 |
▪️ဖာပွန် - ကတိုင်တိကြား ကုန်းလမ်း၊ ရေလမ်း သွားလာခွင့်မပြုဟု ဒေသခံများအား စစ်ကောင်စီတပ် ခြိမ်းခြောက်အမိန့်ထုတ်ထား
ကရင်အမျိုးသားအစည်းအရုံး(KNU) တပ်မဟာ(၅) နယ်မြေ ဖာပွန် - ကမမောင်းလမ်း၌ တိုက်ပွဲဖြစ်ပွားရာ စစ်ကောင်စီတပ်က သေဆုံးထိခိုက်ရှိခဲ့သည်ဟု ယနေ့ သတင်းထုတ်ပြန်သည်။
စက်တင်ဘာ ၂၆ရက်က အဆိုပါ လမ်းပိုင်းတွင် စစ်ကောင်စီတပ် စစ်ကြောင်းတစ်ခုကို တပ်မဟာ (၅) က နှစ်ကြိမ် ခြုံခိုတိုက်ခိုက်ခဲ့ရာ စစ်ကောင်စီတပ်မှ ၅ဦး သေဆုံးကာ သုံးဦး ဒဏ်ရာရခဲ့သည်ဟု ဖော်ပြထားသည်။ အဆိုပါ တိုက်ခိုက်မှုအတွင်း တပ်မဟာ (၅)ရဲဘော်များ ထိခိုက်ကျဆုံးမရှိဟု အသိပေးထား သည်။
စစ်ကောင်စီတပ်နှင့် ၎င်း၏ လက်အောက်ခံ နယ်ခြားစောင့်တပ်(BGF) တို့အနေဖြင့် တပ်မဟာ(၅)နယ်မြေတွင် စစ်ရေးလှုပ်ရှားမှုများ ပိုမိုပြုလုပ်လာသည့်အပြင် လူ့အခွင့်အရေး ချိုးဖောက်မှုများလည်း နေ့စဉ်နှင့်အမျှ လုပ်ဆောင်နေသည်ဟု ဆိုသည်။
BGF တပ်ရင်း(၁၀၁၄) တပ်ဖွဲ့ဝင်များသည် ဖာပွန် - ကမမောင်းလမ်းရှိ ဖာပွန် - ကတိုင်တိကြားကို ကုန်းလမ်း သော်လည်းကောင်း၊ ရေလမ်းသော်လည်းကောင်း သွားလာခြင်းမပြုရန် ဒေသခံ ပြည်သူများအား အမိန့် ထုတ်ပြန်ထားကြောင်း၊ သွားလာသူများ တွေ့ရှိပါက မော်တော်ကား၊ မော်တော်ဆိုင်ကယ်နှင့် စက်လှေများအား ဖမ်းဆီးဖျက်ဆီးမည်ဟု လူထုကိုခြိမ်းခြောက် ထားကြောင်း ဒေသခံများက ပြောကြားလာသည်ဟု ဖော်ပြထားသည်။
People's Spring
Reviewed by THITHTOOLWIN
on
23:12
Rating:
No comments:
Post a Comment