ကိုမန္ ဆိုင္ကလုန္း မုန္တိုင္း တိုက္ခတ္



Share/Bookmark
 မုန္တိုင္းေျကာင့္ ေရျမုပ္ပ်က္စီးမႈေတြ အေတာ္မ်ား
 ဘဂၤလား ပင္လယ္ အတြင္း တည္ရွိေနတဲ့ ကိုမန္ ဆိုင္ကလုန္း မုန္တိုင္း ျဖတ္သန္း တိုက္ခတ္ သြားတဲ့ အတြက္ ရခိုင္ျပည္နယ္ အတြင္း အပ်က္အစီးေတြ ရွိခဲ့ သလို ေရႀကီးေရလၽွံမႈေတြ လည္း ျဖစ္ေပၚ ခဲ့ပါတယ္။

ဘဂၤလား ပင္လယ္ေအာ္ မွာ ျဖစ္ေပၚေနတဲ့ မုန္တိုင္းငယ္ ဟာ အင္အားျပင္းတဲ့ ဆိုင္ကလုန္း မုန္တိုင္း အျဖစ္ ေျပာင္းလဲခဲ့ၿပီး ရခိုင္ျပည္နယ္ ေျမာက္ပိုင္းကို ၾကာသပေတး ေန႔ မနက္ ကေန ညေနပိုင္းထိ အဖ်ားခတ္ ျဖတ္သန္း ၿပီး တနာရီ မိုင္ ၅ဝ ႏႈန္းနဲ႔ ျဖတ္သန္း တိုက္ခတ္ ခဲ့ပါတယ္။

အဲသလို တိုက္ခတ္ ခဲ့တဲ့ အတြက္ စစ္ေတြ၊ ေပါက္ေတာ၊ ရေသ့ေတာင္၊ ေျမပုံ၊ မင္းျပား၊ ေမာင္ေတာ၊ ဘူးသီးေတာင္ ၿမိဳ႕နယ္ ေတြမွာ အေဆာက္အဦ ေတြ၊ အိမ္ေတြ၊ သစ္ပင္ေတြ လဲၿပိဳက် ခဲ့ပါတယ္။

စစ္ေတြၿမိဳ႕ေပၚမွာ အိမ္ေတြ ေရထဲ ေမ်ာပါ သြား တာေတြ ရွိသလို သစ္ပင္ေတြ အျမစ္ကေန လဲၿပိဳ တာေတြ ရွိတဲ့ အတြက္ လမ္းေတြလည္း ပိတ္ဆို႔ ကုန္တယ္လို႔ သိရပါတယ္။

မင္းျပားၿမိဳ႕ေပၚ မွာေတာ့ မုန္တိုင္းနဲ႔ အတူ ျမစ္ေရဟာ စိုးရိမ္ ေရမွတ္ ေက်ာ္လြန္လာတဲ့ အတြက္ လူေပါင္း ၁ဝဝဝ နီးပါး ခန္႔ကို ေဘးလြတ္ရာကို ေ႐ႊ႕ေျပာင္း ခဲ့ရပါတယ္။

ရသ့ေတာင္ၿမိဳ႕နယ္ အတြင္း မွာလည္း အစိုးရ အေဆာက္အဦေတြ၊ စာသင္ေက်ာင္းေတြ ပ်က္စီးခဲ့တယ္လို႔ သိရပါတယ္။

ေက်ာက္ေတာ္ ၿမိဳ႕နယ္မွာေတာ့ လယ္ဧက ေထာင္နဲ႔ခ်ီ ေရျမဳပ္ေနတဲ့ အတြက္ ပ်က္စီးမႈေတြ အေတာ္မ်ားတယ္လို႔ ဆိုပါတယ္။

ျမန္မာနဲ႔ ဘဂၤလားေဒ့ရွ္ နယ္စပ္မွာ ရွိတဲ့ ေမာင္ေတာ ၿမိဳ႕နယ္မွာလည္း အပ်က္အစီးေတြ မ်ားၿပီး ဖုန္းလိုင္းေတြ ျပတ္ေတာက္ ေနတယ္လို႔ သိရပါတယ္။

ကိုမန္လို႔ အမည္ရွိတဲ့ မုန္တိုင္း ဟာ ၾကာသပေတး ေန႔ ညေနပိုင္းမွာ ဘဂၤလားေဒ့ရွ္ ႏိုင္ငံ စစ္တေကာင္းကို ျဖတ္ေက်ာ္ ဝင္ေရာက္ ခဲ့ပါတယ္ ။

BBC Burmese
http://www.bbc.com/burmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ