မံုရြာမွာ ဓါတ္ပံုသတင္းေထာက္ ဖမ္းဆီးခံရ

မံုရြာၿမိဳ႕က အလြတ္ဓါတ္ပံုသတင္းေထာက္ ကိုေအာင္ေနမ်ိဳး ကိုေတြ႔ရစဥ္။ Photo: Aung Nay Myo (facebook)
စစ္ကိုင္းတုိင္းေဒသႀကီး မံုရြာၿမိဳ႕က အလြတ္ဓါတ္ပံု သတင္းေထာက္ ကိုေအာင္ေနမ်ိဳးကို သတင္းရဲတပ္ဖဲြ႔က ဖမ္းဆီးလိုက္ပါတယ္။

မူးယစ္ေဆးဝါးအမႈနဲ႔ ပတ္သက္တယ္ဆုိၿပီး ဒီေန႔မနက္ ၂ နာရီေလာက္က ကိုေအာင္ေနမ်ိဳးရဲ႕ ေနအိမ္မွာ ရွာေဖြခဲ့ၿပီး ကိုေအာင္ေနမ်ိဳးကို ဖမ္းဆီးခဲ့တာလို႔ မိသားစုဝင္တစ္ဦးက ေျပာပါတယ္။ မိသားစုက မံုရြာၿမိဳ႕နယ္ ရဲစခန္းမွာသြားေရာက္စံုစမ္းရာမွာေတာ့ ပုဒ္မ ၅ဝ၅ (ခ) ႏုိင္ငံေတာ္အၾကည္ညိဳပ်က္ေစမႈနဲ႔ အမႈဖြင့္လိုက္တာျဖစ္တယ္လို႔ မိသားစုဝင္တစ္ဦး က ေျပာပါတယ္။

"မူးယစ္ေဆးနဲ႔ဟုတ္တာ အခုကေတာ့ ဘာမွမေတြ႔ဘူးေပါ့ဘူးေပါ့ေနာ္၊ သူ႔ဆိုင္မွာေရာ ဘာမွမေတြ႔ဘူးေပါ့ေနာ္၊ ဒါေပမယ့္ ႏိုင္ငံေတာ္ အၾကည္ညိဳပ်က္ေစမႈ ဘာညာနဲ႔ေပါ့ေနာ္၊ အဲ့ဒါလည္း စရဖက တရားလိုလုပ္ၿပီးေတာ့ စြဲထားတဲ့ အတြက္ေၾကာင္မို႔ က်ေနာ္တို႔ကလည္း လုပ္ရျခင္းျဖစ္ပါတယ္ဆိုၿပီးေတာ့ေျပာတယ္၊ ဒါေပမဲ့ သူကအထက္ကို တင္ျပမယ္ဆိုၿပီးေျပာတယ္၊ အထက္ကိုတင္ျပၿပီးတာနဲ႔ ခ်က္ခ်င္းေပးေတြ႔ပါ့မယ္ဆိုၿပီး အစ္မတို႔ဖုန္းနံပါတ္ေတြေတာ့ ယူထားလိုက္တယ္"

ကိုေအာင္ေနမ်ဳိးရဲ႕ တယ္လီဖုန္း၊ ကြန္ပ်ဴတာ၊ ဆက္စပ္ပစၥည္းေတြနဲ႔ ဆုိင္မွာတပ္ဆင္ထားတဲ့ CCTV ရွစ္လံုးရဲ႕ အထိုင္စက္ကိုပါ သိမ္းဆည္းသြားတယ္လို႔ သိရပါတယ္။ သူ႔ကုိ ေလာေလာဆယ္ မံုရြာေထာင္မွာ ဖမ္းဆီးခ်ဳပ္ေႏွာင္ ထားၿပီး မိသားစုဝင္ေတြနဲ႔ ေတြ႕ခြင့္မေပးေသးဘူးလို႔ သိရပါတယ္။

RFA Burmese
http://www.rfa.org/burmese/news/freelance-photo-journalist-arrested-monywa-02272015120936.html

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ