ဂန့်ဂေါ ၊ ဩဂုတ် ၁၈ ၊ ၂၀၂၂ ။
မကွေးတိုင်း၊ ဂန့်ဂေါမြို့ ၊ မင်းရွာမှ ကျောင်းဆရာမနှစ်ဦးက PDF များ၏လှုပ်ရှားမှုများကိုစစ်ကောင်စီထံ သတင်းပေးနေသောကြောင့် ရှင်းလင်းခဲ့ကြောင်း CDF-KKG Battlion-5 Gangaw Region တာဝန်ခံက မြေလတ်အသံကိုပြောသည်။
ဩဂုတ်လ ၁၄ ရက်နေ့က ဖမ်းဆီးရှင်းလင်းခဲ့တာဖြစ်ပြီး စစ်ကောင်စီနှင့် MRTV မှ ညီမဖြစ်သူထံ သတင်းများပေးနေ ကြောင်း ဝန်ခံခဲ့သည့်အတွက် ရှင်းလင်းခဲ့ကြောင်း ယင်းအဖွဲ့ထံကသိရသည်။
"သူတို့စစ်ကောင်စီသတင်းပေးနေတာကသေချာတယ်၊ အခုနေပြည်တော် MRTV မှာလုပ်နေတာ သူ့ညီမအရင်းရှိတယ်၊ ဒီဘက်ကသတင်းအချက်အလက်တွေကို သူတို့ကသတင်းယူပြီးသွားသွားပို့နေတာ၊ သူတို့ကစစ်တပ်အားပေးတွေပါ၊ တော်လှန်ရေးသမားတွေရွာထဲ ဝင်တာကအစလုံးဝမလိုလားကြဘူး၊တော်လှန်ရေးသမားတွေသူတို့ အိမ်ရှေ့ဖြတ်တာကို စစ်သားခေါပြီးပစ်ခိုင်းမယ်လုပ်တာ။ ရွာခံတွေကလည်းသတင်းအတိအကျပေးလို့ဒါမျိုးလုပ်လိုက်ရတာပါ၊" ဟု CDF-KKG Battlion-5 Gangaw Region တာဝန်ခံကပြောသည်။
ကျောင်းဆရာမနှစ်ဦးမှာ ဒေါ်ယမင်းအေးနှင့် ဒေါ်စန်းစန်းမြင့် တို့ဖြစ်ပြီး Non CDM မူလတန်းကျောင်းအုပ်နှင့် ဘော်ဒါဆောင်များဖွင့်လှစ်ထားကြောင်း သိရသည်။
မြေလတ်အသံ - Myaelatt Athan
Reviewed by THITHTOOLWIN
on
22:12
Rating:
No comments:
Post a Comment