မကွေးတိုင်း၊ မြိုင်မြို့နယ် သရက်ကန်ရွာအနီးတွင် အကြမ်းဖက်စစ်တပ်က လူနေအိမ်များနှင့် ရေနံတွင်းများကို မီးရှို့ဖျက်ဆီးနေကြောင်း ဒေသခံများက ပြော သည်။
ယနေ့(ဇွန်လ၂၉ရက်) ညနေ ၄နာရီခွဲခန့်က မြိုင်မြို့နယ်၊ သရက်ကန်ရွာ အရှေ့မြောက်ဘက်တွင် အကြမ်းဖက်စစ်ကောင်စီတပ်များက ပြည်သူ့နေအိမ်အချို့နှင့် ပြည်သူ လူထု၏ အသက်မွေးဝမ်းကြောင်းပြုလုပ်ရာ ရေနံတွင်းများကို မီးရှို့ဖျက်စီးနေကြောင်း မြိုင်နယ်အခြေစိုက် God Of Myaing-PDF အဖွဲ့က သတင်းထုတ်ပြန်သည်။
ပြည်သူများအနေဖြင့် အကြမ်းဖက်စစ်ကောင်စီတပ်များရှိရာနေရာများနှင့် ဝေးရာသို့ တိမ်းရှောင်နေထိုင်ကြရန် God Of Myaing-PDF အဖွဲ့က သတိပေးသည်။
ဇွန်လ၂၅ရက် နံနက်၄နာရီခန့်က မြိုင်မြို့နယ်နှင့် ပေါက်မြို့နယ်ကြားရှိ သရက်ကန်ရွာ လက်ပံတိုရဲစခန်းကို PDF ပူးပေါင်းတပ်ဖွဲ့များက ၁နာရီကြာသွားရောက်တိုက်ခိုက်ခဲ့သည်။ ရဲစခန်းအထိနာခဲ့၍ အကြမ်းဖက်စစ်တပ်က ရဟတ်ယာဥ်ဖြင့်ပါ လာရောက်ပစ်ကူခဲ့သည်။
မတ်လ ၂၃ရက်ကလည်း ပြည်သူ့ကာကွယ်ရေးတပ်ဖွဲ့များက သရက်ကန်ကျေးရွာရဲစခန်းကို ဝင်ရောက်တိုက်ခိုက်ခဲ့ပြီး စစ်သားနှင့် ပျူစောထီး ၁၇ဦးသေဆုံးခဲ့သေးသည်။
People's Spring
Reviewed by THITHTOOLWIN
on
23:21
Rating:
No comments:
Post a Comment