သမ္မတဦးသိန်းစိန်၏ နိုင်ငံခြားသတင်းထောက်တစ်ဦးနှင့် ပထမဆုံး အင်တာဗျူး

လွန်ခဲ့သောကိုးလကဦးသိန်းစိန် မြန်မာနိုင်ငံတော်သမ္မတဖြစ်လာချိန်မှစ၍ နိုင်ငံ၏ ကျော်ကြားသောအတိုက်အခံခေါင်းဆောင်ဒေါ်အောင်ဆန်းစုကြည်အားနေ
အိမ်အကျယ်ချုပ်မှလွှတ်ပေးခဲ့ပြီး နိုင်ငံရေးအကျဉ်းသားများစွာကိုလည်းလွှတ်ပေးခဲ့သည်။ အမေရိကန်ပြည်ထောင်စုကလည်း မြန်မာနိုင်ငံနှင့် နှစ်နိုင်ငံ ပုံမှန်ဆက်ဆံရေးထူထောင်ခဲ့သည်။ ယခု ရက်သတ္တပတ်အတွင်း သမ္မတဦးသိန်းစိန်က အမေရိကန်နိုင်ငံမှ ၀ါရှင်တန်ပို့စ်သတင်းစာမှ လယ်လီဝေးမောက်သ်အား ၎င်း၏ ပထမဆုံး
နိုင်ငံတကာဂျာနယ်လစ်တစ်ဦးနှင့် အင်တာဗျူးကိုချီးမြှင့်ခဲ့သည်။ ကောက်နုတ်ချက်များမှာ-

သမ္မတဦးသိန်းစိန် - မြန်မာနိုင်ငံရဲ့မြို့တော်က ကြိုဆိုပါတယ်။ ၀ါရှင်တန်ပို့စ်ဟာ အမေရိကန်နိုင်ငံမှာ နာမည်ကျော်ကြားတဲ့ သတင်းစာတစ်စောင်ဖြစ်တယ်ဆိုတာကျွန်တော်သိပါတယ်။ ဒါဟာ နိုင်ငံခြားမီဒီယာနဲ့ ပထမဆုံး အကြိမ်တွေ့ဆုံမှုပါ။ ဒါက ကျွန်တော်တို့ရဲ့ နိုင်ငံခြားရေးဝန်ကြီး၊ ပြန်ကြားရေးနဲ့ ယဉ်ကျေးမှုဝန်ကြီးနဲ့အလုပ်သမားရေးရာဝန်ကြီးတို့ပါ။

မြန်မာနိုင်ငံမှာ သမ္မတကြီး လုပ်ဆောင်နေတဲ့ အပြောင်းအလဲတွေကို အနောက်နိုင်ငံတွေက စောင့်ကြည့်နေပါတယ်။ နိုင်ငံရေးအကျဉ်းသားတွေကိုလွှတ်ပေးတာ၊
ဒေါ်အောင်ဆန်းစုကြည် ပါတီကို ရှေ့လာမယ့် ဧပြီလ ရွေးကောက်ပွဲမှာ ၀င်ရောက်ယှဉ်ပြိုင်နိုင်အောင်လုပ်ပေးတာ၊ တချို့တိုင်းရင်းသားအုပ်စုတွေနဲ့အပစ်အခတ်ရပ်စဲကြောင်း ကြေညာခဲ့တာတွေပေါ့။ အချိန်တိုလေးအတွင်းမှာ ထူးထူးခြားခြားအပြောင်းအလဲတွေလုပ်ခဲ့ပါ တယ်။ နိုင်ငံကို ပြောင်းလဲဖို့နဲ့
ပြုပြင်ပြောင်းလဲရေးအစီအစဉ် တွေကိုစတင်ဖို့ ဘာတွေကများလှုံ့ဆော်ခဲ့ပါသလဲ။  

ကျွန်တော်တို့နိုင်ငံမှာ လက်ရှိ ကျွန်တော်တို့လုပ်နေတဲ့ ပြုပြင်ပြောင်းလဲရေးအစီအစဉ်နဲ့ပတ်သက်ပြီး တိုက်တွန်းအားပေးမှုတွေအများကြီးရှိပါတယ်။ ပြုပြင်ပြောင်းလဲရေးတွေကိုပြည်သူတို့ရဲ့ လိုအင်ဆန္ဒတွေမှာ အခြေခံပြီးလုပ်တာပါ။ ပြည်သူတွေကလည်း ကျွန်တော်တို့နိုင်ငံမှာ ငြိမ်းချမ်းရေး၊ တည်ငြိမ်ရေးနဲ့ စီးပွားရေးဖွံ့ဖြိုးတိုးတက်မှုရှိတာကိုမြင်ချင်ကြပါတယ်။ ပြည်တွင်းငြိမ်းချမ်းရေး၊ တည်ငြိမ်မှုနဲ့ စီးပွားရေးဖွံ့ဖြိုးတိုးတက်မှုရရှိဖို့ရာ ကျွန်တော်တို့နိုင်ငံမှာရှိတဲ့ နိုင်ငံရေးပါတီတွေနဲ့ ကောင်းမွန်တဲ့ဆက်ဆံရေးရှိဖို့ အရေးကြီးပါတယ်။ ဒါကြောင့် ကျွန်တော်တို့ ဒေါ်အောင်ဆန်းစုကြည်နဲ့ တွေ့ဆုံဆွေးနွေးခဲ့တာပါ။ ဒေါ်အောင်ဆန်းစုကြည်နဲ့ ကျွန်တော်တွေ့ဆုံတဲ့နေရာမှာလည်း ကျွန်တော်တို့ နှစ်ယောက်ကြားမှာ နားလည်မှုတစ်ရပ်ရရှိခဲ့ပါတယ်။ပြည်သူတွေက ငြိမ်းချမ်းရေးနဲ့တည်ငြိမ်မှုကိုမြင်ချင်တယ်။ ဒါကြောင့်လည်းကျွန်တော်တို့ တိုင်းရင်းသားလက်နက်ကိုင်အုပ်စုတွေနဲ့တွေ့ဆုံဆွေးနွေးခဲ့တယ်။ ဒါကြောင့် ကျွန်တော်တို့ရဲ့ ပြုပြင်ပြောင်းလဲရေးအစီအစဉ်ဟာ ပြည် သူတွေရဲ့ဆန္ဒနဲ့လိုလားတောင့်တမှုတွေအပေါ်မှာ အခြေခံပါတယ်။

သမ္မတကြီးကသာ ဦးမဆောင်ခဲ့ရင်ဒီလို ပြုပြင်ပြောင်းလဲမှုအစီအစဉ်ကို ပြည်သူတွေရရှိနိုင်ခဲ့မှာ မဟုတ်ပါဘူး။ နိုင်ငံရေးအကျဉ်းသားတွေကို လွှတ်ပေးဖို့ သမ္မတကြီးဆုံးဖြတ်ခဲ့တယ်။ ဒေါ်အောင်ဆန်းစုကြည်နဲ့ တွေ့ဆုံခဲ့တယ်။ နောက်တစ်ဆင့် ဘာလာဦးမလဲ။ ဒီပြုပြင်ပြောင်းလဲမှုကို ဆက်လက်လုပ်ဆောင်ဦးမလား။

ကျွန်တော်တို့ရဲ့ အနာဂတ်ရေးရာတွေနဲ့ပတ်သက်လို့ပြောရရင် ကျွန်တော်တို့ ပွင့်လင်းမြင်သာမှုကိုမြင်ချင်ပါတယ်။ ကမ္ဘာ့နိုင်ငံတွေနဲ့ ရင်းနှီးတဲ့ဆက်ဆံရေးကိုဆက်လက်ထိန်းသိမ်းထားနိုင်မယ်။ ထိန်းသိမ်းထားနိုင်လိမ့်မယ်လို့ ကျွန်တော်တို့မျှော်လင့်ပါတယ်။

ပြုပြင်ပြောင်းလဲရေးအစီအစဉ်မှာ နောက်တစ်ဆင့် ဘာလာမလဲလို့ သမ္မတကြီး ကျွန်မတို့နဲ့ မျှဝေနိုင်မလား။ သမ္မတကြီးရဲ့အနာဂတ်မျှော်မှန်းချက်ကဘာပါလဲ။
ကျွန်တော်တို့ရဲ့ ရည်ရွယ်ချက်ကို ခင်ဗျားသိဖို့လိုအပ်မယ်လို့ ကျွန်တော်ယုံကြည်ပါတယ်။ အဲဒါ တွေကတော့ ကျွန်တော်တို့နိုင်ငံမှာ ငြိမ်းချမ်းရေး၊ တည်ငြိမ်ရေးနဲ့စီးပွားရေးဖွံ့ဖြိုးတိုးတက်မှုရှိဖို့ပါ။ အနာဂတ်အတွက်ကတော့ အဲဒီ့ ရည်မှန်းချက်တွေ အောင်မြင်ဖို့ လိုအပ်တာတွေကို ကျွန်တော်တို့ ဆက်လက်လုပ်ဆောင်သွားရမှာပဲဖြစ်တယ်။

သမ္မတကြီးက အမေရိကန်နိုင်ငံနဲ့ ပုံမှန်ဆက်ဆံရေးထူထောင်ခဲ့ ပြီ။ နိုင်ငံရေးအကျဉ်းသားတွေကို လွှတ်ပေးလိုက်ပြီ။ နောက်ပြီး တချို့တိုင်းရင်းသားအုပ်စု တွေနဲ့အပစ်အခတ်ရပ်စဲရေး အောင်မြင်ခဲ့ပြီ။ သမ္မတကြီးမှာ တိကျသေချာတဲ့ နောက်တစ် ဆင့်ရှိပါသလား။

ပါလီမန်ကလည်း ရှေ့လာမယ့် (ဧပြီ၁)ကြားဖြတ်ရွေး ကောက်ပွဲမှာ ဒေါ်အောင်ဆန်းစုကြည်ပါဝင်
ယှဉ်ပြိုင်နိုင်ဖို့အတွက် ရွေးကောက်ပွဲဥပဒေကို ပြုပြင် ပြောင်းလဲခဲ့ပါတယ်။အခုဆိုရင် ဒေါ်အောင်ဆန်းစုကြည်ရဲ့ NLD ပါတီဟာလည်း နိုင်ငံရေးပါတီအဖြစ် မှတ်ပုံတင်လိုက်ပါပြီ။ ဒေါ်အောင်ဆန်းစုကြည်လည်း ရှေ့လာမယ့် ကြားဖြတ်ရွေးကောက်ပွဲမှာ ၀င်ပြိုင်ပါလိမ့်မယ်။ ပြည်သူလူထုက သူ့ကို မဲပေးကြရင် သူရွေးချယ်ခံရပြီး ပါလီမန်အမတ်တစ်ဦးဖြစ်လာပါမယ်။ သေချာပါတယ်။ ပါလီမန်ကသူ့ကိုနွေးနွေးထွေးထွေး ကြိုဆိုပါလိမ့်မယ်။ ဒါကျွန်တော်တို့ရဲ့ အစီအစဉ်ပါ။
နောက်တစ်ခု ကျွန်တော် အသိပေးပြောကြားလိုတာကတော့ ကျွန်တော်တို့နိုင်ငံမှာရှိတဲ့ တိုင်းရင်းသားလက်နက်ကိုင်အဖွဲ့တွေ အကြောင်းပါ။ ပထမဦးဆုံးအနေနဲ့နှစ်ဦးနှစ်ဖက်ကြားမှာ ယုံကြည်မှုတည်ဆောက်ဖို့လိုအပ်ပါတယ်။ တချို့ကိစ္စတွေမှာတော့ ကျွန်တော်တို့ သဘောတူညီမှုတွေရရှိပြီးပါ ပြီ။ ဒီသဘောတူညီချက်ကနေပြီးနှစ်ဖက်စလုံး သဘောတူညီချက် တစ်ရပ်လက်မှတ်ထိုးပြီး လက်နက်ကိုင်ဆောင်ခြင်းမပြုဘဲ ဥပဒေဘောင်အတွင်း ၀င်ရောက်ဖို့ လိုအပ်ပါတယ်။

သမ္မတကြီးတို့ ကရင်အဖွဲ့နဲ့ အပစ်အခတ်ရပ်စဲရေး သဘောတူညီခဲ့ပြီမဟုတ်လား။
ကျွန်တော်တို့နိုင်ငံမှာ လက်နက်ကိုင်အဖွဲ့ စုစုပေါင်း ၁၁ ဖွဲ့ ရှိပါတယ်။ အဲဒီ့အဖွဲ့တွေအကုန် လုံးနဲ့ ကျွန်တော်တို့ တွေ့ဆုံဆွေးနွေးခဲ့ပါတယ်။ အဲဒီ့ထဲမှာ တချို့တိုင်းရင်းသားလက်နက်ကိုင်အုပ်စုတွေနဲ့ ကျွန်တော်တို့ သဘောတူ ညီချက်တွေရရှိခဲ့ပါတယ်။ ဒါပေမဲ့ ဒါဟာမပြီးဆုံးသေးပါဘူး။ ကျွန်တော်တို့ ညှိနှိုင်းဆွေးနွေးမှုတွေဆက်လုပ်နေပါတယ်။

သူတို့တွေ (တိုင်းရင်းသားလက် နက်ကိုင်အဖွဲ့တွေ) ဥပဒေ ဘောင်အတွင်း ပြန်လာသင့်တယ်လို့ ပြောတာလား၊ သမ္မတကြီး ဘာကိုဆိုလိုချင်တာပါလဲ။
ဒါဟာ နှစ်ဖက် သဘောတူညီမှုအပေါ်မှာ အခြေခံထားတာပါ။ မကြာခင် ကျွန်တော်တို့နိုင်ငံမှာ ထာဝရငြိမ်းချမ်းရေးရရှိဖို့ ကျွန်တော်တို့ ကြိုးစားပါမယ်။ ဒါပေမဲ့ အချိန်တော့နည်းနည်းလိုပါတယ်။

အကယ်၍ ရှေ့လာမယ့် ရွေးကောက်ပွဲမှာ ဒေါ်အောင်ဆန် စုကြည် အခြေအနေကောင်း တယ်ဆိုရင် သူ့ကို ၀န်ကြီးနေရာ တစ်နေရာပေးဖို့ စဉ်းစားထားလား။
ဒါဟာ ရွေးကောက်ပွဲနဲ့ ပြည်သူတွေက သူ့ကို မဲပေး၊ မပေးပေါ်မှာမူတည်ပါတယ်။ သူ ရွေးချယ်ခံရပြီဆိုရင် ဒေါ်အောင်ဆန်းစုကြည် ပါလီမန်အမတ်ဖြစ်လာပါလိမ့်မယ်။ အခုကျွန်တော်တို့ အစိုးရအဖွဲ့ထဲမှာရှိတဲ့ ၀န်ကြီးတွေအားလုံးဟာ ပါလီမန်ရဲ့ သဘောတူညီချက်အပေါ်မှာ အခြေခံပြီး ခန့်အပ်ထားတာပါ။

သမ္မတကြီး သူ့ကို (ဒေါ်အောင် ဆန်းစုကြည်)၀န်ကြီးတစ်ဦးဖြစ်လာတာ မြင်ချင်ပါသလား။

ခန့်အပ်ခံရတယ် ဒါမှမဟုတ် ပါလီမန်က သဘောတူညီလိုက် တယ်ဆိုရင် သူ(ဒေါ်အောင်ဆန်းစုကြည်) ၀န်ကြီးအဖွဲ့ဝင်ဖြစ်လာတာကို ကျွန်တော်တို့ လက်ခံရပါလိမ့်မယ်။

အနာဂတ် အမေရိကန်-မြန်မာ ဆက်ဆံရေးအတွက် သမ္မတကြီး ရဲ့မျှော်မှန်းချက်က ဘာပါလဲ။
 အဲဒီ့ဆက်ဆံရေးအတွက် သမ္မတကြီးရဲ့ မျှော်လင့်ချက်တွေကဘာပါလဲ။
နောက်ဘယ်လိုများ ဖွံ့ဖြိုးပြောင်းလဲစေလိုပါသလဲ။

အမေရိကန်-မြန်မာဆက်ဆံ ရေးနဲ့ပတ်သက်ပြီး ကျွန်တော်အချက်သုံးချက်ပြောလိုပါတယ်။ ပထမဦးဆုံး ကျွန်တော်တို့ အမေရိကန်နိုင်ငံနဲ့ တွေ့ဆုံဆွေးနွေးပြီးပါပြီ။နိုင်ငံခြားရေးဝန်ကြီး မစ္စဟီလာရီကလင်တန် ကျွန်တော်တို့ နိုင်ငံကိုလည်ပတ်ခဲ့တယ်။ နောက်ဒီနေ့ပဲ ကျွန်တော်တို့ဆီကို အထက်လွှတ်တော် မစ်ခ်ျမက်ကော်နယ်
လာလည်တယ်။ ဒုတိယအချက်ကတော့ ကျွန်တော်တို့ကို (သံတမန်ဆက်ဆံရေးမှာ) သံအမတ်ကြီးအဆင့်နဲ့ ကိုယ်စားမပြုရသေးဘူး။ ဒီ(သံတမန်) ကိုယ်စားပြုခြင်းကိုမြှင့်တင်မယ်လို့ ကျွန်တော်တို့ မျှော်လင့်ပါတယ်။ တတိယတစ်ချက်ကျွန်တော်ပြောချင်တာကတော့ အမေရိကန်နဲ့ အီးယူ (ဥရောပသမဂ္ဂ)က ကျွန်တော်တို့ နိုင်ငံအပေါ်စီးပွားရေးပိတ်ဆို့မှုတွေလုပ်ထားပါတယ်။ အခုဆိုရင်နှစ်ပေါင်း ၂၀ နီးပါးရှိပြီ။ ဒါတွေကို ဖြေလျှော့ပေးတာ ကျွန်တော်မြင်ချင်ပါတယ်။ နောက် တဖြည်းဖြည်းနဲ့ပိတ်ဆို့မှုတွေကိုဖယ်ရှား ပေးဖို့ပါ။

နိုင်ငံခြားရေးဝန်ကြီး မစ္စကလင်တန်က ပြီးခဲ့တဲ့ ရက်သတ္တပတ်ကပဲ ဆက်ဆံရေးကို ပုံမှန်ဖြစ် အောင်လုပ်မယ်၊ အမေရိကန်နဲ့ မြန်မာနိုင်ငံသံအမတ်ကြီးတွေဖလှယ်ကြမယ်လို့ ကြေညာခဲ့ပါ တယ်။

ဟုတ်ပါတယ်။ ကျွန်တော်လည်း သတင်းတွေကြားပါတယ်။ ဒီနေ့ထိတော့ သံအမတ်တစ်ဦးခန့်အပ်လိုက်တယ်ဆိုပြီး မကြေညာသေးပါဘူး။ အနောက်နိုင်ငံတွေကကျွန်တော်တို့ကို လုပ်စေချင်တဲ့ လိုအပ်ချက်သုံးချက်ရှိပါတယ်။ ပထမတစ်ချက်က နိုင်ငံရေးအကျဉ်းသားတွေ လွှတ်ပေးဖို့၊ ဒုတိယတစ်ချက်က ရွေးကောက်ပွဲကျင်းပဖို့၊တတိယ တစ်ချက်က ဒေါ်အောင်ဆန်းစုကြည်နဲ့ တခြားလူတွေ ကျွန်တော်တို့ရဲ့ နိုင်ငံရေးအစီအစဉ်မှာ ပါဝင်လာဖို့ ဆိုပြီးဖြစ်ပါတယ်။ ကျွန်တော်တို့ ဒီသုံးချက်စလုံးကိုအောင်မြင် အောင် လုပ်ဆောင်ပြီးပြီလို့ယုံ ကြည်တယ်။ အနောက်နိုင်ငံတွေကလည်း သူတို့ဘက်က လုပ်စရာ ရှိတာ လုပ်ပေးဖို့လိုအပ်ပါတယ်။ ခုနကျွန်တော်ပြောခဲ့တဲ့အချက် သုံးချက်ကို အရေးယူဆောင်ရွက် ရာမှာလည်း တခြားသူတွေက ကျွန်တော်တို့နိုင်ငံအပေါ် ဖိအား ပေးနေလို့ လုပ်ခဲ့တာမဟုတ်ပါဘူး။
ကျွန်တော်တို့ လုပ်ခဲ့တာ ကျွန်တော်တို့ နိုင်ငံအတွက် လို အပ်တယ်ထင်လို့ လုပ်ခဲ့တာပါ။

ဒါဟာ ပိတ်ဆို့တားဆီးမှုတွေရဲ့ ဖိအားကြောင့် (ပြုပြင်ပြောင်းလဲ ရေးတွေလုပ်ဖို့ တွန်းအားဖြစ်လာတာ)မဟုတ်ဘူးလား။ ပိတ်ဆို့တားဆီးမှုတွေက အလုပ်မဖြစ်ဘူးလား။
ပိတ်ဆို့တားဆီးမှုတွေက ကျွန်တော်တို့ အစိုးရကို ထိခိုက်စေဖို့ရည်ရွယ်ခဲ့တာပါ။ ဒါပေမဲ့ တကယ်တမ်းကျတော့ နိုင်ငံသားတွေရဲ့ အကျိုးစီးပွားပဲထိခိုက်ခဲ့ပါ တယ်။ ယခင်အစိုးရကိုလည်း မထိခိုက်ပါဘူး။ ကျွန်တော်တို့ နိုင် ငံမှာ ဒီမိုကရေစီစနစ်ဆီကို လွှဲပြောင်းပေးနိုင်ဖို့ရာ (ယခင် အစိုးရက)လုပ်ငန်းစဉ်တွေချမှတ်ခဲ့တာ ဖြစ်ပါတယ်။

၂၀၀၄ ခုနှစ်က ချမှတ်ခဲ့တဲ့ အဆင့်ခုနစ်ဆင့်အစီအစဉ်အကြောင်း သမ္မတကြီးပြောနေတာလား။

ကျွန်တော်တို့နိုင်ငံမှာ ဒီမို ကရေစီစနစ် အကောင်အထည် ဖော်နိုင်အောင် ယခင်အစိုးရက အချက်ခုနစ်ချက်ပါ အစီအစဉ်ကိုချမှတ်ခဲ့တာဖြစ်ပါတယ်။ သူတို့ကလိုအပ်တာတွေကို တစ်ဆင့်ချင်းလုပ်ကိုင်ခဲ့တာပါ။

ဒီမိုကရေစီကို အကောင်အထည် ဖော်နိုင်ဖို့ သူတို့က အဲဒီ့အစီအစဉ်ကို ချမှတ်ခဲ့တယ်ပေါ့။

ဒါဟာ အမှန်ပါပဲ။

သမ္မတကြီး ဘာဖြစ်လို့ အခုချိန် မှာ ပြုပြင်ပြောင်းလဲမှုတွေလုပ် နေသလဲလို့ လူတွေက တွေးတောနေကြတယ်။ သမ္မတကြီးရဲ့ အဖြေကတော့ ဒါဟာ ဟိုးအချိန်အကြာကြီးကတည်းက စီစဉ်ထားခဲ့ပြီး အဆင့်ဆင့်သွား နေတယ်လို့ ပြောချင်တာပေါ့။

စနစ်တစ်ခုကို ပြောင်းလဲတဲ့ အခါမှာ နေ့ချင်းညချင်း ပြောင်းလဲလို့မရပါဘူး။ နေ့ချင်းညချင်း ပြောင်းလဲဖို့ ကြိုးစားခဲ့တဲ့ နိုင်ငံတချို့ယိုယွင်းပျက်စီးသွားခဲ့ကြပါတယ်။ဒါကြောင့်လည်း ကျွန်တော်တို့က အဆင့်ခုနစ်ဆင့်ပါ လမ်းပြမြေပုံကို ရေးဆွဲပြီးတော့ တစ်ဆင့်ချင်း လုပ်ကိုင်သွားတာပါ။ ကျွန်တော်တို့ဟာ ဒီမိုကရေစီ စနစ်နဲ့အညီရွေးကောက်တင် မြှောက်ထားတဲ့ အစိုးရဆိုတာ ခင်ဗျားမြင်တွေ့နိုင်ပါတယ်။

ဒါပေမဲ့ အစိုးရအဖွဲ့ရဲ့ ၂၅ ရာ ခိုင်နှုန်းကို စစ်တပ်အတွက်ဖယ် ထားပါတယ်။ နောက်ပြီး သမ္မတကြီးကိုယ်တိုင်အပါအ၀င် အစိုးရ အဖွဲ့ဝင်အများစုဟာ စစ်ဘက်အရာရှိဟောင်းတွေပါ။ ကျွန်မ တို့အတွက် ဒီမိုကရေစီဆိုတာ အရပ်ဘက် အစိုးရက စစ်တပ်အပေါ် သြဇာရှိတယ်လို့ အဓိပ္ပာယ်ရပါတယ်။

စစ်ဘက်ဟာ အမှုဆောင် အဖွဲ့အစည်း(၀န်ကြီးအဖွဲ့)မှာ ပါဝင်ပတ်သက်မှုမရှိတော့ပါဘူး။ ခင်ဗျား ကျွန်တော်တို့ ပါလီမန်ကို ကြည့်မယ်ဆိုရင်တောင်မှ လေးပုံတစ်ပုံကိုစစ်တပ်အတွက် ဖယ်ထားပါတယ်။ ကျွန်တော်တို့ စစ် ဘက်ကို နောက်ချန်ထားလို့မရပါဘူး။ ဘာဖြစ်လို့လဲဆိုတော့ ကျွန် တော်တို့ တိုင်းပြည်ရဲ့ ဖွံ့ဖြိုးတိုးတက်မှုမှာစစ်ဘက်ရဲ့ ပါဝင်ဆောင်ရွက်မှုကို ကျွန်တော်တို့လိုအပ်လို့ဖြစ်ပါတယ်။

အမေရိကန်ရဲ့ အမြင်ကတော့ တောင့်တင်းတဲ့ စစ်ဘက်ရှိရပါ မယ်။ ဒါပေမဲ့ အရပ်သားတွေက အာဏာရှိရမယ်လို့ဖြစ်ပါ လိမ့်မယ်။ ကျွန်မတို့ရဲ့ သမ္မတဟာ ကျွန်မတို့နိုင်ငံစစ်ဦးစီးချုပ် ထက်ပိုပြီးသြဇာအာဏာကြီးပါတယ်။ ကျွန်မတို့အတွက်တော့ အဲဒါဟာ ဒီမိုကရေစီဖြစ်ပါတယ်။ ဆိုတော့ ဒီပြုပြင်ပြောင်းလဲရေးအစီအစဉ်ကို သမ္မတကြီးဘယ်လောက်ထိ လုပ်သွားမလဲ။

ကျွန်တော်တို့ရဲ့ အခြေခံဥပဒေကို လေ့လာနိုင်မယ်လို့ထင်ပါတယ်။ (အဲဒီ့အခြေခံဥပဒေအရ) ကျွန်တော်တို့ရဲ့ နိုင်ငံမှာလည်း သမ္မတကလက်နက်ကိုင်တပ်ဖွဲ့တွေရဲ့အကြီးအကဲကိုခန့်အပ်ပါတယ်။

အမေရိကန်ဟာ သမ္မတကြီးတို့ နိုင်ငံနဲ့ မြောက်ကိုရီးယားနိုင်ငံရဲ့ ဆက်ဆံရေးကို ပူပန်နေပါတယ်။ အထက်လွှတ်တော်အ မတ်ရစ်ချက်လူဂါကလည်း မကြာသေးမီကပဲသမ္မတကြီးတို့ နိုင်ငံဟာ ကိုရီးယားပြည်သူ့ဒီမို ကရက်တစ်သမ္မတနိုင်ငံရဲ့ အကူအညီနဲ့ နျူကလီးယားအစီအစဉ် တစ်ရပ် လုပ်ဆောင်နိုင်ကောင်း လုပ်ဆောင်နေမယ်လို့ပြောကြားခဲ့ပါတယ်။ သမ္မတကြီး ဒီအပေါ်မှာ မှတ်ချက်ပေးနိုင်မလား၊ မြောက်ကိုရီးယားနိုင်ငံနဲ့ စစ်ဘက်အဆက်အသွယ်တွေကို ဖြတ်တောက်ဖို့ စိတ်အားထက်သန်ပါသလား။

ကျွန်တော်တို့မှာ ကိုရီးယား ပြည်သူ့ဒီမိုကရက်တစ်သမ္မတနိုင်ငံ နဲ့ သံတမန်ရေးဆက်ဆံမှုရှိပါတယ်။ (ဒါပေမဲ့)ကျွန်တော်တို့မှာ စစ်ဘက်ပူးပေါင်းဆောင်ရွက်ရေး ဒါမှမဟုတ်နျူကလီးယားအစီအစဉ်နဲ့ပတ်သက်တဲ့ ဘယ်လို ဆက်ဆံရေးမျိုးမှမရှိပါဘူး။ ဒါတွေဟာ စွပ်စွဲချက်တွေပဲဖြစ်ပါတယ်။ နိုင်ငံတကာရေးရာ နယ်ပယ်မှာ ကျွန်တော်တို့နိုင်ငံဟာ
နျူကလီး ယားလက်နက်မပြန့်ပွားရေးအတွက် ရပ်တည်နဲ့ နိုင်ငံတစ်နိုင်ငံ ဖြစ်ပါတယ်။ ကုလသမဂ္ဂဆုံးဖြတ်ချက်တွေကို ကျွန်တော်တို့ အမြဲ တမ်းလိုက်နာခဲ့ပါတယ်။(နျူကိစ္စနဲ့ပတ်သက်တာ)တွေဟာ စွပ်စွဲချက်သက်သက်ပဲဖြစ်ပါတယ်။ ကျွန်တော်တို့မှာ မြောက်ကိုရီးယားနိုင်ငံနဲ့ ဘယ်လို နျူကလီးယား ဒါမှမဟုတ် လက်နက်ပူး
ပေါင်းဆောင်ရွက်မှုမျိုးမှမရှိပါဘူး။ မြောက်ကိုရီးယားနိုင်ငံကလည်း ကျွန်တော်တို့ နိုင်ငံအတွက် အကူအညီပေးနိုင်တဲ့အခြေအနေမရှိပါဘူး။ နောက်ပြီး ကျွန်တော်တို့ မှာနျူကလီးယားအစီအစဉ်ကို အကောင်အထည်ဖော်နိုင်တဲ့ ငွေကြေးအင်အားမရှိပါဘူး။

သမ္မတကြီးတို့နိုင်ငံကို နိုင်ငံတ ကာအဏုမြူစွမ်းအင်အေဂျင်စီက စစ်ဆေးရေးမှူးတွေကိုခွင့်ပြုဖို့ ဆန္ဒရှိပါသလား။

ကျွန်တော်တို့ဟာ နိုင်ငံတကာအဏုမြူစွမ်းအင်အေဂျင်စီရဲ့ထပ်တိုးထားတဲ့ စည်းမျဉ်းစည်းကမ်းတွေကို လက်မှတ်ထိုးဖို့ လုပ်ဆောင်နေပါတယ်။ ဒါကို လေ့လာဖို့လိုအပ်ပါတယ်။ အတည်ပြုပေးဖို့ ကျွန်တော်တို့ လွှတ်တော်ကိုလည်း တင်ပြရပါဦးမယ်။

အမေရိကန်စာဖတ်သူတွေကို သမ္မတကြီး ပြောချင်တာများရှိပါသေးသလား။

ကျွန်တော့်ရဲ့ သတင်းစကားကတော့ ကျွန်တော်တို့ဟာ ဒီမိုကရေစီလမ်းကြောင်းမှန်ပေါ်ရောက်နေပါပြီ။ လမ်းကြောင်းမှန်ပေါ် ရောက်နေတဲ့အတွက် ကျွန်တော်တို့ရှေ့ဆက်သွားဖို့ပဲရှိပါ တယ်။ နောက်ပြန်လှည့်ဖို့ ရည်ရွယ်ချက်လုံးဝမရှိပါဘူး။ ကျွန်တော်တို့ အစိုးရတက်လာတာ ကိုးလပဲရှိပါသေးတယ်။ ဒီမိုကရေစီအတွေ့အကြုံနဲ့အလေ့အ ကျင့်တွေအတွက်တော့ ကျွန်တော်တို့မှာ အတွေ့အကြုံနဲ့ အလေ့အကျင့် အနည်းအကျဉ်းပဲရှိပါသေး တယ်။ နှစ်ပေါင်းတစ်ရာကျော် ဒီမိုကရေစီကျင့်သုံးခဲ့တဲ့ အမေရိကန်လို နိုင်ငံနဲ့တော့ ကျွန်တော်တို့ နှိုင်းယှဉ်နိုင်မယ်လို့ မထင်ပါဘူး။ ကျွန်တော်တို့နိုင်ငံမှာ ဒီမိုကရေစီ ထွန်းကားဖို့ အဓိကလိုအပ်ချက် နှစ်ချက်ရှိပါတယ်။ ပထမ တစ်ချက်ကပြည်တွင်းငြိမ်းချမ်းရေးနဲ့ တည်ငြိမ်မှုပါ။ ဒုတိယကတော့ ကျွန်တော်တို့ စီးပွားရေးဖွံ့ဖြိုးတိုးတက်မှုလိုအပ်ပါတယ်။ (ဒါကြောင့်လည်း) ကျွန်တော်တို့ ပြည်သူတွေရဲ့လူမှုဘ၀တိုးတက်လာဖို့အ တွက် ကျွန်တော်တို့ရဲ့ စီးပွားရေး ဖွံ့ဖြိုးတိုးတက်လာအောင် လိုအပ်တာတွေကို ကျွန်တော်တို့ လုပ်ဆောင်နေပါတယ်။ နောက် ကျွန်
တော်တို့နိုင်ငံသားသုံးသန်းလောက် တခြားနိုင်ငံတွေမှာ အလုပ်လုပ်နေပါတယ်။ ကျွန်တော်တို့နိုင်ငံမှာ ဆင်းရဲနွမ်းပါးမှု ၂၆ ရာခိုင်နှုန်းရှိပါတယ်။ ဒါဟာ ဘာကြောင့်လဲဆိုတော့ ကျွန်တော်တို့နိုင်ငံအပေါ် အနှစ် ၂၀ ကျော်လောက် ပိတ်ဆို့ တားဆီးမှုတွေ ချမှတ်ထားလို့ဖြစ် ပါတယ်။ ကျွန်တော်တို့နိုင်ငံမှာ ဒီမိုကရေစီ ရှင်သန်ကြီးထွားလာ တာကိုခင်ဗျားတို့ မြင်ချင်တယ်ဆိုရင် ကျွန်တော်တို့ နိုင်ငံအပေါ်မှာ ထားရှိတဲ့ ပိတ်ဆို့တားဆီးမှုတွေကို ဖြေလျှော့ပေးခြင်းဖြင့် အားပေးကူညီဖို့ လိုအပ်တာတွေ
ကိုလုပ်ကိုင်သင့်ပါတယ်။

နိုင်ငံရဲ့ စီးပွားရေးကို တည်ဆောက်ပြီး ဖွံ့ဖြိုးတိုးတက်စေချင်တယ်ဆိုရင် တချို့လုပ်ငန်းတွေကို ပုဂ္ဂလိကပိုင်ပြုလုပ်ပြီး နိုင်ငံခြားရင်းနှီးမြှုပ်နှံသူတွေကို ပေးဝင်ဖို့ဆန္ဒရှိပါသလား။

ကျွန်တော်တို့ နိုင်ငံခြားရင်း နှီးမြှုပ်နှံသူတွေကို ကြိုဆိုပါတယ်။ နိုင်ငံခြားရင်းနှီးမြှုပ်နှံမှုနဲ့ပတ်သက်တဲ့ ကျွန်တော်တို့ရဲ့ ဥပဒေကိုလည်း လိုအပ်တဲ့ပြင်ဆင်မှုတွေလုပ်ထားပါတယ်။ ဒါပေမဲ့ ကျွန်တော်တို့နိုင်ငံအပေါ် ပိတ်ဆို့တားဆီးမှုတွေကို ဖြေလျှော့လိုက်မှသာ နိုင်ငံခြားရင်းနှီးမြှုပ်နှံသူတွေဝင်လာ မှာဖြစ်ပါတယ်။

ဒါပေမဲ့ နိုင်ငံခြားရင်းနှီးမြှုပ်နှံသူတွေက ဥပဒေစိုးမိုးရေးနဲ့ တရားရုံးတွေကိုလည်း တောင်းဆိုကြပါလိမ့်မယ်။

နိုင်ငံခြားသားတွေ ကျွန်တော်တို့နိုင်ငံမှာ ရင်းနှီးမြှုပ်နှံမှုလုပ်ဖို့ ဘယ်လိုအခက်အခဲမျိုးမှရှိတယ်လို့ ကျွန်တော်မထင်ပါဘူး။ သူတို့အတွက် တစ်ခုတည်းသော အခက်အခဲကပိတ်ဆို့တားဆီးမှုတွေပဲဖြစ်ပါတယ်။

ဒီနိုင်ငံမှာ လွတ်လပ်တဲ့မီဒီယာ ကိုခွင့်ပြုဖို့ သမ္မတကြီးစိတ်အားထက်သန်ပါသလား။ ၁၉၆၂ ခု နှစ် မီဒီယာဥပဒေကို ဖျက်သိမ်း၊ နေ့စဉ် သတင်းစာတွေ ပုံနှိပ်ခွင့်ပြုပြီးမီဒီယာကို ပုဂ္ဂလိကပိုင်ဆိုင်ခွင့်ပြုဖို့ရောရှိပါသလား။

မီဒီယာလွတ်လပ်ခွင့်နဲ့ပတ်သက်ရင် အရင်ကနဲ့ မတူတော့ဘူးဆိုတာ ခင်ဗျားတွေ့နိုင်ပါတယ်။ ကျွန်တော်တို့နိုင်ငံမှာ နေ့စဉ် ဂျာနယ်တစ်စောင်ထုတ်ဝေနေပါတယ်။(မီဒီယာကလည်း) စာစောင်ထဲမှာ လွတ်လွတ်လပ်လပ်ရေးသားဖော်ပြနိုင်ပါတယ်။ ဒါပေမဲ့လည်း ကျွန်တော်တို့မှာ ဒီမိုကရေစီအလေ့အကျင့်တွေ လိုအပ်ပါသေးတယ်။မီဒီယာက တာဝန်ယူပြီး လုပ်သင့်တာတွေ လုပ်ဖို့လိုအပ်ပါတယ်။ မီဒီယာလွတ်လပ်မှုဟာ သူတို့ တာဝန်ခံနိုင်တဲ့အပေါ်မှာ အခြေတည်ပါလိမ့်မယ်။
—Ref: The Washinton Post
7Day News Journal မှ ဘာသာပြန်ဆိုသည်။