![]() |
ဓာတ်ပုံ - သိမ်းဆည်းရရှိခဲ့တဲ့ပစ္စည်းတွေ။ |
တနင်္သာရီတိုင်းမ်၊ အောက်တိုဘာ ၄
လောင်းလုံးမြို့နယ်၊ ပန္ဒလဲကျေးရွာက စွန်ရဲအမည်ခံပျူစောထီးအဖွဲ့ဝင် အမျိုးသမီး ၁ ဦးနဲ့ အမျိုးသား၂ ဦးတို့ကို ဒီနေ့နေ့လည် ၁ နာရီအချိန်ကရှင်းလင်းခဲ့တယ်လို့ လောင်းလုံးPDFက သတင်းထုတ်ပြန်ပါတယ်။
အသတ်ခံရသူတွေဟာ ဦးသောင်းနိုင်၊ ကိုမင်းနိုင်နဲ့ ဒေါ်တင်ရှိန်တို့ဖြစ်ကြပြီး သူတို့ဟာကျေးရွာအတွင်းမှာ အကြမ်းဖက်မှုတွေကိုလုပ်ဆောင်နေသူတွေဖြစ်တယ်လို့ ထုတ်ပြန်ချက်မှာ ဖော်ပြထာရပါတယ်။
သေဆုံးသူတွေဆီကနေ လက်လုပ် ၉ လုံးကျည်သေနတ် အတိုတစ်လက်၊ ကျည်ဆန် ၃ တောင့်၊ ငွေကျပ် ၆၃၈၀၀၊ ဖုန်း ၂လုံး၊ မှတ်ပုံတင်၊ ယာဥ်မောင်းလိုင်စင်၊ ဆိုင်ကယ်တစ်စီးနဲ့ပျူစောထီးမှတ်တမ်းစာရွက်စာတမ်းတွေသိမ်းဆည်းရမိခဲ့တယ်လို့ထုတ်ပြန်ချက်မှာဖော်ပြထားပါတယ်။
အခုရှင်းလင်းမှုကို လောင်းလုံး PDF နဲ့ DDT တပ်ခွဲ ၃ တို့ကပူးပေါင်းပြုလုပ်ခဲ့တာဖြစ်တယ်လို့သိရပါတယ်။
နောက်ထပ်လည်းစစ်ကောင်စီတပ်သားတွေ၊ စစ်ကောင်စီသတင်းပေး နဲ့ ပျူစောထီးတွေကို အလျှင်းသင့်သလို သုတ်သင်ရှင်းလင်းသွားမှာဖြစ်လို့အမြန်ဆုံး အလင်းဝင်ပေးကြဖို့သတိပေးထားပါတယ်။
ပြည်သူတွေအနေနဲ့လည်း စစ်ကောင်စီတပ်သားတွေ ပျူစောထီးတွေနဲ့ နီးနီးကပ်ကပ်နေခြင်းအားဖြင့် ပြည်သူ့ကာကွယ်ရေးတပ်တွေကိုကူညီဖို့လည်း တိုက်တွန်းထားပါတယ်။
လွန်ခဲ့တဲ့ ၅ရက်ခန့်ကလည်း လောင်းလုံးမြို့နယ်မှာ ပျူစောထီးအဖွဲ့ပြည်သူ့ကာကွယ်ရေးတပ် တိုက်ပွဲဖြစ်ပွားပြီး ပျူစောထီး ၄ ဦးသေဆုံးကာ ကာဘိုင်သေနတ်တစ်လက်သိမ်းဆည်းရမိခဲ့ပါသေးတယ်။
The Tanintharyi Times
![လောင်းလုံးမှာ စွန်ရဲအမည်ခံပျူစောထီး သုံးဦး တပြိုင်တည်း သတ်ခံရ](https://blogger.googleusercontent.com/img/b/R29vZ2xl/AVvXsEgfiOzdjQkni99HEiCDSv1ibKpH5MMG4VdvJqJxcA3rmf_ra1V8_xY2264QkamlbEXuLSMJ06GvTCknta5ZPLOsBk1orG-nGQ7IID_aggOMvW1WAsjFIuRcI3NmBKpOXi5cUTnI5KbK9hGXbMzTk8_Op9kxN-8obHbMq_ragP5ebkJoQ3W4BZ8o3cffZw/s72-w640-c-h480/6.jpg)
No comments:
Post a Comment