အဆိုပါ ဓာတ်ငွေ့ပိုက်လိုင်း ဖြတ်သန်းရာတွင် ဧရာဝတီမြစ် အနောက်ဘက်ခြမ်းမှ ရခိုင်ရိုးမအထိ ကျယ်ပြန့်သော မင်းဘူးလွင်ပြင်ပါဝင်နေကာ ယင်းလွင်ပြင်၌ မင်းဘူး၊ စကု၊ မင်းလှ၊ မင်းတုန်း၊ ငဖဲ၊ ပွင့်ဖြူမြို့နယ်တို့ ပါဝင်နေသည်။ မင်းဘူးလွင်ပြင်တွင် လယ်ယာစိုက်ပျိုးရေးကို ဒေသခံများက အဓိကလုပ်ငန်းတစ်ရပ်အနေဖြင့် လုပ်ကိုင်နေကြပြီး လက်ရှိတွင် ဓာတ်ငွေ့ပိုက်လိုင်း ဖြတ်သန်းသွားရာတစ်လျှောက်၌ တောင်သူများ၏ လယ်ယာမြေများ ပါဝင်နေခြင်းဖြစ်သည် ဟု ဒေသခံအချို့က ဆိုပါသည်။ ''ငဖဲမြို့နယ်ဆို ရခိုင်ရိုးမနဲ့ ဆက်စပ်နေတယ်။ အဲဒီမှာ မြေဧက ၁၅ ဧကကို ယူတယ်ပေါ့။ ၀ယ်မယ်ဆိုပေမယ့် အခုအထိ ငွေရတာမရှိသေးဘူး။ လူတွေက လျော်ကြေး ဘယ်လိုရမှာလဲဆိုတာ ဒွိဟဖြစ်နေကြတယ်။ ပိုင်ရှင်က ငဖဲမြေစာရင်းကို အမည်ပေါက်ဖို့ လုပ်တယ်။ မြေစာရင်းက အမည်ပေါက်လုပ်ပေး လိုက်တယ်။ သူက ပိုင်ရှင်ပေါ့။ ဒါပေမယ့် လျော်ကြေးမရသေးဘူး။ နောက်ထပ် မြေဧက ၁၅ ဧကတောင် ထပ်ချဲ့ဖို့လုပ်ပါတယ်''ဟု မင်းဘူးမြို့နယ်မှ ဒေသခံတစ်ဦးက ပြောကြားသည်။
ဓာတ်ငွေ့ပိုက်လိုင်းသည် တရုတ်နိုင်ငံမှ ရင်းနှီးမြှုပ်နှံမှုဖြင့် လုပ်ကိုင်နေခြင်းဖြစ်ပြီး ရခိုင်ပြည်နယ်မှ စတင်ဖြတ်သန်းလျက် ရခိုင်ရိုးမ၊ အလယ်ပိုင်းဒေသ၊ ရှမ်းကုန်းမြင့် ဒေသကို အဆင့်ဆင့်ဖြတ်သန်းကာ တရုတ်-မြန်မာနယ်စပ်သို့ ရောက်ရှိလျက် တရုတ်နိုင်ငံသို့ သဘာဝဓာတ်ငွေ့များ တင်ပို့မည်ဖြစ်သည်။ ယင်းပိုက်လိုင်းသည် မြစ်ဆုံစီမံကိန်း ရပ်ဆိုင်းလိုက်ပြီးနောက် တရုတ်နိုင်ငံ အဖို့ အဓိကအားထားရာ စွမ်းအင် စီမံကိန်းတစ်ရပ်ဖြစ်လာပြီး တရုတ်နိုင်ငံမှ ပြည်နယ်လေးပြည်နယ်အတွက် စွမ်းအင်အသုံးပြုမည်ဖြစ်သည်ဟု သိရှိရသည်။
''ပဒါန်းမှာဆို လယ်ယာမြေတွေ ပါတယ်ပေါ့။ ပိုင်ရှင်တွေက တော့ လျော်ကြေးတောင် မလိုချင် ဘူး။ မြေပဲလိုချင်တာ။ ပိုက်လိုင်းက မြေအောက်မှာ နှစ် ၅၀ လောက်ထားမှာ။ သုံးနှစ်စာ လျော်ကြေးပေးပြီး လုပ်သွားမလား။ တောင်ယာမြေတွေဖြစ်တော့ မီးရှို့ရင် နောက်ပိုင်း ပိုက်လိုင်းရှိတော့ မလုပ်ရပါဘူးလို့ တခြားမြေတွေမှာပါ တားမြစ်တာတွေလည်း ရှိလာနိုင်တယ်။ နိုင်ငံအကျိုး စီးပွားအတွက် ပိုက်လိုင်းဖြတ်ရင်လည်း ဖြတ်သွားပါပေါ့။ ဒါပေမယ့် အထွက်ကောင်းတဲ့ ယာမြေပဲ အစားပြန်လိုချင်ပါတယ်''ဟု ဒေသခံတစ်ဦးက ဆိုပါသည်။ မင်းဘူးလွင်ပြင်တွင် ပိုက် ဆက်ခြင်းလုပ်ငန်းများကို လုပ်ကိုင်နေရာတွင် နှစ်လကျော် ကြာမြင့်ခဲ့ပြီဖြစ်ကြောင်း၊ လက်ရှိ၌ ပိုက်လုံးများကို မြေအောက်သို့ နေရာချမှု မပြုလုပ်ရသေးကြောင်း သိရသည်။ မင်းဘူးလွင်ပြင်ရှိ ကုန်းသာတွင် ပိုက်လိုင်းထားသိုရာစခန်းနှင့် ပဒါန်းတွင် အလုပ်သမားများ၊ စက်ယန္တရားများ ထားသိုရာစခန်းများအဖြစ် အသုံးပြုလျက်ရှိသည်။
လက်ရှိတွင် ပဒါန်းမှ မင်းဘူး ဒေသအထိ မြေပိုင်ရှင်များဆီမှ လယ်ယာမြေများ ၀ယ်ယူသည်ဆိုသော်လည်း မြေလျော်ကြေးများကို ရရှိခြင်းမရှိသေးကြောင်း၊ မင်းဘူး၊ စကုဒေသတွင် သီးနှံလျော်ကြေးများသာ ရရှိထားကြောင်း သိရှိရသည်။
EMG
မြန်မာ - တရုတ် သွယ်တန်းမည့် ဓာတ်ငွေ့ပိုက်လိုင်းဖြတ်သန်းရာ တွင် မြေလျော်ကြေးမရရှိမှုများ ကြုံတွေ့
Reviewed by သစ်ထူးလွင်
on
16:19
Rating:
Reviewed by သစ်ထူးလွင်
on
16:19
Rating:
No comments:
Post a Comment