ဆိုင်ကယ် ကယ်ရီငှားပြီး ကယ်ရီသမားအားသတ်၍ ဆိုင်ကယ်နှင့် ရွှေငွေများအား လုယက်သူ နှစ်ရက်အတွင်း ဖမ်းဆီးရမိ

လယ်ဝေး မေ ၃၁

နေပြည်တော်ကောင်စီနယ်မြေ လယ်ဝေးမြို့နယ်၌ ဆိုင်ကယ် ကယ်ရီငှားပြီး ကယ်ရီမောင်းနှင်သူအား သတ်၍ ဆိုင်ကယ်နှင့် ရွှေငွေပစ္စည်းများအား လုယက်သူကို ရဲတပ်ဖွဲ့၏ ကြိုးပမ်းအားထုတ်မှုကြောင့် နှစ်ရက်အတွင်း ဖမ်းဆီးရမိ ကြောင်း သိရသည်။

ဖြစ်စဉ်မှာ မေ ၂၉ ရက် ညနေက လယ်ဝေးမြို့နယ် ကြို့ကုန်းကျေးရွာ အုပ်စု လမ်းစဉ်ကျေးရွာနှင့် ခြောက် မိုင်ကျေးရွာသွားလမ်းပေါ်ရှိ ရိုးချောင်း ချောက်ထဲတွင် ဆိုင်ကယ် ကယ်ရီ မောင်းနှင်သူ ကျော်နိုင်ဝင်းသည် ဦးခေါင်းမှာဒဏ်ရာများဖြစ် သေဆုံး နေပြီး ဆိုင်ကယ်၊ လက်ကိုင်ဖုန်း၊ ပိုက်ဆံအိတ်နှင့် လက်ဝတ်ရတနာများ ပျောက်ဆုံးနေကြောင်း သေဆုံးသူ၏ ဖခင်ဖြစ်သူ ဦးကြည်ဝင်းက ယင်းည ၇ နာရီတွင် တရားလိုပြုလုပ်တိုင်တန်း သဖြင့် လယ်ဝေးမြို့မရဲစခန်းက အမှု ဖွင့်ပြီး စစ်ဆေးမှုများ ပြုလုပ်ခဲ့သည်။

အမှုမှ ပြစ်မှုကျူးလွန်သူအား စုံစမ်းဖော်ထုတ်ခဲ့ရာ သေဆုံးသူ ကျော်ဝင်းနိုင်အား မေ ၂၈ ရက် မွန်းလွဲ ၂ နာရီခွဲခန့်က စံပြရွာဘက်သို့ အသွားအပြန် ငွေကျပ် ၆ဝဝဝ ဖြင့် ဆိုင်ကယ်ကယ်ရီ ခေါ်သွားကြောင်း၊ ခေါ်သွားသူမှာ အရပ်ရှည်ရှည် ပိန်ပိန် ပါးပါး အသားဖြူ၍ (၃ဝ နှစ်)ခန့်ရှိ ကြောင်းနှင့် အခင်းဖြစ်ပွားရာ အနီး ဝန်းကျင်ရွာနေ ဒေသခံအချို့ထံမှ စုံစမ်းချက်များအရ ယင်းနေ့တွင် ဆိုင်ကယ် ကယ်ရီအငှား ခေါ်ဆောင် သွားသူမှာ နေမင်းကို(ခ) အရှည်ကြီး (ခ)ဖိုးလုံး အမှတ်(၅) ရပ်ကွက် လယ်ဝေးမြို့နေသူ ဖြစ်ကြောင်း ရဲအုပ်ထွန်းလှိုင်နှင့်အဖွဲ့က သတင်း အတည်ပြုနိုင်ခဲ့သည်။ ပြစ်မှုကျူးလွန် သူ နေထိုင်ရာ အမှတ် (၅) ရပ်ကွက် ရှိ ၎င်း၏နေအိမ်သို့ လယ်ဝေးမြို့မ ရဲစခန်းမှူး ဒုရဲမှူး စိုးမင်းသိန်းနှင့် နေပြည်တော် ရဲတပ်ဖွဲ့မှူးရုံးမှ ရဲအုပ်ထွန်းလှိုင်ပါဝင်သော တပ်ဖွဲ့ ဝင်များက သွားရောက်ဖမ်းဆီးရာ လက်ရဖမ်းဆီးရမိခဲ့သည်။

၎င်းအားစစ်ဆေးချက်အရ မေ ၂၈ ရက် မွန်းလွဲ ၂ နာရီခွဲက ဆိုင်ကယ် ကယ်ရီလိုက်ပို့ပေးရန် လယ်ဝေးမြို့ မီးပွိုင့်အနီးမှ စံပြရွာသို့ အသွားအပြန် ၆ဝဝဝ ကျပ်ဖြင့် ခေါ်ဆောင်သွားပြီး စံပြရွာမှ အပြန် လမ်းခရီးလူပြတ်သည့် နေရာဖြစ် သော ရိုးကူးတံတားတွင် ဆိုင်ကယ် ဆင်းတွန်းရင်း တံတားခင်းထားသည့် သစ်သားတုတ်ဖြင့် ကျော်နိုင်ဝင်း၏ ခေါင်းအား နောက်မှရိုက်ခဲ့ကြောင်း၊ သုံးချက်ခန့်ရိုက်နှက်၍ သေဆုံးသွား ချိန်တွင် ကျော်နိုင်ဝင်းတွင်ပါရှိသော ငွေကျပ်နှစ်သိန်း၊ ဝတ်ဆင်ထားသော ရွှေလက်စွပ် တစ်ကွင်း၊ ဆင်းကတ်ပါ လက်ကိုင်ဖုန်းတစ်လုံး၊ အနက်ရောင် ဆိုင်ကယ်ကို ယူဆောင်ကာ ၎င်းအိမ်သို့ ပြန်လာခဲ့ကြောင်း ဝန်ခံထွက်ဆို သည်။ ကျော်နိုင်ဝင်းအား ထိုက်သင့် သော ပြစ်ဒဏ်ရရှိရေးအတွက် အမြန် ဆုံး တရားစွဲဆိုတင်ပို့သွားမည် ဖြစ် ကြောင်း သိရသည်။

မင်းမင်းလတ်(မန်းတက္ကသိုလ်)
Myanmaalinn
https://www.facebook.com/MYANMAALINNNEWS