ယီမင္ အေသခံဗံုးခြဲတိုက္ခိုက္မႈ ၃၃ ဦးေသဆံုး



Share/Bookmark

ယီမင္ႏိုင္ငံ အလယ္ပိုင္းမွာ ရွီ႐ိုက္မူဆလင္ ဟူသီသူပုန္အဖြဲ႔ေတြ စုေ၀းေနခ်ိန္မွာ အေသခံ ဗံုးခြဲသမားတဦးက ၀င္ေရာက္တိုက္ခိုက္လုိ႔ လူ ၃၃ ေယာက္ထက္မနည္း ေသဆံုးခဲ့ပါတယ္။

တမန္ေတာ္ မိုဟာမတ္ရဲ႕ ေမြးေန႔ အထိန္းအမွတ္ Ibb ၿမိဳ႕က ယဥ္ေက်းမႈဌာနမွာ အခမ္းအနား က်င္းပေနစဥ္ ဒီကေန႔ ဗုဒၶဟူးေန႔မွာပဲ တိုက္ခိုက္ခံရတာပါ။ ဒဏ္ရာရရွိခဲ့သူေတြထဲမွာေတာ့ ေဒသ အုပ္ခ်ဳပ္ေရးမွဴးလည္း ပါ၀င္ပါတယ္။

အဲဒီေနရာမွာပဲ ဒုတိယ ဗံုးတလံုး ထပ္မံ ေပါက္ကြဲခဲ့တဲ့အေၾကာင္း ေဒသခံေတြနဲ႔ လံုၿခံဳေရး တာ၀န္ရွိသူေတြက ေျပာပါတယ္။ အခုတိုက္ခိုက္မႈနဲ႔ ပတ္သက္လို႔ ဘယ္သူ႔လက္ခ်က္လဲ ဆိုတာေတာ့ မသိရေသးပါဘူး။

ဟူသီသူပုန္အဖြဲ႔ေတြဟာ ၿပီးခဲ့တဲ့ စက္တင္ဘာလ က ယီမင္ႏိုင္ငံ ၿမိဳ႕ေတာ္ ဆာနားကို သူတို႔ ထိန္းခ်ဳပ္လာခဲ့ခ်ိန္ကစလို႔ အာေရဗ်ကၽြန္းဆြယ္မွာ အေျခစိုက္တဲ့ အယ္လ္ခိုင္းဒါး တိုက္ခိုက္ေရးသမားေတြနဲ႔ တျခားေသာ ဆူနီ လူမ်ိဳးစု မဟာမိတ္ေတြနဲ႔ တိုက္ခိုက္မႈေတြ ျဖစ္ပြားေနတာပါ။

ဗြီအုိေအ (ျမန္မာပုိင္း)
http://burmese.voanews.com/content/yeman-blasts/2580450.html

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ