ဦးနိုင်ငံလင်းက တောင်သူလယ်သမားအကျိုးစီးပွားအတွက် ဆောင်ရွက်မည်ဖြစ်ကြောင်း ပြောဆို

ရပ်ရွာအကျိုးဖြစ်ထွန်းစေရေးတို့အတွက် လွှတ်တော်ထဲတွင် တောင်သူများ၏ အကျိုးအား ဆောင်ရွက်သွားမည် ဖြစ်ကြောင်းကို နေပြည်တော် ဒက္ခိဏသီရိမြို့နယ် အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ်ကပြောသည်။ “လွှတ်တော်ထဲမှာ ကျွှန်တော်တို့အဖွဲ့ချုပ်ရဲ့ မူဝါဒဖြစ်တဲ့ တရားဥပဒေ စိုးမိုးရေးကို အဓိကထားဆောင်ရွက် သွားမှာပါ။ အားလုံးနဲ့လက်တွဲပြီး ရပ်ရွာအကျိုးတွေကို ညှိနှိုင်းဆောင်ရွက်သွားမှာပါ။ ကျွှန်တော်ဝင်ပြိုင်တဲ့ မြို့နယ်မှာဆိုရင် တောင်သူတွေ လယ်ယာအသိမ်းခံကြရတယ် စီးပွားရေးတွေ အဆင်မပြေကြဘူး ” ဟု နေပြည်တော် ဒက္ခိဏသီရိမြို့နယ် အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ်လောင်း ဦးနိုင်ငံလင်း ကပြောသည်။ ၄င်းကိုယ်စားလှယ်ဝင်ပြိုင်သော ဒက္ခိဏသီရိမြို့နယ်သည် တောင်သူအများဆုံးနေထိုင်ကြပြီး လယ်ယာများအသိမ်းခံရခြင်းကြောင့် တောင်သူများမှာ စားဝတ်နေရေးအခက်အခဲများနှင့် ရင်ဆိုင်နေကြရကြောင်း သိရှိရသည်။ “ကျွှန်တော်တို့လယ်မြေတွေအသိမ်းခံရတယ်။ လယ်မြေတွေကို ကျွှန်တော်တို့ဆီက ၁ဧက(၂၂၀ ပေ )ပတ်လည်ကို ၁သောင်း (တစ်သောင်း)ပဲ ပေးတယ်။ ကုမ္မဏီတွေကို သူတို့ပြန်ရောင်းစားတော့ ၁ဧကကို တစ်သိန်း ဆိုလဲဟုတ်တယ်။ နှစ်သိန်းဆိုလည်းဟုတ်တယ်။ ဒီလယ်မြေလေးတွေကိုပဲ ကျွှန်တော်တို့မှာ အားကိုးနေရတာပါ။ ဒါ့ကြောင့် ဘယ်သူပဲတက်တက် ကျွှန်တော်တို့ တောင်သူလယ်သမားတွေကို လယ်လုပ်ပိုင်ခွင့် ပေးပါလို့ ပြောချင်ပါတယ်” ဟု ဒက္ခိဏမြို့နယ် နေ တောင်သူဦးဝင်းမြင့်က ပြောသည်။ နေပြည်တော် ဒက္ခိဏသီရိမြို့နယ်တွင် မဲရုံ(၁၇)ရုံ ရှိ၍ မဲပေးနိုင်သူဦးရေ ၁၆၀၀၀ (တစ်သောင်းခြောက်ထောင်) ကျော်ရှိပြီး အမျိုးသားဒီမိူကရေစီအဖွဲ့ချုပ်နှင့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီတို့ ၀င်ပြိုင်ကြရာ အမျိုးသားဒီမိုကရေစီ အဖွဲ့ချုပ်မှ မဲအရေအတွက် (၇၇၁၇)မဲ၊ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီမှ မဲအေ၇အတွက် (၄၂၀၃)မဲ တို့ ရရှိခဲ့သည်။
 ယမင်း(မြစ်မခ)