ဩဂုတ် ၁၂ ရက်၊ မုန်း
ကရင်အမျိုးသား အစည်းအရုံး/ကရင်တပ်မတော် (KNU/KNLA)နဲ့ စစ်ကောင်စီတပ်တို့ တိုက်ပွဲ ဆက်လက်ဖြစ်ပွားနေပြီး စစ်တပ်ဘက်က (၁၂)ဦး သေဆုံးခဲ့ပါတယ်။
ဩဂုတ် ၁၀ ရက်က KNU ရဲ့ စီမံအုပ်ချုပ်နယ်မြေ ညောင်လေးပင်ခရိုင် မုန်းမြို့နယ်အတွင်းရှိ တယ်ပေါနဲ့ ကရင်မြက်ရဲရွာကြား KNLA တပ်ရင်း(၈)နဲ့ စစ်တပ်တို့အကြား ထိတွေ့ပစ်ခတ်မှု ၂ ကြိမ် ဖြစ်ပွားခဲ့ရာ စစ်တပ်ဘက်က ၉ ဦး သေဆုံးခဲ့တယ်လို့ ဒီနေ့လယ်မှာ KNU က ထုတ်ပြန်လာပါတယ်။
ဩဂုတ် ၆ ရက် ညနေ ၅ နာရီခန့်ကလည်း KNLA ရဲ့ တပ်ရင်း(၈)နဲ့ စစ်ကောင်စီတပ်တို့အကြား ကြိုးပင်ဆိပ် စစ်တပ်စခန်းမှာ ထိတွေ့ပတ်ခတ်မှုတစ်ကြိမ် ဖြစ်ပွားခဲ့ပြီး စစ်တပ်ဘက်မှတစ်ဦး သေဆုံးခဲ့ပါတယ်။
ဩဂုတ် ၅ ရက် ညနေ ၄ နာရီကျော်မှာ မုန်းမြို့နယ် ငှက်ပျောတောကျေးရွာ အနီးတစ်ဝိုက် KNLA ရဲ့ တပ်ရင်း(၈)နဲ့ စစ်တပ်တို့အကြား ထိတွေ့ပစ်ခတ်မှုတစ်ကြိမ် ဖြစ်ပွားခဲ့ပြီး စစ်တပ်ဘက်မှ အရာခံဗိုလ်တစ်ဦး၊ တပ်သားတစ်ဦးသေဆုံးခဲ့တယ်လို့ ဆိုပါတယ်။
Shwe Phee Myay News Agency
Reviewed by THITHTOOLWIN
on
20:09
Rating:
No comments:
Post a Comment