ရခိုင်ပြည်နယ်အ၀န်း ရေကြီးနေ၍ စိုးရိမ်ရသော အခြေအနေကို ရောက်ရှိနေ



 ရန်ကုန်၊ ဇူလှိုင် ၃၁

 ရခိုင်ပြည်နယ် ကျောက်တော်၊ ပုဏ္ဍားကျွန်း၊ မြောက်ဦး၊ မင်းပြား၊ ရသေ့တောင်၊ ဘူးသီးတောင်၊ ပေါက်တောမြို့နယ် အပါအ၀င် မြို့နယ် အတော်များများတွင် ရေနစ်မြုပ်နေသဖြင့် စိုးရိမ်ရသော အနေအထားသို့ ရောက်ရှိနေကြောင်း ဒေသခံများက သတင်း ပေးပို့သည်။

မြောက်ဦးမြို့ လမ်းမကြီးထက်တွင် ရေ ၇ ပေထိ နစ်မြုပ်နေပြီး လူပေါင်း ထောင်နှင့် ချီပြီး ဘေးလွှတ်ရာသို့ ရွှေ့ပြောင်းနေရသည်ဟု မြောက်ဦးမြို့မှ ဦးကျော်လှိုင်က ပြောသည်။

“ လမ်းမကြီးမှာ ရေ ခုနှစ်ပေလောက် မြုပ်နေပါတယ်။ ဈေးနားတ၀ိုက်၊ အလယ်ဈေး၊ အထက တ၀ိူက်၊ ရေ ခုနှစ်ပေလောက် မြုပ်နေပါတယ်။ အခု မိသားစု ၂၀၀ ကျော်ကို ရွှေ့နေရပါတယ်။ နောက်ဆုံး အခြေအနေက ရေထပ်တက်လာဖို့ အခြေအနေ ရှိတယ်။ ထပ်တက်လာရင် အန္တရာယ် ပိုရှိလာနိုင်ပါတယ်” ဟု ပြောသည်။

မြောက်ဦးမြို့တွင် နန်းရာကုန်း ပတ်ဝန်းကျင်မှ လွဲပြီး ကျန်ပတ်ဝန်းကျင်များအားလုံး ရေနစ်မြုပ်နေပြီး မြို့နယ် အတွင်းရှိ ကျေးရွာအများအပြားတွင်လည်း ရေနစ်မြုပ်နေပြီး အခြေအနေ အလွန်ဆိုးရွားနေကြောင်း၊ ယခုအခါ ကျေးရွာလိုက် ကုန်းမြင့်ရာသို့ ပြောင်းရွှေ့နေကြရကြောင်း သူက ဆက်လက် ပြောဆိုသည်။

ပုဏ္ဍားကျွန်းမြို့နယ်တွင် ကျေးရွာအများအပြားမှာ ရေနစ်မြုပ်နေပြီး မိသားစု အများအပြားကို ဘုန်းတော်ကြီးကျောင်းများသို့ ရွှေ့ပြောင်းနေကြရသည်ဟု ပုဏ္ဍားကျွန်းမြို့သို့ ရောက်ရှိနေသည့် ဦးစံကျော်လှက ပြောဆိုသည်။

ကုလားတန် မြစ်ကမ်းဘေး တစ်လျှောက်ရှိ ကျေးရွာများအားလုံး ရေနစ်မြုပ်နေပြီး ကျွဲနွားများလည်း နေစရာ မရှိ၍ သေဆုံးမှုများ ရှိနေကြောင်း သိရသည်။

မင်းပြားမြို့ တစ်ခုလုံး ရေနစ်နေပြီး ဈီးပင်ကြီးရွာတစ်ခုလုံးမှာ ရေအောက် ရောက်သွားပြီ ဖြစ်ကြောင်း၊ ငစရိုင်းချောင်းကျွန်း တစ်ခုလုံးတွင်လည်း နေရနစ်နေကြောင်း သိရသည်။

အပျက်အစီး အထူးများပြားနေပြီး ယခု ရေကြီးမှုက ရခိုင်ပြည်နယ်တစ်ခုလုံး အလွန်အပျက်အစီး များပြားစေနိုင်သည်ဟု ဦးစံကျော်လှက ပြောသည်။

( ရေကြီးနေသော အခြေအနေနှင့် ဓာတ်ပုံများကို ဖုန်း ၀၉၂၅၀၁၄၂၅ ၁၈ သို့ ဆက်သွယ်ပြီး သတင်း ပေးပို့ကြပါ။ ယခုဓာတ်ပုံများကို Facebook မှ ကူးယူဖော်ပြပါသည်။)

Arakan State
https://www.facebook.com/NarinjaraNews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ