စက္ဆန္းမီးေဘးသင္႕ ျပည္သူမ်ား အကူအညီလိုအပ္လ်က္ရွိ



Share/Bookmark
ပုစြန္ေတာင္ၿမိဳ႕နယ္ ABC စက္စန္းကုန္ေလွာင္ရံု မီးေလာင္ကြ်မ္းျခင္းေၾကာင့္ ကယ္ဆယ္ေရးစခန္းဖြင့္ထားေသာ အ.မ.က ေက်ာင္းအမွတ္ ၂၀ ႏွင့္ ၂၄ မွ မီးေဘးသင့္ ေဒသခံမ်ားကို ယေန႕နံနက္ ၆နာရီ၀န္းက်င္တြင္ ပုသိမ္ညႊန္႕ ရာေက်ာ္ ေက်ာင္းတိုက္သို႕ ေျပာင္းေရႊ႕ေနရာခ်ထားေပးခဲ့ေၾကာင္း သိရွိရသည္။

ပုသိမ္ညႊန္႕ ရာေက်ာ္ ေက်ာင္းတိုက္တြင္ ေနအိမ္ဆံုးရံႈးသူ ဦးေရ ႏွစ္ရာေက်ာ္ ရွိၿပီး ဒဏ္ရာရရွိသူမ်ားကို  အမ်ိဳးသားဒီမိုကေရစီအဖြဲဲ႕ခ်ဳပ္မွ အဖြဲ႕၀င္မ်ား ႏွင့္ ေရႊဂံုတိုုင္ ေဆးရံုမွ ဆရာ၀န္မ်ား အခမဲ့ လာေရာက္ ကုသေပးလ်က္ ရွိေၾကာင္း သိရွိရသည္။

“ကြ်န္ေတာ္က ေခါင္းထိသြားတယ္ ကြ်န္ေတာ့္ညီမေလးထိမွာဆိုးလို႕ ကာေပးလိုက္တာ ဆရာ၀န္ေတြ အခမဲ့ ကုသေပးပါတယ္ “ဟု ကတိုးရပ္ကြက္ေန အသက္ ၁၂ႏွစ္၀န္းက်င္ကေလးငယ္ တစ္ဦးက ေျပာသည္။

အဆိုပါ ေက်ာင္းတိုက္မွ မီးေဘးသင့္ ေဒသခံမ်ားသည္ ေဆး၀ါးကုသမႈ လံုေလာက္စြာရွိေသာ္လည္း အ၀တ္အထည္ႏွင့္ အိမ္ယာခင္းမ်ား လိုအပ္လ်က္ရွိေၾကာင္း ကယ္ဆယ္ေရးစခန္းမွ ကူညီေပးသူမ်ားထံမွ သိရွိရသည္။

“ဒီမွာ ေဆး၀ါးအတြက္ကေတာ့ လာၿပီးကူညီေပးၾကပါတယ္ အစားအေသာက္ကလည္း သိပ္မပူရေသးဘူး အခုလိုအပ္ေနတာက အ၀တ္အထည္ေပါ့ သူတို႕က မီးေပါက္ကြဲမႈစျဖစ္ေတာ့ အ၀တ္တစ္ထည္ ကိုယ္တစ္ခုနဲ႕ ေျပးလာေတာ့ ဘာမွ ယူခ်ိန္မရဘူး ေဆာင္းတြင္းဆိုေတာ့လဲ ေအးေတာ့ သူတို႕အတြက္ အ၀တ္အစားတို႕ ေစာင္တို႕ ျခင္ေထာင္တို႕ လိုအပ္တယ္” ဟု အမ်ိဳးသားဒီမိုကေရစီအဖြဲ႕ခ်ဳပ္ အဖြဲ႕၀င္ ကိုလွေဌးက ေျပာသည္။

မီးေလာင္ကြ်မ္းခဲ့သည့္ကုန္ေလွာင္ရံုနွင့္ မ်က္ႏွာခ်င္း ဆုိင္တြင္ရွိေသာ ကူးတို ့ဆိပ္ရပ္ကြက္ သည္ မီးကူး                 စက္ေလာင္ကြ်မ္းျခင္း မခံခဲ့ရေသာ္လည္း၊ ကုန္ေလွာင္ရံုအတြင္း ေပါက္ကဲြ မႈအရွိန္ေၾကာင္ ့အိမ္ေျခ၂၅၀                              ခန္ ့ၿပိဳလဲပ်က္စီးသြားခဲ့ၿပီး  အဆိုပါရပ္ကြက္မွ ေဒသခံမ်ားသည္ ပုသိမ္ညႊန္႕ ရာေက်ာ္ေက်ာင္းတိုက္တြင္ ထားရွိထားေၾကာင္း စံုစမ္းသိရွိရသည္။

လွဴဒါန္းလိုသူမ်ားအေနျဖင္႕  ပုသိမ္ညႊန္႕ ရာေက်ာ္ ေက်ာင္းတိုက္သို႕ လာေရာက္လွဴဒါန္းႏိုင္ေၾကာင္း သိရွိရသည္။
၀င့္သင္ဇာေက်ာ္ (ျမစ္မခ)
ဒီဇင္ဘာ ၂၉၊ရန္ကုန္ၿမိဳ႕။


Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ