ထိုင္း-ျမန္မာနယ္စပ္ ကုန္းေက်ာ္ဒုကၡသည္စခန္းသို႔ အေမရိကန္သံအဖြဲ႕ လည္ပတ္



Share/Bookmark
 ကုန္းေက်ာ္ဒုကၡသည္စခန္းသို႔ အေမရိကန္သံအဖြဲ႕ လည္ပတ္
အေမရိကန္သံအဖြဲ႕အား ကုန္းေက်ာ္ဒုကၡသည္စခန္းမွ ဥကၠဌ စိုင္းလ်ဲန္းက ႀကိဳဆို
 ဧၿပီလ ၂၉ ရက္ ၂၀၁၅

သၽွမ္းျပည္အနယ္နယ္အရပ္ရပ္က စစ္ေျပးေရွာင္ လူထုခိုလွုံေနထိုင္သည့္ ထိုင္းနိုင္ငံ ခ်င္းမိုင္ခရိုင္ ဝိန္းဟိုင္ၿမိဳ႕နယ္ ပိန္းလုံအုပ္စု ကုန္းေက်ာ္ဒုကၡသည္စခန္းကို အေမရိကန္နိုင္ငံသံအမတ္ Mr. Michael Heath ႏွင့္ အဖြဲ႕က သြားေရာက္လည္ပတ္ခဲ့ပါသည္။

သံအမတ္ႏွင့္အဖြဲ႕သည္ ထိုင္း- ျမန္မာနယ္ျခား လတ္တိုင္ရြာရွိ ဝပ္ဖဝိန္းအင္းသို႔ ဧၿပီလ ၂၈ ရက္ မြန္း တည့္ခ်ိန္က ေရာက္ရွိခဲ့ၾကရာ ကုန္းေက်ာ္ဒုကၡသည္စခန္းမွ ဥကၠဌ စိုင္းလ်ဲန္းႏွင့္ အဖြဲ႕က ႀကိဳဆိုပါ သည္။

“သူတို႔က ဒုကၡသည္စခန္းထဲအေျခအေနနဲ႔ ထိုင္း- ျမန္မာ နယ္စပ္အေျခအေနသိခ်င္လို႔ လာတာပါတဲ့။ အိမ္ျပန္ခ်င္တဲ့ဒုကၡသည္ရွိလားလို႔ လာေမးပါတယ္။ ျပန္ခ်င္တဲ့လူ မရွိဘူးလို႔ တင္ျပခဲ့ပါ တယ္။ ဒီခရီးစဥ္က စခန္းထဲက ကေလးေတြပညာေရးကိုေလ့လာဖို႔ျဖစ္တဲ့အတြက္ ေက်ာင္းသုံးပစၥည္းေတြ ကို ေထာက္ပံ့ သြားပါတယ္။” ဟု ကုန္းေက်ာ္ဒုကၡသည္စခန္းမွ တာဝန္ရွိပုဂၢိဳလ္ စိုင္းလ်ဲန္း က သၽွမ္းသံ ေတာ္ဆင့္အားေျပာျပသည္။

သံအမတ္ႏွင့္အဖြဲ႕သည္ ဒုကၡသည္စခန္းမွ ညေန ၃ နာရီခန႔္တြင္ထြက္ခြါသြားသည္ဟု လိုက္ပါႀကိဳဆိုသူ တဦးကေျပာသည္။

ကုန္းေက်ာ္ ဒုကၡသည္စခန္းတြင္ သၽွမ္းျပည္မွ စစ္ေျပးဒုကၡသည္ မိသားစုေပါင္း ၁၀၀ ေက်ာ္ (လူဦးေရ ၄၀၀ ေက်ာ္) ခိုလွုံေနထိုင္သည္ဟုလည္း သိရပါသည္။

သၽွမ္းသံေတာ္ဆင့္
https://www.facebook.com/Panglong.burmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ