ဆီးရီးယား တပ်ပိုင် စစ်ကား တစ်စီးကို မီးရှို့ ဖျက်ဆီးကြစဉ် (Credit: Reuters) |
ဆီးရီးယား မဟာမိတ် သူပုန်တွေက Daraa ပြည်နယ်က စစ်တပ်စခန်းကို သူပုန် အယောက်ပေါင်း ၂၀၀၀ က ၂၄ နာရီအတွင်း သိမ်းပိုက်လိုက်တာ တာလို့ ဆိုပါတယ်။
အဲဒီ စစ်စခန်းဟာ ဆီးရီးယားရဲ့ မြို့တော်ကို သွားတဲ့ လမ်းမနားမှာ တည်ရှိသလို ဂျော်ဒန်နိုင်ငံနဲ့ နီးတဲ့ ဒေသလည်း ဖြစ်တာကြောင့် ဆီးရီးယား အစိုးရအတွက် စိုးရိမ်စရာ ဖြစ်နေပါတယ်။
ဒီမြို့ကို သိမ်းပိုက်စဉ်အတွင်း သူပုန် ၁၅ ယောက်နဲ့ ဆီးရီးယား စစ်သား အယောက် ၂၀ လောက် ကျဆုံးခဲ့ရတယ်လို့လည်း သိရပါတယ်။
ဆီးရီးယား အစိုးရဟာ မဟာမိတ် သူပုန်တပ်ဖွဲ့တွေနဲ့ဖြစ်နေတဲ့ စစ်ပွဲတွေမှာပဲ ရှုံးနိမ့်နေတာ မဟုတ်ပဲ IS အစ္စလာမ်မစ် စစ်သွေးကြွတွေနဲ့ ဖြစ်နေတဲ့ တိုက်ပွဲတွေမှာလည်း ရှုံးနိမ့်မှုတွေနဲ့ ကြုံနေရပါတယ်။
ဆီးရီးယားနိုင်ငံက သူပုန်နဲ့ IS အဖွဲ့တွေဟာ ဆီးရီးယား သမ္မတ ဘာရှား အာလ်အာဆတ်ကို ဆန့်ကျင်တိုက်ခိုက်နေကြတာ ဖြစ်ပါတယ်။
ABC Radio Australia
http://www.radioaustralia.net.au/burmese
ဆီးရီးယားရဲ့ အဓိကစခန်းကို သူပုန်တွေ သိမ်းထား
Reviewed by သစ်ထူးလွင်
on
21:07
Rating: