နိုင်ငံတော်သံဃမဟာနာယကအဖွဲ့ ၄၇ပါး စုံညီ အစည်းဝေးကို ၂၀၁၈ ခုနှစ် ဖေဖော်ဝါရီလ ၂၀ ရက်နေ့ကပြုလုပ်ခဲ့စဉ်/ Photo: Htet Arkar/RFA |
ရန်ကုန်မြို့ ကမ္ဘာအေးကုန်းမြင့်မှာ ကျင်းပတဲ့ ၁၆ ကြိမ်မြောက် နိုင်ငံတော်သံဃမဟာနာယကအဖွဲ့ ၄၇ပါး စုံညီ အစည်းဝေးမှာ ပြည်ထာင်စုဝန်ကြီး သူရဦးအောင်ကိုက လျှောက်ထားခဲ့တာဖြစ်ပါတယ်။
"အဆိုပါရဟန်းသာမဏေများထဲမှ အချို့သောရဟန်းသာမဏေများသည် သာသနာတော်၏ ကျေးဇူးဂုဏ်ကိုမစာင့်၊ မိမိတို့နောင်ရေးကိုလည်း သတိမရောက်ဘဲ သာသနာတော်တရပ်လုံးကို မထီမဲ့မြင် ပြုမူနေထိုင်ပြီး သာသနာ့ဝန်ထမ်း ရဟန်းအချင်းချင်းကိုလည်း မငဲ့၊ ဒါယကာ ဒါယိကာမများ၏ သဒ္ဓါတရားကို ဖျက်ဆီးလျက် သာမဏသာရုပ္ပမဖြစ်သော ကာယကံမှု၊ ဝစီကံမှုတို့ကို ကျူးလွန်နေကြပါသည်ဘုရား။ ထိုသို့ ကျူးလွန်နေခြင်းကြောင့် အခြားသီတင်းသုံးဖော် ရဟန်းကောင်း သာမဏေကောင်းတို့၏ အကျင့်သိက္ခာကို မှေးမှိန်ရာရောက်စေသည့်အပြင် မြတ်စွာဘုရားသာသနာတော် အဓွန့်ရှည်မှုကိုလည်း အန္တရာယ်ပြုရာ ရောက်နေပါသည်ဘုရား သို့ဖြစ်ပါ၍ နိုင်ငံတော်သံဃမဟာနာယကအဖွဲ့ကြီးက ထုတ်ပြန်ပြီးဖြစ်သော ညွှန်ကြားလွှာအမှတ် (၇၂) နှင့်အညီ အောက်ခြေသံဃာ့ အဖွဲ့အစည်းအဆင့်ဆင့်တို့၏ ဓမ္မစက်ကို အာဏာပိုင်အဖွဲ့အစည်းအဆင့်ဆင့်တို့၏ အာဏာစက်ဖြင့် အကောင်အထည်ဖော်ဆောင်ရွက်နိုင်ရေး ထပ်မံညွှန်ကြားသင့်ပါကြောင်း လျှောက်ထားလိုပါသည်ဘုရား"
သံဃာတော်တွေကို နိုင်ငံတော်သံဃမဟာနာယကအဖွဲ့ကြီးက ထုတ်ပြန်ထားတဲ့ ညွန်ကြားလွှာအမှတ် ၇၂ နဲ့အညီ အရေးယူမှုတွေပြုလုပ်နိုင်တဲ့အထဲမှာ ရဟန်းသံဃာတော်တွေ သီတင်းသုံးနေတဲ့ ဘုန်းကြီးကျောင်းတွေကနေ ဖယ်ရှားခံရမယ့် ပြစ်ဒဏ်တွေ ပါဝင်ပါတယ်။
မဟန ဥက္ကဌဆရာတော်ကြီးကလည်း ဝီနည်းနဲ့မညီတဲ့ ရဟန်းသံဃာတော်တွေကို နိုင်ငံတော်သံဃမဟာနာယကအဖွဲ့ကြီးက ထုတ်ပြန်တဲ့ ညွန်ကြားလွှာအမှတ်(၇၂) နဲ့အညီ ဆောင်ရွက်ဖို့ သြ၀ါဒပေးခဲ့ပါတယ်။
ဒါ့အပြင် မဟန ဥက္ကဌ တာဝန်ကနေ နှုတ်ထွက်ဖို့ ဆရာတော်ကြီးက အစည်းအဝေးမှာ ဆရာတော် ၄၇ပါးရဲ့ သဘောထားကိုယူခဲ့ရာမှာ နှုတ်ထွက်ဖို့ သဘောမတူကြပါဘူး။
RFA Burmese
https://www.rfa.org/burmese
ဝိနည်းနဲ့မညီတဲ့ သံဃာတွေကို အာဏာစက်နဲ့ အရေးယူနိုင်ရေး ဝန်ကြီး လျှောက်ထား
Reviewed by THITHTOOLWIN
on
19:50
Rating: