မြန်မာနိုင်ငံ စာနယ်ဇင်း လွတ်လပ်ခွင့် အခြေအနေ တိုးတက်

မြန်မာနိုင်ငံရဲ့ စာနယ်ဇင်း လွတ်လပ်ခွင့်ဟာ ပြီးခဲ့တဲ့ ၂၀၁၃ ခုနှစ်မှာ အဆင့် ၁၅၁ ရှိရာကနေ ဒီနှစ် အဆင့် ၁၄၅ ဖြစ်လာကြောင်း နယ်စည်းမခြား သတင်းထောက်များအဖွဲ့က ၂၀၁၄ ခုနှစ်အတွက်ထုတ်ပြန်တဲ့ ကမ္ဘာ့နိုင်ငံတွေရဲ့ စာနယ်ဇင်း လွတ်လပ်ခွင့်စာရင်းအရ သိရပါတယ်။

နယ်စည်းမခြား သတင်းထောက်များအဖွဲ့က ၂၀၁၄ ခုနှစ်အတွက် ကမ္ဘာ့နိုင်ငံပေါင်း ၁၈၀ ရဲ့ စာနယ်ဇင်း လွတ်လပ်ခွင့်အဆင့် သတ်မှတ်ချက်ညွှန်းကိန်းမှာ ဖေါ်ပြထားတာပါ။

အခုလို စာနယ်ဇင်းလွတ်လပ်ခွင့် အဆင့် ၁၄ ဆင့် တက်လာတာနဲ့ ပတ်သက်ပြီး မြန်မာနိုင်ငံ စာနယ်ဇင်းကောင်စီ (ယာယီ) အဖွဲ့ဝင် ဦးဇော်သက်ထွေးက RFA ကို အခုလိုပြောပါတယ်။

“၂ဝ၁၂ မှာ စာပေးစိစစ်ရေးအဖွဲ့ကို ဖျက်သိမ်းပြီးတော့ လွတ်လွတ်လပ်လပ် ရေးသားခွင့်ပေးလိုက်တယ်၊ အဲဒါနံပါတ် ၁ အချက်၊ ၂ အချက်က ၂ဝ၁၃ ဧပြီ၊ မေ လောက်ကစပြီး ပုဂ္ဂလိက သတင်းစာတွေကို ထုတ်ဝေခွင့်ပေးလိုက်တယ်၊ တိုင်းပြည်မှာ ထုတ်ဝေနေတဲ့ သတင်းစာတွေ၊ ဂျာနယ်တွေ၊ လစဉ်ထုတ် မဂ္ဂဇင်းတွေမှာ အစိုးရကို၎င်း၊ လွှတ်တော်ကိုသော်၎င်း တိုင်းပြည်ရဲ့ နိုင်ငံရေးရာကိစ္စတွေမှာ အဓိကဆောင်ရွက်နေတဲ့ နို်င်ငံရေး အဖွဲ့အစည်းတွေ၊ လူမှုရေးအဖွဲ့အစည်းတွေကို လွတ်လွတ်လပ်လပ် ဖော်ပြခွင့်ရတယ်”

မြန်မာနိုင်ငံဟာ စာနယ်ဇင်းလွတ်လပ်ခွင့် ၁၄ ဆင့် တက်လာပေမဲ့လည်း ပြန်ကြားရေးဝန်ကြီးဌာနက လွှတ်တော်မှာ တင်သွင်းထားတဲ့ ပုံနှိပ်ခြင်းနဲ့ ထုတ်ဝေခြင်း ဥပဒေမူကြမ်းမှာ သတင်းမီဒီယာ လွတ်လပ်ခွင့်ကို ကန့်သတ်ထားတဲ့အချက်တွေ ပါရှိနေကြောင်း နယ်စည်းမခြား သတင်းထောက်များအဖွဲ့ရဲ့ အစီအရင်ခံစာမှာ ဖေါ်ပြခဲ့ပါတယ်။

၂၀၁၄ ခုနှစ်အတွက် နယ်စည်းမခြား သတင်းထောက်များအဖွဲ့ရဲ့ ညွှန်းကိန်းတွေအရ ဖင်လန်၊ နယ်သာလန်နဲ့ နော်ဝေးနိုင်ငံတွေက စာနယ်ဇင်းလွတ်လပ်ခွင့် အကောင်းဆုံးနိုင်ငံတွေဖြစ်ပြီး အယ်ရီဒယီးယားစ်နိုင်ငံ၊ မြောက်ကိုရီးယား၊ တာမန်နစ်စတန်(စ်)နဲ့ ဆီရီးယားနိုင်ငံတွေကတော့ စာနယ်ဇင်းလွတ်လပ်ခွင့် အဆိုးဆုံးနိုင်ငံတွေဖြစ်ပါတယ်။

RFA Burmese


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ