိကဝတ်တွေပျက်တာရယ် ပါတီပေါင်းစည်းရေးကို သေသေချာချာမလုပ်တာနဲ့ အတိုက်အခံအဖြစ် လူထုအကျိူးကို သိပ်မဆောင်ရွက်တာကြောင့်လို့ ဆိုကြပါတယ်။ ကျားဖြူပါတီ ဥက္ကဌကတော့ အဲဒီကိစ္စတွေ မဟုတ်မှန်ကြောင်း အမြဲငြင်းဆိုခဲ့ပါတယ်။

မူဝါဒလည်းကွာ
ကျားခေါင်းပါတီကတော့ ပင်လုံကတိကဝတ်တွေကို အကောင်ထည်ဖော်ဖို့ရည်ရွယ်ပြီး ၈ ပြည်နယ်မူ ( ဗမာကို တပြည်နယ်ထဲပေးပြီး ကျန်တဲ့ တိုင်းရင်းသားတွေနဲ့ အချိုးညီတူမျှတူ ) ပေးရေးမူကို လက်ကိုင်ထားပါတယ်။ ကျားဖြူပါတီကတော့ လက်ရှိ တိုင်းနှင့် ပြည်နယ် ၁၄ ခု မူဝါဒပါ။တကြိမ်မှာ ကျားဖြူပါတိအနေနဲ့ ပြည်နယ်နာမည်တွေကိုဖျောက်ပြီး ၁၄ တိုင်း ( ဥပမာ သျှမ်းပြည်နယ်ကို ကမ္ဗောဇ တိုင်း ) အဖြစ်ထားဖို့တောင် ကြေငြာချက်ထုတ်ခဲ့ဖူးတာတွေ့ရပါတယ်။ ပြည်တွင်း ငြိမ်းချမ်းရေးနဲ့ ပတ်သက်လို့လည်း သူတို့ရဲ့ ချဉ်းကပ်မှုတွေက ကွာခြားပါတယ်။ ကျားခေါင်းပါတီကတော့ ညီညွတ်သော တိုင်းရင်းသား လူမျိုးများ မဟာမိတ်အဖွဲ့ကို ဦးဆောင်ပြီး တိုင်းရင်းသား လက်နက်ကိုင်တပ်ပေါင်းစုဖြစ်တဲ့ UNFC နဲ့ မဟာမိတ်ဖွဲ့ကာ သေချာရေရာပြီး တိုင်းရင်းသား အခွင့်ရေးရမှ အပစ်ခတ်ရပ်စဲရေး လက်မှတ်ထိုးရေးဆိုတဲ့ မူဝါဒရှိပါတယ်။ အဲဒီUNFC မှာ သျှမ်းပြည်တပ်မတော် မြောက်ပိုင်းက SSA/SSPP က အဖွဲ့ဝင်အဖြစ်ပါဝင်နေသလို အဲဒီအဖွဲ့ရဲ့ နိုင်ငံရေးအရ ဦးဆောင်မှု အခန်းကဏ်ဏ္ဍမှာလည်း ကျားခေါင်းပါတီက ရယူထားပါတယ်။

ကျားဖြူပါတီကတော့သေချာချာ မသေချာချာ မြန်မြန်လက်မှတ်ထိုး မြန်မြန်အပစ်ရပ် မြန်မြန်နိုင်ငံရေးဆွေးနွေးဆိုတဲ့ မူဝါဒပါ။ ၀န်ကြီး ဦးအောင်မင်းပြောပြောနေတဲ့ လေသံနဲ့တောင် သိပ်မကွာလှပါဘူး။ဒါကတော့ တိုက်ဆိုင်မှုလည်း ဖြစ်နိုင်ပါတယ်။ အခုတိုက်ပွဲဖြစ်နေတဲ့အဖွဲ့တွေအနေနဲ့ အရင်အစိုးရလက်ထက်မှ အပစ်ရပ်ဖူးပြီး အမျိုးသားညီလာခံလိုမျိုးနဲ့ ကြုံတွေ့ခဲ့ရတာတွေကြောင့်လည်း ပိုမို ခိုင်မာသေချာတဲ့ အာမခံချက်တွေ တောင်းဆိုနေတယ်ဆိုတာမေ့လျှော့နေပုံပါပဲ.။ ဒါ့အပြင် ကျားဖြူပါတီအနေနဲ့ လွှတ်တော်အတွင်း လွှတ်တော်ပ ဆောင်ရွက်ချက်တွေကို ကြည့်မယ်ဆိုရင် ကဏ်ဏ္ဍအလိုက်ဆိုရင်မဆိုးလှပေမဲ့ ဥပမာ တနိုင်ငံလုံးနဲ့ဆိုင်တဲ့ ငြိမ်းချမ်းရေးလိုကိစ္စတွေနဲ့ တခြား အတိုက်အခံလုပ်ရမဲ့ ကိစ္စတွေမှာ ပြည်သူတွေလိုလားတဲ့ အတိုက်ခံတွေနဲ့ လက်တွဲနိုင်ခြင်း မရှိတာက မေးခွန်းထုတ်စရာပါ။ ၂၀၁၀မှ ပါတီထောင်လို့ဆိုပြီး ဆင်ခြေပေးနိုင်ပေမဲ့ ၂၀၁၀ ကျမှ နိုင်ငံရေးသမားဖြစ်လာတဲ့ ဒေါက်တာအေးမောင် ( ရခိုင်အမျိုးသားပါတီ ဥက္ကဌ) တောင် အတိုက်ခံတွေနဲ့ လက်တွဲနိုင်တာတွေ့ရပါတယ်။
ကျားဖြူပါတီအနေနဲ့ကတော့ သျှမ်းပြည်နယ်အစိုးရဖြစ်ရေးဝန်ကြီးချုပ်ဖြစ်ရေးဆိုတဲ့ မူဝါဒကို လက်ကိုင်ထားတာတွေ့ရပါတယ်။ ဦးခွန်ထွန်းဦးဦးဆောင်တဲ့ ကျားခေါင်းကတော့ ပြည်နယ်ဝန်ကြီးချုပ်ဖြစ်ချင်တယ်လို့ ပြောတာမတွေ့ရသလို ပြည်ထောင်စုအရေးဖြစ်တယ်လို့ပဲ ပြောတာတွေ့ဖူးပါတယ်။

သျှမ်းတွေကံကောင်းပါစေ
ဒါပေမဲ့ကျားခေါင်းက ပြည်တွင်းက အဓိက အတိုက်အခံပါတီဖြစ်တဲ့ အန်အယ်လ်ဒီ အမျိုးသား ဒီမိုကရေစီအဖွဲ့ချုပ်တို့ ၊ ဒီမိုကရေစိအင်အားစုတွေဖြစ်တဲ့ ၈၈ မျိုးဆက်တို့ ၊ UNFC တို့လို အတိုက်အခံတွေနဲ့တော့ မဟာမိတ်လုပ်မဲ့ပုံပါပဲ။ ယနေ့အချိန်အထိလည်း ကျားဖြူပါတီရဲ့ ပြည်တွင်းအဓိက အင်အားကြီး မဟာမိတ်က အစိုးရလား ပြည်ခိုင်ဖြိုးပါတီလား ဆိုတာ သဲသဲကွဲကွဲမသိရသေးပါဘူး .ကျန်တော်ဆိုလိုတာက ဗဟိုအစိုးရဖွဲ့နိုင်ချေတို့ သမ္မတရွေးချယ်ခွင့်တို့ဆိုတာ ဒီမဟာမိတ်ဖွဲ့နိုင်မှုအပေါ်မူတည်ပြီး သွားရမှာကြောင့်ဖြစ်ပါတယ်။

ကျန်တော်တင်ပြခဲ့တာတွေကတော့ သူတို့ပါတီနှစ်ပါတီရဲ့ ကွာခြားချက်တွေပါ။ မကြာခင်မှာ သူတို့နှစ်ပါတီက ရွေးကောက်ပွဲဝင်တော့မှာပါ။ ကြားထဲ တခြားမျိုးနွယ်စု ပါတီလေးတွေနဲ့ ပြည်ခိုင်ဖြိုးတို့လိုပါတီတွေကလည်း သျှမ်းပြည်နယ်မှာ ပြိုင်ဦးမှာဖြစ်ပြီး အန်အယ်လ်ဒီ အမျိုးသား ဒီမိုကရေစီအဖွဲ့ချုပ်ကလည်း နေရာ ၃ နေရာ ၄ နေရာလောက်ပြိုင်နိုင်ဖွယ်ရှိပါတယ်။ ကြားထဲကျိုင်းတုံမှာ အခြေစိုက်တဲ့ သျှမ်းပါတီတစ်ခုကလည်း ၄ နေရာလောက် ပြိုင်ဦးမှာပါ။ သျှမ်းတိုင်းရင်းသူ တိုင်းရင်းသားတွေအနေနဲ့ လာမဲ့ရွေးကောက်ပွဲမှာ ကံကောင်းကြပါစေ။ မှန်မှန်ကန်ကန် ရွေးချယ်နိုင်ပါစေလို့ ဆုတောင်းပေးပါတယ်။

ဆောင်းပါးရှင်
စိုင်းထွန်းအောင်လွင်

မှတ်ချက်။ ။ သျှမ်းသံတော်ဆင့် အယ်ဒီတာ ၏ အာဘော် နှင့် သဘောထားမဟုတ်ကြောင်း စာဖတ်ပရိသတ်များအား သိစေအပ်ပါသည်။(အယ်ဒီတာ)
Panglong(Burmese)
https://www.facebook.com/Panglong.burmese